Marty's Day for Tibet-Dr. Lobsang sangay NYC 2-2
Friday, May 31, 2013
སྨིན་དང་མ་སྨིན་མཚམས་ན།།
མི་རེ་རེ་བཞིན་སྨིན་དང་མ་སྨིན་གྱི་མཚམས་ནས་ནར་སོན་པ་རེད་ལ།
མི་རེ་རེ་ལ་སྨིན་དང་མ་སྨིན་གྱི་མཚམས་ན་སྐད་ཆ་རེ་དང་གཏམ་རྒྱུད་རེ་ཡོད་སྲིད།
སྨིན་དང་མ་སྨིན་ནི་ཕྱོགས་བཅུ་དུས་གསུམ་བསྡུར་ཏེ་བཤད་ན་འོས་རྒྱུ་རེད་ལ། སྨིན་དང་མ་སྨིན་ནི་ཕྱི་ནང་གསང་གསུམ་ལ་ལྟོས་ཏེ་བཤད་ན་འགྲིག་རྒྱུ་རེད།
མི་སུ་ཞིག་གིས་རིག་གནས་གང་ཞིག་དང་སྣང་ཚུལ་ཅི་ཞིག་གི་སྔུན་ནས་སྨིན་དང་མ་སྨིན་བར་གྱི་སྐོབ་རྟགས་གདོང་ཚ་བ་རེ་བསྟན་ཡོད་ངེས་མོད།
མི་ཡོད་ཚད་ཀྱིས་སྨིན་དང་མ་སྨིན་མཚམས་ཀྱི་ལས་དོན་དག་ལ་ཁས་ལེན་དང་བདེན་ཁ་སྟེར་བའི་ངེས་པ་ཡོད་མི་སྲིད།
སྨིན་དང་མ་སྨིན་གྱི་མཚམས་ནི་མཐའ་གཅིག་ཏུ་འདིའོ་ཞེས་སྡེར་ཁ་བཞིན་སྔུན་ལ་བཤམ་འཇོག་རྒྱུ་ཞིག་ཡོད་པ་མ་རེད་མོད།
སྨིན་དང་མ་སྨིན་ལ་ལྟོས་བཅོས་ཀྱིས་སྒེར་གྱིས་ངོས་འཛིན་ཞིག་གནང་ན་འགལ་ཆ་ཅི་ལ་ཡོད།
སྨིན་དང་མ་སྨིན་པའི་མཚམས་ནི། མེ་ཏོག་ཞིག་ལ་ཆ་མཚོན་ན་འདབ་མ་གྲོལ་དང་མ་གྲོལ་གྱི་མཚམས་ན་ཡོད་པ་དང་འདྲ་སྟེ། མདོར་ན་མ་སྨིན་པའི་གནས་སུ་གྱར་བ་ལ་གོ་བར་བྱའོ།།
སྨིན་དང་མ་སྨིན་མཚམས་ན་ཞེས་པ་འདི་ནི། མདོར་ན་རང་ཉིད་འདུ་བའི་༨༠རྗེས་ཀྱི་གཞོན་སྐྱེས་དག་ལ་ཉམས་མྱོང་དཔང་ལ་བཞག་སྟེ་གསོང་བོའི་སྨྲ་སྒོ་ཞིག་འབྱེད་འདོད་པ་ཡིན་ཏེ། ༨༠རྗེས་ཀྱི་གསར་བུ་ཚོས་སྐྱག་པ་ཁ་བའི་གཡོག་པའི་སྣང་ཚུལ་ལ་མིག་གཡེང་བྱ་མ་འདོད་པས་ཡིན་།
རིག་གནས་མི་འདྲ་བ་རེ་དང་། ཁོར་ཡུག་མི་འདྲ་བ་རེ། གོམས་སྲོལ་མི་འདྲ་བའི་མངའ་ཁོངས་ནས་འཚར་ལོངས་བྱུང་ཞིང་། འཚོ་བ་རོལ་བའི་༨༠རྗེས་ཀྱི་གསར་བུ་ཚོ་ལ། རང་ཚོད་ཀྱིས་སོ་སོ་དང་འབྲེལ་བའི་ང་རྒྱལ་དང་ཕུགས་བསམ། སྨྲ་བ་སོགས་ཡོད་པ་ནི་ཤིན་ཏུ་དགའ་འོས་པའི་གནས་ཡིན་མོད། སྤྱི་ཚོགས་ཀྱི་རྒྱུན་ཤེས་དང་ཉམས་མྱོང་ལ་རྨོངས་ཞིང་། སློབ་རྭའི་ནང་ནས་དང་སློབ་ཕྲུག་འགའི་གྲལ་ནས། དགེ་རྒན་གྱིས་གཟེངས་བསྟོད་གནང་བ་དང་། གང་ཞིག་གིས་སློབ་མའི་ལང་ཚོ་ལ་གསོན་ཤུགས་བྱིན་ཏེ་བསྟོད་ར་འཐེན་པ་སོགས་ཀྱི་བཟང་ཡིག་མང་པོ་ཞིག་གི་ཐམ་ཀ་འཁྱེར་ནས། སྤྱི་ཚོགས་ཀྱི་སྒང་ནས་ཀྱང་ཁ་ཕོ་ཁོ་ནས་ས་རྒྱ་ཆོད་རྒྱུ་ཟེར་ན། ཁྱེད་ཀྱིས་དཀའ་མོ་བཤད་དང་བ་ཡིན་ཏེ། ཡང་ན་སླ་མོ་ཞིག་བསམ་དང་བ་ཡང་ཡིན་གྱི། ད་དུང་བྱིས་བློ་ལས་མ་འདའ་བ་ཡིན་ནོ།།
སྨིན་དང་མ་སྨིན་པའི་མཚམས་ནི། མེ་ཏོག་ཞིག་ལ་ཆ་མཚོན་ན་འདབ་མ་གྲོལ་དང་མ་གྲོལ་གྱི་མཚམས་ན་ཡོད་པ་དང་འདྲ་སྟེ། མདོར་ན་མ་སྨིན་པའི་གནས་སུ་གྱར་བ་ལ་གོ་བར་བྱའོ།།
སྨིན་དང་མ་སྨིན་མཚམས་ན་ཞེས་པ་འདི་ནི། མདོར་ན་རང་ཉིད་འདུ་བའི་༨༠རྗེས་ཀྱི་གཞོན་སྐྱེས་དག་ལ་ཉམས་མྱོང་དཔང་ལ་བཞག་སྟེ་གསོང་བོའི་སྨྲ་སྒོ་ཞིག་འབྱེད་འདོད་པ་ཡིན་ཏེ། ༨༠རྗེས་ཀྱི་གསར་བུ་ཚོས་སྐྱག་པ་ཁ་བའི་གཡོག་པའི་སྣང་ཚུལ་ལ་མིག་གཡེང་བྱ་མ་འདོད་པས་ཡིན་།
རིག་གནས་མི་འདྲ་བ་རེ་དང་། ཁོར་ཡུག་མི་འདྲ་བ་རེ། གོམས་སྲོལ་མི་འདྲ་བའི་མངའ་ཁོངས་ནས་འཚར་ལོངས་བྱུང་ཞིང་། འཚོ་བ་རོལ་བའི་༨༠རྗེས་ཀྱི་གསར་བུ་ཚོ་ལ། རང་ཚོད་ཀྱིས་སོ་སོ་དང་འབྲེལ་བའི་ང་རྒྱལ་དང་ཕུགས་བསམ། སྨྲ་བ་སོགས་ཡོད་པ་ནི་ཤིན་ཏུ་དགའ་འོས་པའི་གནས་ཡིན་མོད། སྤྱི་ཚོགས་ཀྱི་རྒྱུན་ཤེས་དང་ཉམས་མྱོང་ལ་རྨོངས་ཞིང་། སློབ་རྭའི་ནང་ནས་དང་སློབ་ཕྲུག་འགའི་གྲལ་ནས། དགེ་རྒན་གྱིས་གཟེངས་བསྟོད་གནང་བ་དང་། གང་ཞིག་གིས་སློབ་མའི་ལང་ཚོ་ལ་གསོན་ཤུགས་བྱིན་ཏེ་བསྟོད་ར་འཐེན་པ་སོགས་ཀྱི་བཟང་ཡིག་མང་པོ་ཞིག་གི་ཐམ་ཀ་འཁྱེར་ནས། སྤྱི་ཚོགས་ཀྱི་སྒང་ནས་ཀྱང་ཁ་ཕོ་ཁོ་ནས་ས་རྒྱ་ཆོད་རྒྱུ་ཟེར་ན། ཁྱེད་ཀྱིས་དཀའ་མོ་བཤད་དང་བ་ཡིན་ཏེ། ཡང་ན་སླ་མོ་ཞིག་བསམ་དང་བ་ཡང་ཡིན་གྱི། ད་དུང་བྱིས་བློ་ལས་མ་འདའ་བ་ཡིན་ནོ།།
དེ་བས་ཁ་ཕོ་དང་ང་རྒྱལ་ཁོ་ན་ལ་འཁེན་ནས་རྒྱང་རིང་གི་རྒྱུས་མེད་པའི་བྱ་དངོས་གང་ལ་ཡང་གང་བྱུང་གིས་སྡོམ་ཚིག་རི་འདྲ་བ་འགོད་པ་དེ་ད་དུང་སྨིན་དང་མ་སྨིན་གྱི་སོ་མཚམས་འགྲེང་ཡོད་པའི་རྟགས་རྣལ་མ་རེད་ལ།
སྨིན་དང་མ་སྨིན་གྱི་མཚམས་དེ་ནས་དེ་ལྟར་རྒྱུས་ལོན་དང་འབྲེལ་འདྲིས།
ཞིབ་འཇུག་ཨེན་ཙམ་ཡང་མེད་པར་ཕ་རོལ་བ་ལ་ཉེས་འགེལ་བྱེད་པ་དང་། ཞྭ་མོ་གྱོན་པ།
གནོད་འཚེ་གཏོང་བ་སོགས་ནི།
ཁོ་བོས་རྩོམ་ཡིག་གཞན་ཞིག་ཏུ་བཤད་མྱོང་བའི་སློབ་གསོའི་ལམ་ལུགས་ཤིག་གིས་བསྐྱེད་པའི་ནག་ཐིག་རེད་ལ།
བསམ་པ་ནོར་བ་དང་སྦྱོར་བ་ནག་པོ་ཡོད་མཁན་གྱི་མི་བུ་དེ་དག་ནི་མཚམས་ལན་རེར་སྒེར་གཅོད་པ་ལས་ཀྱང་སྒེར་གཅོད་པ་རེད་སྙམ།
འོ་ན། སུ་ཞིག་གིས་ང་ལ། ཁྱེད་ཀྱིས་གཞོན་པ་ཚོའི་སྨྲ་བ་བསྡམ་དགོས་ཟེར་བ་ཡིན་ནམ་ཞེས་དྲི་བ་མ་སྨིན་པ་དེ་འདྲ་ཐོན་ན་ཐང་མོད། ངས་ནི་ལན་དུ། མ་ཡིན་ཏེ། སློབ་ཆེན་གྱི་དུས་སྐབས་ནི་ང་རྒྱལ་དང་སྣང་བ་བར་སྣང་ན་འཕུར་བའི་དུས་སྐབས་ཡིན། ཁྱེད་ཀྱིས་རྨི་ལམ་མང་པོ་རྨིས་ཆོག་གི་རེད་ལ། དྭངས་གཙང་གི་ཁ་ཤོམས་ཀྱང་མང་པོ་འཐེན་རུང་། སུས་ཀྱང་ཁྱེད་ལ་རྒྱུས་ལོན་བྱེད་ཐུབ་ཀིན་རེད་དེ། ཁྱེད་ད་དུང་སྤྱི་ཚོགས་ཀྱི་མྱི་ཧྲིལ་བོ་ཞིག་མ་ཡིན་པས། ཁྱེད་ཀྱི་ལང་ཚོ་ལ་ད་དུང་སྐྱེ་སྟོབས་ཀྱི་དཔལ་འབར་བཞིན་ཡོད་པས། ཁྱེད་ཀྱིས་ཅི་ཡང་མ་སྒྲུབ་པར། ཅི་ཞིག་བཤད་ན་ཡང་། ཁྱེད་རང་ད་དུང་རྨི་ལམ་གྱི་ས་ཚིགས་ན་ཡོད་པས། ཀུན་གྱིས་དཀྱེལ་ཡངས་ཞེས་པ་ཞིག་ཁྱེད་ཀྱི་མདུན་ལ་འཕྲེད་ཀྱིས་གཡུག་སྟེ། ཁྱེད་ལ་ད་དུང་རྨི་ལམ་རྨི་སའི་བར་སྣང་གི་ཁོར་ཡུག་སྐྲུན་ན་འགྲིག་གི་རེད་ལ། དེ་ནི་ཁྱེད་ད་རུང་དྭངས་གཙང་ཞིག་དང་ཕུགས་བསམ་ཞིག་ཡིན་པས་ཁྱེད་ལ་འོད་ཀྱི་བརྩོན་འགྲུས་དང་རེ་བའི་འབྲས་བུ་འབྱུང་ན་ཐང་བས་སོ།
འོན་ཀྱང་སློབ་གྲྭ་ལས་བུད་ནས་ལོ་མང་སོང་ཡང་། ད་དུང་ལག་ནས་ཤིག་མི་འཆོར་བར་ཁ་ནས་སྐམ་བཤའ་བའི་གཞོན་སྐྱེས་དག་ལ་ནི་སྐྱག་སྒོང་ཞིག་གི་དགའ་རྟགས་ལས་ཅི་ཡང་མེད་དེ། ནམ་ནམ་ཞར། རང་ལས་བཟང་བ་དང་རྒྱན་པ། འཇོན་པ་དང་ཐུབ་པ་མང་པོ་ཞིག་ལ་ཕྲག་དོག་ཚིག་གི་གཏོར་མ་འཕེན་ཞིང་། རྣག་སེམས་དུག་གི་ཚེར་མས་གཙེག་ཅི་ཐུབ་བགྱི་བཞིན་ཡོད་པ་རེད། མི་དེ་རིགས་ཀྱིས་མཐར་ཐུག་ན་ཅི་ཡང་ཁས་མི་ལེན་ཞིང་། ཁོ་ཚོའི་མིག་ལམ་ན་སུ་ཡང་སྐྱོན་ལྡན་གྱི་ཉེས་ཅན་ལགས་པས། མཐར་ཐུག་ན་ཁོ་ཚོ་ཡོད་ཚད་ཀྱི་གོང་དང་མཐོ་སར་བཞག་སྟེ་ཁྱེད་བདེན་ཁྱེད་ཆེ་ཁྱེད་མཚར་ཞེས་མཁོ་གལ་ཆེ་བ་ཡོད་ཀྱིན་འདྲ་མོད། དེ་ནི་སྒྱུ་འཕྲུལ་རིང་ལུགས་ཀྱི་སྙན་ངག་ཅིག་དང་འདྲ་སྟེ། ཡང་ན་སྟོང་བསམ་རིང་ལུགས་ཀྱི་གློག་བརྙན་ཞིག་དང་ཡང་མཚུངས་ན། ངལ་བ་དེ་དག་ལྷུར་བླངས་ནས་ཀུན་སློང་རྣམ་དག་དང་སྦྱོར་བ་གཙང་མས་ལས་དོན་ཆུང་ངུ་ནས་མགོ་རྩོམ་ན་མི་བཟང་ངམ།
གང་ལྟར་མཐའ་མར་སྨིན་དང་མ་སྨིན་གྱི་མཚམས་ན་ཡོད་པའི་དཔེར་མཚོན་གསོན་པོ་འདི་ནི་ཁོ་བོས་ཆེས་གླེང་ན་འདོད་པ་ཞིག་སྟེ། དེང་གི་གཞོན་སྐྱེས་མང་པོ་ཞིག་གིས་སྒེར་ཚུགས་གླེང་ཞོར་སྒེར་ཚུགས་ཁྱོན་ནས་བོར་ཏེ། སྒེར་གྱི་ཆེད་དུ་མི་རིགས་ལ་དམའ་ཕབ་གྱིན་པ་དེ་ནི་ཁོ་བོས་ཆེས་བཟོད་བསྲན་དཀའ་བའི་ལས་ཤིག་གོ
ཆུང་དུས་སྒོ་ཁྱི་ལ་ཟས་བྱིན་ཚེ་རྔ་མ་གཡུག་བཞིན་ངོ་དགའ་བྱེད་པ་ལས་ངར་ངར་གྱིས་འཐེན་ཤུགས་མི་བྱེད་པ་བཞིན། སུ་ཞིག་གིས་ཁ་གཡག་ངོ་དགའ་འཐེན་ཚེ་རང་གི་མི་རིགས་ཀྱི་ངན་དང་འཚང་སོགས་སྦ་གསང་མེད་པར་ཕྱི་མིའི་རྣ་ལམ་དུ་བརྒྱུད་སྤེལ་བྱེད་ཀྱིན་པ་དེ་ནི་ཆེས་མིའུ་ཆུང་གི་ལས་ཀ་ཁོ་ནར་ཟད་དེ། ཁྱེད་རང་དངོས་གནས་མི་རིགས་དང་རིག་གནས་ལ་ཤ་ཚ་ཞིང་སྙིང་ཉེ་ན་ནང་མིའི་གདོང་ལ་གཏད་དེ་བཤད་ན་འགྲིག་པ་ལས། གཞན་མིའི་རྣ་ལ་འཁྱེར་ན་དེ་ཚོའི་ཁོང་དགོང་དང་འཕྱ་སྨོད། མཐོང་ཆུང་ལས་ཅང་ཐོབ་ཀི་མ་རེད་ལ། བོད་ཀྱི་ངན་འཚང་རྒྱུད་སྒྲོག་པ་དེ་ཚོ་ཡང་གཞན་གྱི་མིག་ལམ་ནས་ཀྱང་མིའུ་ཆུང་དུ་འགྱུར་བ་ལས་འཕགས་མི་ཞིག་བརྩི་ག་སྲིད་ཨང་།
བདེན་ཏེ། ང་ལ་མཚོན་ན་ཡང་འོ་སྐོལ་གྱི་སྲོལ་རྒྱུན་རིག་གནས་ཀྱི་ངན་དང་འཚང་སོགས་མང་པོ་གླེང་མྱོང་ཞིང་། སྐྱོན་དང་དགག་སོགས་མོད་པོ་རྒྱབ་མྱོང་ན་ཡང་། དེ་ནི་རང་མིའི་ཆེད་དུ་རང་མིའི་རྣ་ལ་རང་དོན་བཤད་པ་ལས། རང་མིའི་རྫོབ་རྟགས་གཞན་གྱི་གར་སྟེགས་སུ་གཞར་ཡང་འཁྱེར་མ་མྱོང་ལ། ད་ནས་ཀྱང་གཞན་གྱི་གར་སྟེགས་སུ་ཁྱོན་ནས་འཁྲབ་མི་སྲིད། དེ་ནི་ང་རང་ཆེན་པོ་འཛམ་གླིང་དང་མིའི་རིགས་ཡོངས་ཁྱབ་རིན་ཐང་གླེང་མཁན་ཚོ་དང་འདྲ་བའི་རླབས་ཆེན་པོ་མིན་པས་ཡིན་ཏེ། དགའ་སྐྱོ་ཆགས་སྡང་གིས་ཀུན་ནས་གྲུབ་པའི་མི་ཞིག་གིས་སྒེར་སེམས་མངོན་གསལ་དུ་ཕྱི་རུ་བྱུངས་པ་ལས་ཅང་མིན། གསོང་བོ་ལབ་ན། དོན་དག་འདིའི་རིགས་ལ་འཕྲད་ཐེངས་རེར་ང་རང་ཁོང་ཁྲོ་མེ་ལྟར་འབར་མྱོང་ན་ཡང་། ཐབས་བཀོད་ཅི་ཡོད་དེ། ཁོང་ཁྲོ་དེ་སྙིང་ནད་ཅིག་གི་ངོ་བོར་འགྱུར་དུ་འཇུག་པ་ལས་ནུས་པ་ཅི་ཡང་བྲལ།
ཝེ། སྙིང་ཉེ་བའི་གཞོན་སྐྱེས་ཚོ། གོང་གི་སྐད་ཆ་འདི་ལ་ཁྱེད་ཚོས་ད་དུང་གོ་བ་མི་ལོན་ཁུལ་བྱེད་ན། ངས་ཁྱེད་ཅག་ལ་འདི་ལྟར་བཤད་པར་བྱ་སྟེ། ཁྱིམ་གྱི་བཟའ་མིའི་དོན་དག་བཟང་ཚང་ནང་ནས་འདུམ་འགྲིག་བྱས་ན་དགའ་བ་ལས།རང་ཉིད་གང་ཞིག་ན་འཕགས་ཡོད་ཚུལ་གྱིས་རང་གི་ཨ་ཕར་གླེན་ཤད་ཆེ་ཚུལ་དང་ཨ་མར་གཡོ་སྒྱུ་མོད་ཚུལ། ཕུ་ནུ་མིང་སྲིང་ཚོའི་སྐྱོན་ཆ་དང་ངན་འཚང་འདི་དང་གན་ནོ་ཞེས་གཞན་གྱི་མིག་ལམ་ན་བསྟན། རྣ་ལམ་ལ་འཆད། ལྕེ་ཐོག་ལ་བཞག་ན། ཁྱོད་རང་དྲང་ཤེད་ཅན་གྱི་འཕགས་མི་ཞིག་ཏུ་འགྱུར་བའི་ངེས་པ་མེད་དེ། ཁྱོད་ཡང་དེའི་ཚོད་ཀྱི་སྐྱེས་བུ་ཞིག་གམ་དཔའ་མོ་ཞིག་ལས། འབུར་གཟུགས་ཅན་གྱི་སྐུ་འདྲ་ཞིག་ཏུ་འགྱུར་ཐབས་ཨེ་འགྲོ་ཞིབ་ཏུ་སོམས།
བྱས་ན་ཁྱོད་ཀྱི་དམིགས་པ་འབུར་གཟུགས་ཅན་གྱི་སྐུ་འདྲ་ཞིག་མིན་པར། སྐབས་འཚོལ་གྱི་ཁེ་ཕོགས་ཤིག་ཡིན་ཀྱང་སྲིད་མོད། ཁྱིམ་མི་གཡོ་འཚོང་བྱེད་མཁན་གྱི་ཕོ་སྐད་གྲགས་ཀྱིན་པ་དེ་ཚོ་ནི། བདེན་པ་དང་གནས་ལུགས། བརྩེ་དུངས་ཀྱི་སྔུན་ནས་གཞར་ཡང་མིའུ་ཆུང་ལས་ཕོ་ཁྱོ་ཀ་ཞིག་ཏུ་གཏན་ནས་འགྱུར་ཐབས་མེད། དེ་བས། སྨིན་དང་མ་སྨིན་གྱི་མཚམས་ནས་ནོར་འཁྲུལ་སུ་ཡིས་ཀྱང་བཟོ་ངེས་མོད། སྨིན་དང་མ་སྨིན་གྱི་མཚམས་ནས་སུས་ཀྱང་རང་གི་བསམ་སྦྱོར་ལ་དོ་དམ་ལེགས་པོ་བྱེད་ཐུབ་ན་རབ་མ་ཡིན་ནམ། སྨིན་དང་མ་སྨིན་གྱི་སོ་མཚམས་ན་སྒེར་ཚུགས་ཀྱིས་འགྲེང་ཡོད་ཟེར་མཁན་གྱི་གཞོན་སྐྱེས་ཚོ་ཨང་།
འོ་ན། སུ་ཞིག་གིས་ང་ལ། ཁྱེད་ཀྱིས་གཞོན་པ་ཚོའི་སྨྲ་བ་བསྡམ་དགོས་ཟེར་བ་ཡིན་ནམ་ཞེས་དྲི་བ་མ་སྨིན་པ་དེ་འདྲ་ཐོན་ན་ཐང་མོད། ངས་ནི་ལན་དུ། མ་ཡིན་ཏེ། སློབ་ཆེན་གྱི་དུས་སྐབས་ནི་ང་རྒྱལ་དང་སྣང་བ་བར་སྣང་ན་འཕུར་བའི་དུས་སྐབས་ཡིན། ཁྱེད་ཀྱིས་རྨི་ལམ་མང་པོ་རྨིས་ཆོག་གི་རེད་ལ། དྭངས་གཙང་གི་ཁ་ཤོམས་ཀྱང་མང་པོ་འཐེན་རུང་། སུས་ཀྱང་ཁྱེད་ལ་རྒྱུས་ལོན་བྱེད་ཐུབ་ཀིན་རེད་དེ། ཁྱེད་ད་དུང་སྤྱི་ཚོགས་ཀྱི་མྱི་ཧྲིལ་བོ་ཞིག་མ་ཡིན་པས། ཁྱེད་ཀྱི་ལང་ཚོ་ལ་ད་དུང་སྐྱེ་སྟོབས་ཀྱི་དཔལ་འབར་བཞིན་ཡོད་པས། ཁྱེད་ཀྱིས་ཅི་ཡང་མ་སྒྲུབ་པར། ཅི་ཞིག་བཤད་ན་ཡང་། ཁྱེད་རང་ད་དུང་རྨི་ལམ་གྱི་ས་ཚིགས་ན་ཡོད་པས། ཀུན་གྱིས་དཀྱེལ་ཡངས་ཞེས་པ་ཞིག་ཁྱེད་ཀྱི་མདུན་ལ་འཕྲེད་ཀྱིས་གཡུག་སྟེ། ཁྱེད་ལ་ད་དུང་རྨི་ལམ་རྨི་སའི་བར་སྣང་གི་ཁོར་ཡུག་སྐྲུན་ན་འགྲིག་གི་རེད་ལ། དེ་ནི་ཁྱེད་ད་རུང་དྭངས་གཙང་ཞིག་དང་ཕུགས་བསམ་ཞིག་ཡིན་པས་ཁྱེད་ལ་འོད་ཀྱི་བརྩོན་འགྲུས་དང་རེ་བའི་འབྲས་བུ་འབྱུང་ན་ཐང་བས་སོ།
འོན་ཀྱང་སློབ་གྲྭ་ལས་བུད་ནས་ལོ་མང་སོང་ཡང་། ད་དུང་ལག་ནས་ཤིག་མི་འཆོར་བར་ཁ་ནས་སྐམ་བཤའ་བའི་གཞོན་སྐྱེས་དག་ལ་ནི་སྐྱག་སྒོང་ཞིག་གི་དགའ་རྟགས་ལས་ཅི་ཡང་མེད་དེ། ནམ་ནམ་ཞར། རང་ལས་བཟང་བ་དང་རྒྱན་པ། འཇོན་པ་དང་ཐུབ་པ་མང་པོ་ཞིག་ལ་ཕྲག་དོག་ཚིག་གི་གཏོར་མ་འཕེན་ཞིང་། རྣག་སེམས་དུག་གི་ཚེར་མས་གཙེག་ཅི་ཐུབ་བགྱི་བཞིན་ཡོད་པ་རེད། མི་དེ་རིགས་ཀྱིས་མཐར་ཐུག་ན་ཅི་ཡང་ཁས་མི་ལེན་ཞིང་། ཁོ་ཚོའི་མིག་ལམ་ན་སུ་ཡང་སྐྱོན་ལྡན་གྱི་ཉེས་ཅན་ལགས་པས། མཐར་ཐུག་ན་ཁོ་ཚོ་ཡོད་ཚད་ཀྱི་གོང་དང་མཐོ་སར་བཞག་སྟེ་ཁྱེད་བདེན་ཁྱེད་ཆེ་ཁྱེད་མཚར་ཞེས་མཁོ་གལ་ཆེ་བ་ཡོད་ཀྱིན་འདྲ་མོད། དེ་ནི་སྒྱུ་འཕྲུལ་རིང་ལུགས་ཀྱི་སྙན་ངག་ཅིག་དང་འདྲ་སྟེ། ཡང་ན་སྟོང་བསམ་རིང་ལུགས་ཀྱི་གློག་བརྙན་ཞིག་དང་ཡང་མཚུངས་ན། ངལ་བ་དེ་དག་ལྷུར་བླངས་ནས་ཀུན་སློང་རྣམ་དག་དང་སྦྱོར་བ་གཙང་མས་ལས་དོན་ཆུང་ངུ་ནས་མགོ་རྩོམ་ན་མི་བཟང་ངམ།
གང་ལྟར་མཐའ་མར་སྨིན་དང་མ་སྨིན་གྱི་མཚམས་ན་ཡོད་པའི་དཔེར་མཚོན་གསོན་པོ་འདི་ནི་ཁོ་བོས་ཆེས་གླེང་ན་འདོད་པ་ཞིག་སྟེ། དེང་གི་གཞོན་སྐྱེས་མང་པོ་ཞིག་གིས་སྒེར་ཚུགས་གླེང་ཞོར་སྒེར་ཚུགས་ཁྱོན་ནས་བོར་ཏེ། སྒེར་གྱི་ཆེད་དུ་མི་རིགས་ལ་དམའ་ཕབ་གྱིན་པ་དེ་ནི་ཁོ་བོས་ཆེས་བཟོད་བསྲན་དཀའ་བའི་ལས་ཤིག་གོ
ཆུང་དུས་སྒོ་ཁྱི་ལ་ཟས་བྱིན་ཚེ་རྔ་མ་གཡུག་བཞིན་ངོ་དགའ་བྱེད་པ་ལས་ངར་ངར་གྱིས་འཐེན་ཤུགས་མི་བྱེད་པ་བཞིན། སུ་ཞིག་གིས་ཁ་གཡག་ངོ་དགའ་འཐེན་ཚེ་རང་གི་མི་རིགས་ཀྱི་ངན་དང་འཚང་སོགས་སྦ་གསང་མེད་པར་ཕྱི་མིའི་རྣ་ལམ་དུ་བརྒྱུད་སྤེལ་བྱེད་ཀྱིན་པ་དེ་ནི་ཆེས་མིའུ་ཆུང་གི་ལས་ཀ་ཁོ་ནར་ཟད་དེ། ཁྱེད་རང་དངོས་གནས་མི་རིགས་དང་རིག་གནས་ལ་ཤ་ཚ་ཞིང་སྙིང་ཉེ་ན་ནང་མིའི་གདོང་ལ་གཏད་དེ་བཤད་ན་འགྲིག་པ་ལས། གཞན་མིའི་རྣ་ལ་འཁྱེར་ན་དེ་ཚོའི་ཁོང་དགོང་དང་འཕྱ་སྨོད། མཐོང་ཆུང་ལས་ཅང་ཐོབ་ཀི་མ་རེད་ལ། བོད་ཀྱི་ངན་འཚང་རྒྱུད་སྒྲོག་པ་དེ་ཚོ་ཡང་གཞན་གྱི་མིག་ལམ་ནས་ཀྱང་མིའུ་ཆུང་དུ་འགྱུར་བ་ལས་འཕགས་མི་ཞིག་བརྩི་ག་སྲིད་ཨང་།
བདེན་ཏེ། ང་ལ་མཚོན་ན་ཡང་འོ་སྐོལ་གྱི་སྲོལ་རྒྱུན་རིག་གནས་ཀྱི་ངན་དང་འཚང་སོགས་མང་པོ་གླེང་མྱོང་ཞིང་། སྐྱོན་དང་དགག་སོགས་མོད་པོ་རྒྱབ་མྱོང་ན་ཡང་། དེ་ནི་རང་མིའི་ཆེད་དུ་རང་མིའི་རྣ་ལ་རང་དོན་བཤད་པ་ལས། རང་མིའི་རྫོབ་རྟགས་གཞན་གྱི་གར་སྟེགས་སུ་གཞར་ཡང་འཁྱེར་མ་མྱོང་ལ། ད་ནས་ཀྱང་གཞན་གྱི་གར་སྟེགས་སུ་ཁྱོན་ནས་འཁྲབ་མི་སྲིད། དེ་ནི་ང་རང་ཆེན་པོ་འཛམ་གླིང་དང་མིའི་རིགས་ཡོངས་ཁྱབ་རིན་ཐང་གླེང་མཁན་ཚོ་དང་འདྲ་བའི་རླབས་ཆེན་པོ་མིན་པས་ཡིན་ཏེ། དགའ་སྐྱོ་ཆགས་སྡང་གིས་ཀུན་ནས་གྲུབ་པའི་མི་ཞིག་གིས་སྒེར་སེམས་མངོན་གསལ་དུ་ཕྱི་རུ་བྱུངས་པ་ལས་ཅང་མིན། གསོང་བོ་ལབ་ན། དོན་དག་འདིའི་རིགས་ལ་འཕྲད་ཐེངས་རེར་ང་རང་ཁོང་ཁྲོ་མེ་ལྟར་འབར་མྱོང་ན་ཡང་། ཐབས་བཀོད་ཅི་ཡོད་དེ། ཁོང་ཁྲོ་དེ་སྙིང་ནད་ཅིག་གི་ངོ་བོར་འགྱུར་དུ་འཇུག་པ་ལས་ནུས་པ་ཅི་ཡང་བྲལ།
ཝེ། སྙིང་ཉེ་བའི་གཞོན་སྐྱེས་ཚོ། གོང་གི་སྐད་ཆ་འདི་ལ་ཁྱེད་ཚོས་ད་དུང་གོ་བ་མི་ལོན་ཁུལ་བྱེད་ན། ངས་ཁྱེད་ཅག་ལ་འདི་ལྟར་བཤད་པར་བྱ་སྟེ། ཁྱིམ་གྱི་བཟའ་མིའི་དོན་དག་བཟང་ཚང་ནང་ནས་འདུམ་འགྲིག་བྱས་ན་དགའ་བ་ལས།རང་ཉིད་གང་ཞིག་ན་འཕགས་ཡོད་ཚུལ་གྱིས་རང་གི་ཨ་ཕར་གླེན་ཤད་ཆེ་ཚུལ་དང་ཨ་མར་གཡོ་སྒྱུ་མོད་ཚུལ། ཕུ་ནུ་མིང་སྲིང་ཚོའི་སྐྱོན་ཆ་དང་ངན་འཚང་འདི་དང་གན་ནོ་ཞེས་གཞན་གྱི་མིག་ལམ་ན་བསྟན། རྣ་ལམ་ལ་འཆད། ལྕེ་ཐོག་ལ་བཞག་ན། ཁྱོད་རང་དྲང་ཤེད་ཅན་གྱི་འཕགས་མི་ཞིག་ཏུ་འགྱུར་བའི་ངེས་པ་མེད་དེ། ཁྱོད་ཡང་དེའི་ཚོད་ཀྱི་སྐྱེས་བུ་ཞིག་གམ་དཔའ་མོ་ཞིག་ལས། འབུར་གཟུགས་ཅན་གྱི་སྐུ་འདྲ་ཞིག་ཏུ་འགྱུར་ཐབས་ཨེ་འགྲོ་ཞིབ་ཏུ་སོམས།
བྱས་ན་ཁྱོད་ཀྱི་དམིགས་པ་འབུར་གཟུགས་ཅན་གྱི་སྐུ་འདྲ་ཞིག་མིན་པར། སྐབས་འཚོལ་གྱི་ཁེ་ཕོགས་ཤིག་ཡིན་ཀྱང་སྲིད་མོད། ཁྱིམ་མི་གཡོ་འཚོང་བྱེད་མཁན་གྱི་ཕོ་སྐད་གྲགས་ཀྱིན་པ་དེ་ཚོ་ནི། བདེན་པ་དང་གནས་ལུགས། བརྩེ་དུངས་ཀྱི་སྔུན་ནས་གཞར་ཡང་མིའུ་ཆུང་ལས་ཕོ་ཁྱོ་ཀ་ཞིག་ཏུ་གཏན་ནས་འགྱུར་ཐབས་མེད། དེ་བས། སྨིན་དང་མ་སྨིན་གྱི་མཚམས་ནས་ནོར་འཁྲུལ་སུ་ཡིས་ཀྱང་བཟོ་ངེས་མོད། སྨིན་དང་མ་སྨིན་གྱི་མཚམས་ནས་སུས་ཀྱང་རང་གི་བསམ་སྦྱོར་ལ་དོ་དམ་ལེགས་པོ་བྱེད་ཐུབ་ན་རབ་མ་ཡིན་ནམ། སྨིན་དང་མ་སྨིན་གྱི་སོ་མཚམས་ན་སྒེར་ཚུགས་ཀྱིས་འགྲེང་ཡོད་ཟེར་མཁན་གྱི་གཞོན་སྐྱེས་ཚོ་ཨང་།
༢༠༡༣ལོའི་ཟླ་༡པོའི་ཚེས་༡༣ཉིན་ཟི་ལིང་དུ་བྲིས།
ཨ་རི་ཅིའི་ཕྱིར་འཐབ་འཛིང་ལ་མོས་པ་རེད།
ལི་བི་ཏུང་།
རྡོ་རང་སྐྱེད་ཀྱིས་བསྒྱུར།
ང་ཚོས་ཨ་རི་འཐབ་འཁྲུག་སློང་བར་དགའ་ཟེར་བ་དེ། གནས་ལུགས་མེད་པ་ཞིག་མ་ཡིན། རྒྱུ་མཚན་དངོས་ལ་ཞུགས་ཏེ། རགས་ཞིབ་བྱས་པའི་སྡོམ་རྩིས་ལྟར་ན། ཨ་རིས་རྒྱལ་ཁབ་བཙུགས་ཚུན་ནས་དམག་འཁྲུག་ཆེ་ཆུང་རེབས་ཉིས་བརྒྱ་ལྷག་བྱས་ཤིང་། ཨ་རིས་འཐབ་འཁྲུག་བསླངས་པ་དང་། འཐབ་འཁྲུག་ཏུ་ཞུགས་པ་གཙོ་གྲས་རེབས་སུམ་ཅུ་སོ་དགུ་ཙམ། དེའི་ནང་འཛམ་གླིང་འཁྲུག་ཆེན་གཉིས་པའི་རྗེས་སུ་བསླངས་པའི་འཐབ་འཁྲུག་སོ་གསུམ། ང་ཚོར་ཅུང་ཆ་རྒྱུས་ཡོད་པའི་དུས་རབས་སྔོན་མའི་ལོ་རབས་ལྔ་བཅུ་བར་ཁོ་རེ་ཡ་གཡུལ་འགྱེད། ༡༩༦༡ལོར་猪湾སྐམ་ས་བཟུང་བ། ལོ་རབས་དྲུག་ཅུ་བ་དང་བདུན་ཅུ་བའི་ཡེ་ནན་གཡུལ་འགྱེད། ༡༩༨༣ལོའི་ཀུ་ལེན་ནེ་ཏ་བཙན་འཛུལ། ༡༩༨༩ལོའི་ལིས་པས་ཡ་མཁའ་རྒོལ། ༡༩༨༩ལོར་པྰ་ནའ་མྰ་ལ་དམག་དྲངས་པ། ༡༩༩༡ལོར་མཚོ་ངོགས་གཡུལ་འགྱེད། ༡༩༩༣ལོར་སོ་མ་ལིས་དམག་དོན་ལས་འགུལ། ༡༩༩༩ལོའི་ཁི་སོ་བིས་གཡུལ་འགྱེད། ད་རག་བར་མཚམས་མ་བཞག་པའི་ཨོརྒྱན་དང་། གཡུ་རག་གི་དམག་འཁྲུག ཉེ་བའི་དུས་རབས་ཕྱེད་ཀའི་ནང་ཨ་རི་དང་འདྲ་བའི་འཐབ་འགྱེད་ལ་ཧུར་བའི་རྒྱལ་ཁབ་གཅིག་ཀྱང་མེད་པས། སེམས་ཅན་གྱིས་ཨ་རི་དམག་འཁྲུག་ལ་མོས་ཞེས་པའི་སྡོམ་ཚིག་བཏོན་པ་ནོར་མི་འདུག ། ཨ་རི་ལ་གོ་མཚོན་གྱ་ནོམ་པའི་བཤུལ་བཞག་ཡོད་ཅིང་། སྔོན་ཆད་ཨོའུ་གླིང་གི་ཡུལ་གྱལ་བ་མེའུ་གླིང་གི་སྐམ་ས་ཆེན་མོར་ཡོང་སྐབས་ཁོ་ཚོས་སྟ་རེ་དང་རྒྱུག་བོའུ་བཟུང་། ཁོ་ཚོས་ལག་ཆ་དེ་གཉིས་ལ་བརྟེན་ནས་རང་བྱུང་ཁམས་དབང་བསྒྱུར་བྱས་ཤིང་། དགྲ་བོ་རྩ་བརླག་བཏང་བ་རེད། དེས་ཕྱིར་ཨ་རི་བས་མེ་མདའ་ལ་གཅེས་ཤིང་། ཡོངས་ཁྱབ་ཀྱི་སེམས་ལ་དྲག་ཆས་ནི་ཡོད་ཚད་ཡིན་ཞེས་པའི་བག་ཆགས་ཟབ་མོ་ཡོད། ཁོ་ཚོས་དབྱིན་ཇིའི་ཆོས་ལུགས་གཙོ་བདག་གི་ལམ་སྲོལ་ལ་གྱེན་ལངས་བྱས་ཏེ་རང་བཙན་བྱས་ཤིང་།དེར་བསྟུན་དྲག་ཆས་ལ་བརྟེན་ནས་ཡུན་ཏུ་ཨན་པ་དང་། མྰོ་ཤས་ཀི་བ། ཤྰ་བེའུ་ཞས་པ་སོགས་བཏུལ་བ་མ་ཟད། ཤེས་པན་ཡྰ་ལས་རྒྱལ་ཞིང་། མངའ་ཐང་ཡང་རྒྱ་བསྐྱེད།
ང་ཚོས་ཨ་རི་འཐབ་འཁྲུག་སློང་བར་དགའ་ཟེར་བ་དེ། གནས་ལུགས་མེད་པ་ཞིག་མ་ཡིན། རྒྱུ་མཚན་དངོས་ལ་ཞུགས་ཏེ། རགས་ཞིབ་བྱས་པའི་སྡོམ་རྩིས་ལྟར་ན། ཨ་རིས་རྒྱལ་ཁབ་བཙུགས་ཚུན་ནས་དམག་འཁྲུག་ཆེ་ཆུང་རེབས་ཉིས་བརྒྱ་ལྷག་བྱས་ཤིང་། ཨ་རིས་འཐབ་འཁྲུག་བསླངས་པ་དང་། འཐབ་འཁྲུག་ཏུ་ཞུགས་པ་གཙོ་གྲས་རེབས་སུམ་ཅུ་སོ་དགུ་ཙམ། དེའི་ནང་འཛམ་གླིང་འཁྲུག་ཆེན་གཉིས་པའི་རྗེས་སུ་བསླངས་པའི་འཐབ་འཁྲུག་སོ་གསུམ། ང་ཚོར་ཅུང་ཆ་རྒྱུས་ཡོད་པའི་དུས་རབས་སྔོན་མའི་ལོ་རབས་ལྔ་བཅུ་བར་ཁོ་རེ་ཡ་གཡུལ་འགྱེད། ༡༩༦༡ལོར་猪湾སྐམ་ས་བཟུང་བ། ལོ་རབས་དྲུག་ཅུ་བ་དང་བདུན་ཅུ་བའི་ཡེ་ནན་གཡུལ་འགྱེད། ༡༩༨༣ལོའི་ཀུ་ལེན་ནེ་ཏ་བཙན་འཛུལ། ༡༩༨༩ལོའི་ལིས་པས་ཡ་མཁའ་རྒོལ། ༡༩༨༩ལོར་པྰ་ནའ་མྰ་ལ་དམག་དྲངས་པ། ༡༩༩༡ལོར་མཚོ་ངོགས་གཡུལ་འགྱེད། ༡༩༩༣ལོར་སོ་མ་ལིས་དམག་དོན་ལས་འགུལ། ༡༩༩༩ལོའི་ཁི་སོ་བིས་གཡུལ་འགྱེད། ད་རག་བར་མཚམས་མ་བཞག་པའི་ཨོརྒྱན་དང་། གཡུ་རག་གི་དམག་འཁྲུག ཉེ་བའི་དུས་རབས་ཕྱེད་ཀའི་ནང་ཨ་རི་དང་འདྲ་བའི་འཐབ་འགྱེད་ལ་ཧུར་བའི་རྒྱལ་ཁབ་གཅིག་ཀྱང་མེད་པས། སེམས་ཅན་གྱིས་ཨ་རི་དམག་འཁྲུག་ལ་མོས་ཞེས་པའི་སྡོམ་ཚིག་བཏོན་པ་ནོར་མི་འདུག ། ཨ་རི་ལ་གོ་མཚོན་གྱ་ནོམ་པའི་བཤུལ་བཞག་ཡོད་ཅིང་། སྔོན་ཆད་ཨོའུ་གླིང་གི་ཡུལ་གྱལ་བ་མེའུ་གླིང་གི་སྐམ་ས་ཆེན་མོར་ཡོང་སྐབས་ཁོ་ཚོས་སྟ་རེ་དང་རྒྱུག་བོའུ་བཟུང་། ཁོ་ཚོས་ལག་ཆ་དེ་གཉིས་ལ་བརྟེན་ནས་རང་བྱུང་ཁམས་དབང་བསྒྱུར་བྱས་ཤིང་། དགྲ་བོ་རྩ་བརླག་བཏང་བ་རེད། དེས་ཕྱིར་ཨ་རི་བས་མེ་མདའ་ལ་གཅེས་ཤིང་། ཡོངས་ཁྱབ་ཀྱི་སེམས་ལ་དྲག་ཆས་ནི་ཡོད་ཚད་ཡིན་ཞེས་པའི་བག་ཆགས་ཟབ་མོ་ཡོད། ཁོ་ཚོས་དབྱིན་ཇིའི་ཆོས་ལུགས་གཙོ་བདག་གི་ལམ་སྲོལ་ལ་གྱེན་ལངས་བྱས་ཏེ་རང་བཙན་བྱས་ཤིང་།དེར་བསྟུན་དྲག་ཆས་ལ་བརྟེན་ནས་ཡུན་ཏུ་ཨན་པ་དང་། མྰོ་ཤས་ཀི་བ། ཤྰ་བེའུ་ཞས་པ་སོགས་བཏུལ་བ་མ་ཟད། ཤེས་པན་ཡྰ་ལས་རྒྱལ་ཞིང་། མངའ་ཐང་ཡང་རྒྱ་བསྐྱེད།
དེ་ཡང་ས་ཧྲིལ་བོ་དཔལ་འབྱོར་ཅན་དུ་ཕྱོགས་པའི་དེ་རིང་།
འཐབ་འཁྲུག་རྐྱང་བས་གནད་དོན་འདུམ་མི་ཐུབ་པའི་ལྟ་བའི་འོག
ཧྥོའུ་ལེ་བོས་གློག་བརྙན་གྱི་པར་ལྡེབས་ཆེན་པོ་ནས་མདའ་མདུང་གི་རྩེ་མོ་དེ་ཉིད་སྐར་མའི་གོ་ལ་གཞན་གྱི་མི་ལ་གཏད་པ་རེད།
ཨ་རིས་དྲག་ཆས་བརྒྱན་དུ་འཛིན་པའི་སྲོལ་རྒྱུན་ལྟ་བ་འདི་ལྟར་རྩ་བ་བརྟན་ཞིང་རྩེ་མོ་རིང་བར་དཔྱངས་ནས་ཐོན་པ་རེད།
ཨ་རིའི་དཔེ་མཚོན་རིག་པ་དང་།
གནམ་བདག་གི་བཀའ་ནི་ཨ་རིའི་དམག་འགྱེད་བསམ་བློའི་སྒུལ་ཤུགས་ཡིན།
ཨ་རི་བ་མང་ཆེ་བས་ཨ་རིའི་ཆབ་སྲིད་ལམ་ཕྱོགས་ནི་འཛམ་གླིང་རང་བཞིན་གྱི་དང་རྩེ་ཡིན་པར་རློམ་ཞིང་།
རྒྱལ་བོའི་ལམ་ལུགས་དང་། ཆོས་སྲིད་ཟུང་འབྲེལ།
གུང་ཁྲན་རིང་ལུགས་སོགས་ནི་ཨ་རིའི་ཆབ་སྲིད་པའི་མིག་ལམ་དུ་ཡོད་ཚད་མཐའ་ཆད་དང་ལོག་ལམ་དུ་བཤད།
དབང་བསྒྱུར་ལམ་ལུགས་དེ་རིགས་རྩ་བརླག་གཏོང་ཆེད་དང་།རང་གི་གཟི་དཔལ་གནམ་འོག་ཏུ་ཁྱབ་པར།
དྲག་འཐབ་ཀྱི་ལས་སྣ་ཚོགས་རྩོམ་པར་ཡ་མི་ང་།
ཨ་རིས་ཡེ་ནན་གཡུལ་འགྱེད་ཀྱི་དགོས་པ་གཙོ་བོ་ནི་ཡ་གླིང་ཤར་ནུབ་ཀྱི་གུང་ཁྲན་རིང་ལུགས་ཁག་གི་འབྲེལ་ལམ་སྔོན་འགོགས་ཀྱི་ཆེད་དུ་ཡིན།
སེམས་ཅན་ཕལ་མོ་ཆེས་གཡུ་རག་གི་དམག་འཁྲུག་ནི་རྡོ་སྣུམ་གྱི་ཆེད་དུ་ཡིན་འདོད་མོད།
དོན་ལ་ཤར་དཀྱིལ་གྱི་མི་ལོ་སྟོང་ཕྲག་ལ་མ་བསྒྱུར་བའི་ལྷ་གཙོ་བོའི་ལམ་ལུགས་བཅིངས་འགྲོལ་བྱས་ཏེ་དམངས་གཙོའི་ལམ་ལུགས་འཛུགས་པའི་ཆེད་དུ་ཡིན་ཟེར་བའི་གནས་ལུགས་དང་།
པྰོས་ཧྲི་སྲིད་གཞུང་གི་མཁོན་ཇུས་ཀྱི་ཤན་ཡང་མི་ཉུང་བ་ཞིག་ཐེ་ཡོད།
ད་དུང་ཨ་རིའི་སྟོབས་འབྱོར་གྱིས་འཐབ་འཁྲུག་གི་མཐུན་རྐྱེན་སྲ་བརྟན་གཏོང་ཐུབ་སྟེ། ༡
ཨ་རིར་མཚོན་ན་འཐབ་འཁྲུག་སློང་བར་དཔལ་འབྱོར་གྱི་གཞི་རྒྱ་ཆེ་བ།
རྒྱལ་ཕྲན་ཚོ་དང་འདྲ་བར་དཔལ་འབྱོར་གྱི་མི་འདང་བར་ས་ཟད་ལག་པ་རྡོ་ལ་འཆིང་མི་དགོས་པ།
དེ་ལས་ལྡོག་སྟེ་འཐབ་འཁྲུག་གིས་མི་མངོན་པའི་དབྱིངས་ནས་དཔལ་འབྱོར་འཕེལ་རྒྱས་ལ་གཞོགས་འདེགས་གཏོང་ཐུབ་པའི་ཁེ་བཟང་ཡོད།
ཡིན་ན་ཡང་།
གཡུ་རག་གི་འཐབ་འཁྲུག་ནི་འདམ་རལ་གྱི་གཡུལ་ས་ལྟ་བུར་ཆགས་པས་ཨ་རིའི་དཔལ་འབྱོར་ལ་ཚད་ངེས་ཅན་གྱིས་དཀའ་ཁག་བཟོས་ཡོད་ནའང་།
ཨ་རིའི་ཚན་རྩལ་དར་ཆེ་ཞིང་། གོ་མཚོན་སྔོན་ཐོན་ཡིན་པས།
འཐབ་འཁྲུག་གི་ཕྱོགས་ནས་ཨ་རིའི་དམག་མིར་ཤི་རྨས་ཐེབས་ཚད་དགྲ་ཕྱོགས་ལས་ཆེས་ཆེར་ཉུང་བ་གཏན་ཁེལ་ཡིན།
དེས་ཕྱིར་ཨ་རི་སྲིད་གཞུང་གིས་གཡུལ་འདྲེན་པར་སེམས་ཁྲལ་གང་མང་གཏོང་དགོས་བ་མི་འདུག
གཞན་ཨ་རིས་ནམ་ཡང་རྒྱལ་ཁབ་གཞན་གྱི་ས་ཐོག་ནས་གཡུལ་བཤམས་ངེས་པས།
ཨ་རི་རང་གི་རྒྱལ་ཁོངས་ལ་གནོད་རྐྱེན་མི་ཐེབས་པས།
འཐབ་འཁྲུག་གི་མ་རྩ་སླ་མོར་བླངས་ཡོད། དེས་ཕྱིར་འཐབ་འཁྲུག་གི་དམིགས་ཡུལ་གཙོ་བོ་ནི་ཐོན་ཁུངས་ཀྱི་རིགས་སྔོགས་པ་དང་།
ས་བེད་ལེན་པ། གཏེར་ཁའི་ཚོང་ལམ་འཛུགས་པ་སོགས།
ད་དུང་རྒྱལ་ཁབ་གཞན་པ་ནི་ཨ་རིའི་གོ་མཚོན་གསར་བའི་ཚོད་ལྟ་བྱེད་ཡུལ་དང་དམག་མིས་སྦྱོང་བརྡར་བྱེད་ཡུལ་དུ་བཀོལ་བ།
དེ་ལྟར་ཨ་རིའི་དམག་གིས་མི་རྟ་གཉིས་འཛོམས་ཀྱི་འཐབ་འཁྲུག་གང་མང་བརྒྱུད། རིམ་ཆར་འཐབ་འཁྲུག་ལ་སྟོབས་ཤུགས་ངེས་ཅན་ཞིག་ལྡན་པས།
འཐབ་འཁྲུག་གི་ཉམས་མྱོང་ཡང་གང་མང་བླངས། །
ཨ་རིའི་རྒྱལ་ནང་དུ་འཐབ་འཁྲུག་ལ་ངོ་རྒོལ་བྱ་མཁན་མེད་དམ་ཞེས་ན།
ཡོད་དེ།
ཡིན་ཡང་དེ་ནི་ཨ་རིའི་ཆབ་སྲིད་སྒྲིག་གཞི་དང་དབང་འཛིན་མི་སྣས་ཐད་གར་ཚོད་འཛིན་ཐུབ་པ་ཞིག་མ་ཡིན་པར།
ཨ་རིའི་ཆབ་སྲིད་མ་ལག་ནི་སྲིད་འཛིན་སྡེ་ཁག་དང་། ཁྲིམས་འཛུགས་ཀྱི་སྡེ་ཁག
ཁྲིམས་འཛིན་གྱི་སྡེ་ཁག་བཅས་གསུམ་གྱི་དབང་ཆ་ཕན་ཚུན་གཞོགས་འདེགས་ཀྱི་ཚུལ་དུ་གནས་ཡོད།
འོན་ཀྱང་ཕྱི་འབྲེལ་གྱི་གྲོས་ཆོད་དང་གློ་བུར་བའི་དོན་རྐྱེན་བྱུང་སྐབས།
སྡེ་ཁག་སོ་སོས་གསང་མྱུལ་གྱི་ལམ་ནས་དོན་རྐྱེན་ལ་དཔྱད་བསྡུར་བྱེད་ཅིང་།
ཕྱི་དགྲའི་མདུན་དུ་རྡོག་རྩ་གཅིག་དྲིལ་གྱི་རྣམ་འགྱུར་སྟོན་ཞིང་།
སྲིད་འཛིན་ཁག་དང་ཁྱད་པར་དུ་ཙུང་ཐུང་གི་ཐོབ་དབང་ཆེས་ཆེར་དཔུང་བསྟད་པས།
རྩ་ཁྲིམས་ཀྱི་སྤྱོད་སྒོ་ཞོར་དུ་ཉམས་ཞན་དུ་འགྱུར་ངེས། དེ་བཞིན།
ཨ་རིས་འཐབ་འཁྲུག་དེ་འདྲའི་གང་མང་གི་ཁྲོད་རྩ་ཁྲིམས་ཀྱི་ཁྱབ་ཁོངས་དང་བསྟུན་ནས་བསླངས་པ་དྲུག་མ་གཏོགས་མེད་ཅིང་།
དེ་བྱིངས་ཙུང་ཐུང་ནས་ཐད་ཀར་བཀའ་བསྒོས་པ་རེད།
ཨ་རིའི་རྒྱལ་ནང་དུ་ཁེ་ལས་ཚོགས་པ་རྫོང་མཐུག་ཅིང་།
ཁྱད་པར་དུ་གོ་མཚོན་ཁེ་ལས་པར་དཔུང་རྩ་སྦོམ་པ།
དམག་ཁུལ་དང་གོ་མཚོན་ཁེ་ལས་པ་ངོ་བོ་དབྱེར་མེད་ལྟ་བུར་འབྲེལ་ནས་ཕ་རོལ་བོའི་ས་ནས་ཁེ་སྤོགས་ལེན་ཞིང་།
རང་སྡོམ་ཕྱོགས་ཁ་དང་། ངར་འཛིན་པ།
མི་རིགས་མཆོག་འཛིན་རིང་ལུགས་པ་སོགས་ཀྱིས་མགོ་འབུར་བརྒྱབ་ཚེ།
ཁོ་ཚོ་རང་ལྷུང་སྒོས་མཉམ་འབྲེལ་བྱེད་ཅིང་།
སྐབས་དེར་གྱེན་རྒོལ་བྱེད་པའི་ཧམ་ཤེད་ལ་ཚོད་འཛིན་བྱ་དཀའ།
རྒྱུ་མཚན་དེ་འདྲ་བས་ཨ་རི་གཡུལ་འགྱེད་ལ་མོས་ཤིང་མེ་སྟག་ཕུ་ཐུང་དུ་དམུར་ངེས།
དེས་ཕྱིར་དངོས་ཡོད་ཀྱི་རྒྱུ་རྐྱེན་གང་ཡིན་ལ་སྤྱོད་སྒོ་ཡོད་པའམ་གནས་ལུགས་ཡོད་པ་ལྟ་བུའོ།
ཡིན་ཡང་འདས་པའི་ལོ་རྒྱུས་ལ་བལྟས་ན་འཐབ་འཛིང་གང་མང་བྱ་མཁན་གྱི་གཏེ་བོ་ནི་འབྱོར་ལྡན་རྒྱལ་ཁབ་དབྱིན་ཇི་དང་།
ཧྥ་གོ འཇར་མན་སོགས་བཙན་རྒྱལ་ཁག་ཡིན་པས་ཨ་རི་མ་ཡིན། ཉེ་ལམ་འཛམ་གླིང་རྒྱལ་ཁབ་ཁག་གི་དཔུང་ཤེད་བསྡུར་ནས་བལྟས་ན།
ཨ་རིའི་འཐབ་འཁྲུག་ནི་བཙན་པོས་གཉོམ་ཆུང་འདུལ་པའི་རྣམ་པ་མངོན་གསལ་དོད་པོ་རེད།
ཨ་རིས་རང་གི་རྒྱལ་ཁབ་ཆགས་འཇིག་གི་ཆེད་དུ་སྐབས་དེའི་འཛམ་གླིང་གི་བཙན་རྒྱལ་གོ་གནས་བཟུང་ཡོད་པའི་དབྱིན་ཇིར་འཐབ་འཁྲུག་བརྒྱབ་པ་ལས་གཞན།
ཨ་རིས་གཡུལ་བཤམས་པ་དང་།
གཡུལ་འཁྲུག་གི་དཔུང་གྲས་སུ་ཞུགས་པ་ཚང་མ་དགྲ་ཕྱོགས་ཀྱི་དཔུང་སྟོབས་རང་ལས་ཞན་པ་ཁོ་ན་ལས།
སྟོབས་ལྡན་རྒྱལ་ཁབ་ཁག་ལ་རྩེ་བརྩད་མེད།
དཔེར་ན་འཛམ་གླིང་འཁྲུག་ཆེན་དང་པོ་དང་གཉིས་པའི་སྐབས་སུ་འཇར་མན་དང་།
འཇར་པན་གྱི་དམག་ཤུགས་ཉམས་ཞན་གྱི་སྐབས་གླགས་ལ་བརྟེན་ནས་ལག་འགུལ་བ་རེད།
ཤེས་སྲིད་པ་ནི།
ཉེ་ལམ་ཨ་རི་འཐབ་འཁྲུག་ལ་གོམས་པའི་གཤིས་ཀ་དེ་ནི་རང་གི་སྟོབས་འབྱོར་ལ་རག་ལས་པས།
ཡིན་ནའང་ཞིབ་འཇུག་རྣལ་དུ་ཐིངས་ནས་བལྟས་ན་གནས་ལུགས་གཞན་རེ་ཡང་རྙེད་སྲིད་དོ། །
རྩོམ་འདི་ནི་རྒྱ་ཡིག་གི༢༠༡༠ལོའི༼རྩོམ་ཡིག་ཁྱད་མཚར༽་ཅེས་པ་ལས་ཁོལ་དུ་བྱུང་བ་ཡིན།
སྙན་ངག་པ་གྲགས་ཅན་སྐུ་ཞབས་ཡུས་ཀང་ཀྲུང་ལ་བཅར་བ།
ཡེ་ཝེས་བཅར། རྨས་མས་བསྒྱུར།
སྒྱུར་པ་པོའི་གཏམ།
བཅར་འདྲི་འདི་ནི་རྩོམ་མཁན་ཡེ་ཝེ（叶炜）ལགས་ཀྱི་བརྩམས་ཆོས«འཁྱག་མིག་གིས་རྩོམ་སྟེགས་ལ་བལྟས་པ་»ལས་བསྒྱུར་ཞིང་།
རྩོམ་པ་པོས་ཀྲུང་ཕྱིའི་ཧྭ་ཡིག་རིག་གནས་ཀྱི་ཚབ་མཚོན་པ། མིང་དུ་གྲགས་པའི་སྙན་ངག་པ་ཆེན་མོ་སྐུ་ཞབས་ཡུས་ཀང་ཀྲུང（余光中）ལགས་ལ་བཅར་འདྲི་བྱས་པའི་ནང་དོན་དག་སྒྲིག་བྱས་པ་ཞིག་རེད།
རྩོམ་འདི་སྒྱུར་སྐབས་བདག་གིས་ངལ་བར་མ་འཛེམ་པར་སྔར་ཡོད་བོད་ཀྱི་ཚིག་མཛོད་དག་ལ་བསྟུན་ཅི་ཐུབ་བྱས་ཤིང་།
དེ་དག་ལས་མ་རྙེད་པའམ་བསྟུན་ཐབས་མེད་པ་དག་ལ་རང་གིས་སྒྱུར་ཐབས་གང་རུང་ཞིག་སྤྱད་ཡོད་པས།
ནོར་འཁྲུལ་ཅི་མཆིས་ཀློག་པ་པོ་དག་གི་སྤྱན་སྔར་འཆགས་སོ།།
•རང་ངོ་སྤྲོད་པ།
༡．གསུམ་ཆའི་གཉིས་ཀྱི་རྩོམ་པ་པོ་དང་གསུམ་ཆའི་གཅིག་གི་རིག་གནས་པ།
ངས་ཐོག་མར་སྙན་ངག་འབྲི་བ་ནས་འགོ་བརྩམས་ཤིང་ལོ་འགའི་རྗེས་སུ་ད་གཟོད་ལྷུག་རྩོམ་བྲིས་པ་ཡིན། སྐབས་དེར་ལྷུག་རྩོམ་ནི་ཞོར་ལས་ཤིག་ཏུ་འདོད་ཡོད་མོད་རྗེས་སུ་གཟབ་ནན་གྱིས་བྲིས་པ་དང་ཀློག་པ་པོ་མང་དག་ཅིག་གིས་ཀྱང་ཡིན་འཇོག་བྱས། དེ་བས་སྙན་ངག་དང་ལྷུག་རྩོམ་གཉིས་ནི་བདག་གི་མིག་གཉིས་ཡིན། གཉི་ཀས་དུས་མཉམ་དུ་བལྟས་ན་ད་གཟོད་ལང་གཟུགས་ཀྱི་འཇིག་རྟེན་ཞིག་མཐོང་ཐུབ། ངས་རང་ཉིད་ལ་དབྱེ་ཞིབ་བྱས་པ་ལྟར་ན། ང་ནི་གསུམ་ཆའི་གཉིས་ཀྱི་རྩོམ་པ་པོ་དང་གསམ་ཆའི་གཅིག་གི་རིག་གནས་པ་ཞིག་རེད། འདིར་རིག་གནས་པ་ཞེས་པའི་ནང་དོན་ག་རེ་ཡིན་ཟེར་ན། དེ་ནི་བདག་གིས་དཔྱད་བརྗོད་འབྲི་བར་མ་ཟད་ལོ་ཙྭའི་ལས་ཀ་ཡང་གཉེར་བས་ཡིན། འདི་གཉིས་གཙོ་བོ་རིག་གནས་པ་ཞིག་གི་སྦྱངས་ཐོབ་ལ་བརྟེན་དགོས་པ་དང་རྩོམ་པ་པོའི་སྦྱངས་ཐོབ་དང་ཡང་རྒྱང་བཀྱེད་རུང་བ་ཞིག་ག་ལ་ཡིན། ལྷུག་རྩོམ་དང་སྙན་ངག་གསར་རྩོམ་བྱེད་པ་ནི་རྩོམ་པ་པོའི་བྱ་བ་ཞིག་རེད། དེ་བས། ང་རང་རྩོམ་ལུས་འདི་བཞི་བོར་འཇུག་ཚེ་གསར་རྩོམ་དང་ཡོན་ཚད་ཚང་མར་འབྲེལ་བ་ཆ་ཙམ་རེ་ཡོད་པ་རེད། འོན་ཀྱང་། བདག་གིས་བསམ་ན་གསུམ་ཆའི་གཉིས་ནི་རྩོམ་པ་པོར་འབྲེལ་བ་དང་གསུམ་ཆའི་གཅིག་ནི་རིག་གནས་པར་འབྲེལ་འདུག་པར་འདོད་ཡོད།
•སྙན་ངག་གི་སྐོར།
༡.སྙན་དེབ་གསར་བ་པར་སྐྲུན་བྱེད་ལ་ཉེ།
༡༩༩༢ལོར་ང་རང་ཐོག་དང་པོར་ཐེ་ཝན་ནས་རང་རྒྱལ་དུ་ལོག་པ་ཡིན་ལ་ད་ལྟའི་བར་ལོ་ངོ་༡༦འགོར་སོང་། དེའི་རིང་དཔེ་དེབ་ཉི་ཤུ་ཡས་མས་ཤིག་ཕུད་ཡོད། འདིའི་ནང་དུ་སྣ་ཁ་ཧ་ཅང་མང་སྟེ། འགྱུར་མ་དང་དཔྱད་བརྗོད། ལྷུག་རྩོམ། སྙན་ངག་སོགས་བསྡོམས་ན་མ་མཐར་ཡང་རིགས་ཉི་ཤུ་ལྷག་ཅིག་ཡོད། འདི་དག་ལས་ཁ་ཤས་ཤིག་རྩོམ་སྒྲིག་དང་པར་འདེབས་བྱས་པ་བཟང་ཞིང་ཁ་ཤས་ངན། ད་ལོར་ཡང་ནན་ཅིན་སློབ་ཆེན་དཔེ་སྐྲུན་ཁང་ནས་དཔེ་ཆ་ཞིག་འཕུད་ངེས། རྒྱུ་མཚན་ནི་ང་རང་སློབ་ཆེན་དེའི་གྲོགས་མཆེད་ཡིན། ཁོ་ཚོས་ང་ལ་སྙན་ངག་བཏུས་དེབ་ཅིག་འཕུད་རོགས་བྱེད་ངེས། སྙན་བཏུས་འདི་ནི་གཞེས་བྱེས་ཀྱི་དྲན་གདུང་བརྗོད་སྙིང་བྱས་པ་ཞིག་ཡིན་ཞིང་ཕལ་ཆེར་ད་ལོའི་ཟླ་ལྔ་པར་པར་སྐྲུན་བྱ་རྒྱུ་རེད། རང་རྒྱལ་གྱི་འཕྲིན་སྦྱོར་ཚང་མས་ང་ལ་སྙན་ངག་པ་ཞེས་འབོད། ཡིན་ནའང་། ཡར་སྔོན་ངས་ཕུད་པའི་དཔེ་དེབ་ཕལ་མོ་ཆེ་ལྷུག་རྩོམ་ཡིན། ད་ལོ་ནས་བཟུང་གཟོད་སྙན་བཏུས་ཇེ་མང་དུ་འགྲོ་བཞིན་ཡོད།
༢﹒《ཡུལ་གདུང》མིང་བྱང་ཞིག་ཏུ་གྱུར་བ།
སྙན་ངག་འདི་འབྲི་སྐབས་ངས་སྐར་མ་ཉི་ཤུ་ལས་མ་འཛད། དེ་བས་མི་ལ་ལས་བདག་གི་རྩོམ་ནུས་སྐྱེན་པོ་འདུག་ཅེས་བརྗོད་མྱོངས། དོན་དུ་དེ་འདྲ་ཞིག་ཀྱང་མིན་ཏེ། ང་ལ་ཚོར་སྣང་དེ་ཡོད་ནས་ལོ་ངོ་ཉི་ཤུ་འགོར་སོང་ལ་ཉིན་དེར་ངས་ཏག་ཏག་ཚོར་སྣང་དེ་ཕྱི་རུ་འཕུད་པའི་སྒོ་མོ་ཞིག་རྙེད་སོང་ལས་གཞན་མིན། སྐབས་ཐོག་དེར་ངས་སྙན་ངག་འདི་དེ་འདྲའི་གྲགས་ཆེན་ཞིག་ཏུ་འགྱུར་འགྲོ་བ་ཡིད་ལའང་མ་ཤར། དངོས་གནས“དམག་མི་ཆུང་བས་བྱས་རྗེས་ཆེན་པོ་བཞག་སོང་།” དེའི་རྐྱེན་གྱིས། ད་ལྟ་ཚང་མས་ང་རང་ཡུལ་གདུང་སྙན་ངག་པ་ཞིག་ཏུ་ངོས་བཟུང་ནས་གང་སར་རྟགས་བྱང་སྦྱོར་རྒྱུ་ཞིག་ལོབས་འདུག ང་ལ་ད་དུང་སྙན་ངག་གཞན་པ་ཧ་ཅང་མང་སྟེ། དཔེར་ན་གཉེན་དུང་དང་བརྩེ་དུང་། མཛའ་བརྩེ། ད་དུང་མི་སྣ་དང་རི་ཆུ་སོགས་ཡོད་ལ། ཐ་ན་ཏོ་ལུགས་པ་དང་རབ་བྱུང་བ་བྲིས་པ་ཡང་ཡོད། ཡིན་ནའང་། ཀློག་པ་པོ་འབོར་ཆེན་ཞིག་གིས་ང་དང་འབྲེལ་བ་བྱེད་སྤྱད་ནི་སྙན་ངག་དེ་ཁོ་ན་རེད། སྙན་ངག་འདི་ད་ལྟ་བདག་གི་མིང་བྱང་ཞིག་ཏུ་གྱུར་འདུག མིང་བྱང་དེས་བདག་གི་བཞིན་རས་དངོས་བསྒྲིབས་སོང་བས། ད་ནི་མིང་བྱང་ཙམ་ལས་གདགས་གཞི་དངོས་མི་མཐོང་ངོ།།
༣﹒སྐྲག་དགོས་ས་སྙན་ངག་གི་ཉུང་ཚོགས་ཅན་མ་རེད།
རང་རྒྱལ་གྱི་སྙན་སྟེགས་ལ་ང་རང་རྒྱུས་ཆེན་པོ་མེད། རྒྱུ་མཚན་ནི་རང་རྒྱལ་ལ་སྙན་དེབ་མང་དྲགས་པས་ཡིན། ཆེས་ཐོག་མར་ང་ལ་མཚམས་སྦྱོར་བྱས་པའི་སྙན་ངག་དུས་དེབ་ནི་ཁྲིན་ཏུའུ་ཡི་《སྐར་མ》ཟེར་བ་དེ་རེད། ཉེ་ཆར་ངའི་སྙན་ངག་འབེལ་པོ་ཞིག་ནན་ཅིན་སྙན་ངག་དུས་དེབ་《ཡང་ཙི་ཆུ་བོ》དང་པེ་ཅིང་གི་《སྙན་ངག་དུས་དེབ》སྟེང་བཀོད་ཡོད། བཅོས་བསྒྱུར་སྒོ་འབྱེད་བྱས་པ་ནས་རང་རྒྱལ་དུ་དངོས་གནས་སྙན་ངག་གི་གྲུབ་མཐའ་ནགས་ཀློང་འཁྲིགས་འདྲ་རེད་ཅེས་བརྗོད་ཆོག་པ་འདྲ་ལ། དེ་དག་ལས་ཐོག་མ་ནི་རབ་རིབ་སྙན་ངག་གི་གྲུབ་མཐའ་ཡིན་པ་བཤད་མ་དགོས། རབ་རིབ་སྙན་ངག་པ་ཧྲུའུ་ཐེན་དང་པེ་ཏོ་རྣམ་གཉིས་ངས་རིག་མྱོངས། རབ་རིབ་སྙན་ངག་གི་རྗེས་ནས་སྙན་ངག་གི་གྲུབ་མཐའ་འབོར་ཆེན་པོ་ཞིག་བྱུང་ལ། སོ་སོའི་བཞེད་དགོངས་དང་ཁྱད་ཆོས་ཀྱང་རེ་རེ་ནས་མི་འདྲ་བས། དུས་ཡུན་རིང་པོ་ཞིག་འགོར་ན་ད་གཟོད་མངོན་གསལ་གྱི་ཁ་ཕྱོགས་ཤིག་མཐོང་ཐུབ་པ་ཡིན། ད་ལྟའི་གནད་དོན་ནི་གྲུབ་མཐའ་ག་འདྲ་ཡིན་པ་དེ་མ་རེད། ཡིན་རྒྱུ་ནི་སྙན་ངག་གི་བས་མཐའ་ཅན་ཏེ། རྩོམ་རིག་གི་ཁྲོམ་ར་ཧྲིལ་བོ་དུས་དར་སྙན་ངག་གི་འཚང་ཁ་དགོད་པས་སྙན་ངག་གཤའ་མ་ནི་ཉུང་ཚོགས་ཅན་དུ་གྱུར་པ་རེད། ངས་བསམ་ན་ཉུང་ཚོགས་ལ་འཇིགས་དགོས་དོན་མི་འདུག ད་ལྟ་ང་ཚོས་ཐང་རྒྱལ་རབས་གྱི་སྙན་ངག་ལ་ཕྱིར་ལྟས་ཐེངས་ཤིག་བྱས་ན་ངེས་པ་དོན་གྱི་མང་ཚོགས་ཅན་ཡིན་པ་ཅི་ཙམ་ཡོད། པེ་ཅི་དབྱི་ཡིན་ནམ། ཡང་ན་སུང་རྒྱལ་རབས་ཀྱི་ལུའུ་ཡོང་ཡིན། དེ་ལྟ་ན་ལིས་ཧོས་ཀྲུའུ་ལྟ་བུ་ནི་ཉུང་ཚོགས་ཅན་ཡིན་དེ། ཐང་གི་སྙན་ངག་སུམ་བརྒྱ་བའི་གྲས་སུའང་ཁོ་རང་ཚུད་མེད། ཡིན་ནའང་ལིས་ཧོས་ཀྲུའུ་ཡང་ཁོ་ཚོ་ནང་བཞིན་དེ་རིང་ད་དུང་ང་ཚོས་བརྗེད་མེད་ཨང་། གལ་སྲིད་ཉུང་ཚོགས་ཀྱང་སྲུང་མ་ཐུབ་ན་དེ་ནི་གནད་དོན་ཧ་ཅང་ཆེན་པོ་ཞིག་རེད་དོ།།
༣﹒སྙན་ངག་པས་རང་ལ་བརྟག་འོས།
སྙན་ངག་གི་རླུང་རྟ་ལ་དར་རྒུད་ཡོད་པ་རྒྱུན་ལྡན་ཞིག་རེད། མིག་སྔར་བལྟས་ཡོང་ན་སྙན་ངག་གི་རླུང་རྟ་དར་གྱིན་མི་འདུག འདི་ནི་འཕྲིན་སྦྱོར་དང་དཔེ་ཆའི་ཁྲོམ་ར་འདེམས་ཕྱོགས་བཅས་ལ་འབྲེལ་བ་ཡོད་པ་བཤད་མ་དགོས་མོད། སྙན་ངག་པས་རང་ཉིད་ལ་བརྟག་པ་གང་ལས་ཀྱང་གལ་ཆེ། སྙན་ངག་ལ་མོས་ཁ་མེད་པའི་མི་ཅིའི་ཕྱིར་མང་བ་རེད། རང་གིས་སྙན་ངག་གོ་བདེ་རེ་བྲི་ཨེ་ཐུབ་བལྟ་དགོས་པ་ཡིན་ནམ། གལ་སྲིད་སྔར་བས་ཀྱང་གོ་བདེ་རེ་བྲི་ཐུབ་ན་ཀློག་པ་པོ་དཀྱུས་མས་དང་ལེན་བྱེད་སླ་བ་རེད། དེ་ལྟར་བྱས་ན་སྙན་ངག་གི་རླུང་རྟ་དགུང་དུ་འཕུར་ཡང་སྲིད། དོན་དངོས་སུ་ད་ལྟའི་སྙན་ངག་གི་གནད་ཆེས་ཆེ་བ་གང་རེད་ཟེར་ན། དེ་ནི་སྙན་ངག་གི་དོ་མཉམ་（诗的平衡）རང་རེད། ངས་འདིར་ཀྲུང་ཀོའི་སྐམ་ས་ཆེན་པོར་ཁོ་ན་ཟེར་བ་མིན། ད་དུང་ཐེ་ཝན་དང་ཞིང་ཀང་། སིང་གྷ་ཕོར་དང་མ་ལེ་ཞི་ཡའི་ཧྭ་མིའི་སྙན་ངག་པ་སོགས་ལ་ཟེར་བ་ཡིན། དུས་རབས་སྔོན་མའི་ལོ་རབས་ཉི་ཤུ་བའི་སྐབས་སུ་ཟླ་གསར་གྲུབ་མཐའ（新月派）་ནི་ཚིག་བཐད་སྙན་ངག་ཡིན། ཚིགས་བཅད་སྙན་ངག་བྲིས་ཀྱིན་བྲིས་ཀྱིན་གནད་དོན་ཞིག་ཡོད་པ་འདྲ། དེ་ནི་གྲལ་འགྲིག་ཆེ་བས་རེད། གྲལ་འགྲིག་ཆེ་ན་གསོན་ཤུགས་བོར་འགྲོ གྲལ་འགྲིག་པ་ཚད་ལས་བརྒལ་ན་འགྱུར་བག་ཁེགས་འགྲོ་བ་རེད། འདི་ནི་ཚིགས་བཅད་ཀྱི་གནད་དོན་རེད། དེ་བས་ལོ་རབས་སུམ་ཅུ་བར་རང་མོས་སྙན་ངག་དར། རང་མོས་སྙན་ངག་ནི་ཚིགས་བཅད་སྙན་ངག་གི་ཚད་ལས་བརྒལ་བའི་“དབྱངས་ཀྱི་རིག་གནས”ལས（韵文化）ཕྱིར་མཆོངས་ཏེ་རང་དབང་ཐོབ་པ་ཞིག་ཡིན། འོན་ཏེ། ཕྱོགས་གཞན་ཞིག་ནས“དབྱངས་ཀྱི་རིག་གནས”ཁྲོད་ནས་ཕྱིར་ཐོན་མ་ཐག་སླར་ཡང་“ལྷུག་མའི་རིག་གནས” （散文化）ཁྲོད་དུ་མཆོངས་སོང་བ་རེད། གནད་ཀ་གཙོ་བོ་འདི་ན་ཡོད། དེའི་རྐྱེན་གྱིས་ད་ལྟའི་སྙན་ངག་པས་ཕྱོགས་གཅིག་ནས་གྲལ་འགྲིག་དྲགས་པའི་ཚིགས་བཅད་དང་དབྱངས་ཀྱི་རིག་གནས་ལ་ཇི་ལྟར་སྔོན་འགོག་བྱ་བར་འདང་རྒྱག་དགོས་པ་དང་ཕྱོགས་གཞན་ཞིག་ནས་འཐོར་ཆེས་པའི་ལྷུག་མའི་རིག་གནས་ཀྱང་ཇི་ལྟར་རྒྱང་དུ་འདོར་བར་སྟ་གོན་བྱ་དགོས། གལ་སྲིད་དོ་མཉམ་ཐུབ་པ་ཡིན་ན། གལ་སྲིད་གྲལ་འགྲིག་ཀྱང་འགྱུར་བག་དགོད་ན། གལ་སྲིད་འགྱུར་བག་དགོད་ཀྱང་གོ་རིམ་མི་འཁྲུགས་ན། དེ་ནི་གནད་འགག་ཡོད་ཚད་ལས་རྒྱལ་བ་རང་རེད། ང་ཚོས་དོ་མཉམ་བྱེད་མ་ཐུབ་ན་སྙན་ངག་གི་རླུང་རྟ་མུ་ནས་མུ་རུ་རྒུད་འགྲོ ཆུང་ས་ནས་བཤད་ན་སྙན་ངག་པ་རེ་འགའི་སྙན་དེབ་མི་བྲིན་པ་སྟེ་ཀློག་པ་པོ་མེད་པ་དང་། ཆེ་ས་ནས་བཤད་ན་སྙན་ངག་གི་ཚེ་སྲོག་འགག་ངེས།
༤﹒མིག་སྔར་སྙན་ངག་གི་རྫོགས་ལྡན་དུས་རབས་བསླེབ་མི་སྲིད།
མ་འོངས་པར་སྙན་ངག་གི་རྫོགས་ལྡན་དུས་རབས་བསླེབ་སྲིད་མོད་མིག་སྔར་བསླེབ་པའི་རེ་བ་ཧ་ཅང་ཉག་ཕྲ་བའམ་ཕལ་ཆེར་བསླེབ་མི་སྲིད་པ་ཞིག་རེད། ད་ལྟ་རིག་གནས་ཀྱི་ལས་རིགས་ཧྲིལ་བོ་གནད་དོན་མང་པོར་ཕྲད་ཡོད། རྒྱུ་མཚན་ནི་དྲ་བས་དཔེ་ཀློག་གི་བར་སྟོང་གཞན་ཞིག་ཕྱེས་པས་ཚང་མས་ཚགས་ཤོག་དང་དུས་དེབ་མི་ཀློག་པ་ཞིག་ཆགས་ཡོད། དྲ་བའི་སྒང་ནས་རྩོམ་སྒྲིག་པའི་འདོར་ལེན་སོགས་གང་ཡང་མི་དགོས་པར་སྐྱེ་བོ་རེ་རེས་རང་འདོད་ཀྱིས་རྩོམ་ཡིག་སྤེལ་ཆོག་རྐྱེན། སྙན་ངག་གི་ཚད་ཐིག་ཟེར་བ་གང་ན་ཡོད། འདི་ནི་གནད་དོན་ཞིག་རེད་ལ་སྙོམས་ངོས་འཕྲིན་སྦྱོར་དང་དྲ་བ་གཉིས་ཀྱི་འབྲེལ་ཐག་ཆད་པ་ལྟ་བུའི་སྣང་ཚུལ་འདི་ཡང་གནད་དོན་ཞིག་ཅི་ལ་མིན། ད་དུང་རྩ་བའི་གནད་དོན་ཞིག་ནི་ད་ལྟ་ང་ཚོའི་ཀློག་མཁན་ཇེ་ཉུང་དང་། ལྟ་མཁན་དང་ཉན་མཁན་ཇེ་མང་དུ་འགྲོ་བཞིན་པ་འདི་རེད། ཁོ་བོས་ཀློག་པ་པོ་ཞིག་བྱེད་པ་ནི་ལྟ་མཁན་དང་ཉན་མཁན་ཞིག་བྱེད་པ་ལྟ་བུའི་ལས་སླ་མོ་ཞིག་མིན་པར་འདོད། རྒྱུ་མཚན་ག་རེ་ཡིན་ཟེར་ན། ཀློག་པ་པོ་ཞིག་ཡིན་ན་དེ་ལ་སྐད་ཡིག་གི་སྦྱངས་ཐོབ་ངེས་ཅན་ཞིག་དགོས། ཁོས་སྐད་ཡིག་ལ་བརྟེན་ནས་བརྩམས་ཆོས་བཀླག་དགོས། སྐད་ཡིག་ནི་མཚོན་རྟགས་སྤྱི་མཚན་པ་ཞིག་གིས་ཉམས་མྱོང་རང་མཚན་པ་ཞིག་སྟོན་པ་ཡིན་པས་གང་དེའི་སྐད་ཡིག་གི་ཆུ་ཚད་ཧ་ཅང་མཐོ་དགོས། སྐད་ཡིག་གི་ཆུ་ཚད་ནི་ཡི་གེ་ཤེས་པའི་མང་ཉུང་ཙམ་ལ་ཟེར་བ་གཞར་ཡང་མིན། དེ་ནི་དྲངས་པའི་གཏམ་རྒྱུད་ཤེས་མི་ཤེས། ལྟག་གི་རྒྱབ་ལྗོངས་རྟོགས་མི་རྟོགས། ཕྲད་པའི་མཚོན་བྱེད་དང་ཤུགས་བསྟན་དག་ཁྲོལ་མི་ཁྲོལ་སོགས་ལ་ཟེར་གྱིན་ཡོད། དེ་བས་འདི་ནི་ཀློག་པ་པོ་ཞིག་ལ་རེ་བ་ཅུང་མཐོན་པོ་བཟུང་བ་ཡིན། ཀློག་པ་པོས་འདི་ལྟ་བུའི་སྤྱི་མཚན་པའི་སྐད་ཡིག་བརྒྱུད་ནས་སྐད་ཡིག་ལྟག་རྒྱབ་ཀྱི་ཉམས་མྱོང་འཛིན་ཐུབ་པས་དེ་ནི་དཀྱུས་མའི་ཉན་མཁན་ཞིག་དང་བསྡུར་ཐབས་ཡེ་ནས་མེད་ལ། ལྟ་མཁན་དཀྱུས་མ་ཞིག་ཟློས་གར་གླིང་ངམ་བརྙན་འཕྲིན་མདུན་ནམ། གློག་ཀླད་སྔོན་དུ་ཙོག་འདུག་པའང་ཅི་བས་ཀྱང་སླ་བའི་ལས་ཤིག་གོ།། བསྡུར་ཡོང་ན། ཉན་མཁན་དང་ལྟ་མཁན་ཞིག་བྱེད་པ་ནི་ཅུང་གཞན་སྐུལ་ཅན་ཞིག་ཡིན་ལ། ཀློག་མཁན་ཁོ་ན་ནི་ཅུང་རང་འགུལ་ཡིན་ཏེ། དེས་ཀླད་ཤུགས་མང་པོ་འཛད་་ཅིང་རྟོག་འགོད་ཀྱི་ནུས་པ་ཆེ་རུ་བསྐྱེད་དགོས་པས་སོ།། ཁྱེད་ཀྱིས་བརྙན་འཕྲིན་ལ་ལྟ་སྐབས། སུང་བོའུ་ཁུང་ཐོན་ཐལ། ཀྲོའུ་པ་ཅེ་ཐོན་ཐལ། དེ་དག་ཁྱོད་ཀྱི་མདུན་ན་གཟུགས་སྣང་གིས་མངོན་ཡོད་པ་མིན་ནམ། འོན་ཀྱང་ཁྱོད་ཀྱིས་ཡི་གེར་བརྟེན་ནས་ཀྲོའུ་པ་ཅེ་ཅི་འདྲ་ཞིག་ཡིན་པ་དང་སུང་བོའུ་ཁུང་གིས་འདྲེ་ལྡོག་ཅི་ལྟར་རྒྱག་པར་བལྟ་དགོས་ཚེ་སྔར་བས་ཀྱང་གོ་བ་དང་རྟོག་འགོད་ནུས་པ་ཆེ་རུ་བསྐྱེད་དགོས།
༥﹒ཨོ་སི་ཝེ་ཤིན་གྱི་རྗེས་ནས་སྙན་ངག་མེད་སོང་བ་མ་མཐོང་།
ཨོ་སི་ཝེ་ཤིན（奥斯威辛）①གྱི་རྗེས་སུ་སྙན་ངག་མེད་སོང་བ་མ་མཐོང་། ད་ལྟ་ད་དུང་སྙན་ངག་ཡོད་པ་ཡིན་ནམ། ད་ལྟ་ད་དུང་སྙན་ངག་འབྲི་བ་དང་སྙན་ངག་ཀློག་མཁན་ཡོད་པར་མ་ཟད་སྙན་ངག་གྱེར་འདོད་གྱི་བྱེད་སྒོ་སྤེལ་མཁན་ཡང་ཡོད་པ་མིན་ནམ། མིའི་རིགས་ཀྱི་ཆག་སྒོ་གཅིག་རྗེས་གཉིས་མཐུད་ཡིན་མོད། མིའི་རིགས་ཀྱི་སྙིང་སྟོབས་ལ་ཞུམ་པ་མེད། ཤི་ཡང་གསོན་པར་རེ་ཞིང་ཕམ་ཡང་བསྐྱར་ཏུ་རྒོལ་བ་སྟེ་ཧེ་མེན་ཝེ་ཡི་《བགྲེས་སོང་དང་རྒྱ་མཚོ》ནང་བཞིན་ཐང་དུ་བསྒྱེལ་ཀྱང་ཕམ་ངོས་ལེན་མི་སྲིད། ང་ཚོས་ཆག་སྒོ་རབ་དང་རིམ་པ་ཞིག་བརྒྱུད་མྱོངས། རིག་གསར་སྐབས་སུ་ང་ཚོས་ཉིན་ཞིག་ལ་རྩོམ་རིག་ཟེར་བ་ཞིག་འབྱུང་བར་རྟོག་འགོད་བྱེད་ནུས་སམ། ཡིན་ནའང་དེ་རིང་རྩོམ་རིག་དངོས་སུ་ཡོད་པ་མིན་ནམ། དབྱིན་ཇིའི་དྭངས་གཙང་ཆོས་ལུགས་ཀྱི་གསར་བརྗེའི་སྐབས་སུ་ཡང་དྭངས་གཙང་ཆོས་ལུགས་ཀྱིས་ཟློས་གར་ལ་ངོ་རྒོལ་བྱེད་པ་རེད། དེ་བས་དབྱིན་ཇི་རུ་ལོ་ངོ་བཅོ་བརྒྱད་ལ་ཟློས་གར་གང་ཡང་འཁྲབ་སྟོན་བྱེད་མ་ཐུབ་པར་མཚམས་བཅད་པ་རེད། ཡིན་ནའང་རྗེས་སུ་སླར་ཡང་བསྐྱར་གསོ་བྱས་པ་མ་ཡིན་ནམ། འདི་ནི་མིའི་རིགས་ཀྱི་རིན་ཐང་གཞལ་དུ་དཀའ་བའི་རིག་གནས་རེད།
•ལྷུག་རྩོམ་གྱི་སྐོར།
༡﹒སྙན་ངག་གི་བྲོ་བས་བརྟས་པའི་མཚར་ཉམས།
ངའི་སྙན་ངག་གི་ནང་དུ་མཚར་ཉམས་ཡོད། ལྷུག་རྩོམ་གྱི་ནང་དུའང་ཡོད། ལྷུག་རྩོམ་ཁ་ཤས་ཤིག་གི་བརྗོད་བྱ་ཧྲིལ་བོ་མཚར་ཉམས་ཀྱིས་བཀང་ཡོད་ལ། ཡང་ཁ་ཤས་ལ་ཚན་པ་རེའམ་ཚིག་དུམ་རེ་ལས་དམིགས་བསལ་གྱི་མཚར་ཉམས་ཐོན་མེད། ངས་བསམ་ན་མཚར་ཉམས་ནི་རང་བྱུང་གི་མངོན་སྟངས་ཤིག་ཡིན་འོས། མཚར་ཉམས་ནི་ཕུན་སུམ་ཚོགས་པའི་རྟོག་འགོད་གྱི་ནུས་པའི་སྟེང་མཚར་འཚིན་གྱི་སེམས་ཁམས་བསྣན་ཏེ། ཆེས་བདེ་ཐང་དང་གཡེར་བག་གི་ངང་ནས་རང་བྱུང་གིས་མངོན་ཡོང་བ་ཞིག་ལས་བློ་རྩེ་བསྒྲིམས་ནས་ཆེད་དུ་དམིགས་ཏེ་ཡོང་བ་ཞིག་གཞར་ཡང་མ་རེད། དེ་བས་མཚར་ཉམས་གཏོད་ན་བློ་རྩེ་བསྒྲིམ་མི་རུང་ཞེས་ཁོ་བོས་བཤད་ཀྱང་མྱོང་། ཆན་ཀྲུང་ཧྲུའུ(钱钟书)་འདི་མི་མཚར་བོ་ཞིག་ཡིན། ཁོས་རྩོམ་པ་པོ་གྲགས་ཆེན་གཉིས་ལ་སྐྱོན་བརྗོད་བྱེད་པ་རེད། གཅིག་ནི་ལུའུ་ཞུན་རེད་དེ་ཁོ་རང་གཟབ་ནན་བྱེད་རྒྱུ་མང་དྲགས་འདུག་ཟེར། གཉིས་ནི་ལེན་ཡུས་ཐང(林语堂)་ཡིན་ལ་ཁོ་རང་ལྡོག་སྟེ་མཚར་ཉམས་བཏོད་ཆེ་འདུག་ཟེར། ཆན་ཀྲུང་ཧྲུའུ་ཡི་ལྷུག་རྩོམ་ནང་དུ་ཡང་ནམ་ཞར་མཚར་ཉམས་ཡོད་ལ། <<གཟེབ་དྲའི>>(围城)ནང་དུའང་དེ་བཞིན་བྲིས་ཡོད། ངས་བསམ་ན་རྩོམ་པ་པོ་གྲགས་ཆེན་ཞིག་ལ་མཚར་ཉམས་དགོས་པའི་ངེད་པ་མེད། ཡིན་ནའང་དགོས་བྲོའི་ཉམས་ཅན་གྱི་རྩོམ་པ་པོར་ལྷག་ཏུ་དགའ། རྒྱུ་མཚན་ནི་རླབས་ཆེན་གྱི་རྩོམ་མཁན་དང་སྒྱུ་རྩལ་པ་གྲགས་ཅན་ཚོ་ལའང་མཚར་ཉམས་མི་འདུག ངས་ཧྥན་ཀོ(梵高)ལགས་ལ་མཚར་ཉམས་ཆེར་ཡོད་པ་མ་མཐོང་མོད་ཁོ་རང་སྔར་བཞིན་སྒྱུ་རྩལ་པ་ཆེན་མོ་ཡིན། དེ་བཞིན་དུ་ཐོར་སི་ཐེ(托尔斯泰)དང་ཞི་ལེ(雪莱)་ལ་ཡང་མཚར་ཉམས་ཆེར་མེད་མོད། ཁོ་ཚོ་སྒྱུ་རྩལ་པ་དང་རྩོམ་པ་པོར་འགྱུར་བར་སྔར་བཞིན་འགལ་རྐྱེན་གང་ཡང་བཟོས་མེད། ཕལ་ཆེར་དགོད་བྲོའི་ཉམས་སྣང་ཅན་གྱི་རྩོམ་པ་པོའི་ཐུགས་གཞན་ལས་ཡང་བ་འདྲ།
༢．སྙན་ངག་དང་ལྷུག་རྩོམ་གྱི་ཁྱད་པར་ལྟོས་མེད་མིན།
སྙན་ངག་དང་ལྷུག་རྩོམ་ལ་ཁྱད་པར་ཆེན་པོ་ཡོད། ཡིན་ནའང་ལྟོས་མེད་མིན། ཆེ་ས་ནས་བཤད་ན་སྙན་ངག་གི་ཡིད་འགྱུར་མཚོན་སྟོབས་ཆེ་ཞིང་ལྷུག་རྩོམ་གྱིས་སྐབས་རེར་གནས་ལུགས་བརྗོད་ལ་སྐབས་རེར་དཔྱད་བསྡུར་བྱེད་པར་མ་ཟད་དོན་གྱི་བྱུང་བའང་བརྗོད་ཆོག ལྷུག་རྩོམ་གྱི་བཀོལ་རྒྱ་སྙན་ངག་ལས་ཆེ་ས་རེད་མོད། སྙན་ངག་གི་དྲག་ཚད་ལྷག་ཏུ་ཆེ། སྙན་ངག་གི་ཡིད་འགྱུར་མཚོན་སྟོབས་ཅུང་ཆེ་བའི་ཁར་ཚིག་ཉུང་དོན་འདུས་རང་ཡིན་པས། ཡིད་འགྱུར་མཚོན་སྐབས་ཅུང་མྱུར་ལ་དྲག་པོ་ཡིན། ལྷུག་རྩོམ་ནི་ལྟོས་བཅས་ཀྱིས་རིང་ཞིང་རྗོད་པ་ཅུང་རྙོག་འཛིང་ཅན་ཡིན་ཆོག དཔེར་ན་སུའུ་ཏོང་ཕོ(苏东坡)ཡི་ཁྲི་པིས་ཧྥུའུ(赤壁赋)②སྟོད་སྨད་གཉིས་ཀ་རྩོམ་ཡག་རེ་ཡིན་པ་བཤད་མ་དགོས་མོད། མཐར་གཏུགས་ན་ཁོས་ཀྱང་ཀློག་པ་པོ་དང་གསལ་པོ་གསལ་རྐྱང་གི་རིག་པའི་་འབྲེལ་བ་ཞིག་བཙུགས་བཙུགས་ཏུ་ཡོད་པར་མ་ཟད་ཁོས་དངོས་ཡོད་ཀྱི་ཆ་དེར་གསལ་བཤད་བསྐྱོན་དགོས། དངོས་ཡོད་དངོས་ཡོད་ཟེར་བ་ནི་ཡུལ་དང་དུས་ཀྱིས་གྲུབ་པའི་ཆ་ཞིག་ཡིན། དེའི་རྐྱེན་གྱིས་ཁྲི་པིས་ཧྥུའུ་སྟོད་ཆ་རུ“ཆུ་ཁྱི་ལོའི་སྟོན་ཀ་སྟེ། བདུན་པའི་ཚེས་དྲུག་ཉིན”གྱི་དུས་དེར་“ཁྲི་པིས་ཡི་འགབ་ན་སུའུ་ཧྲི་དང་ཁོ་ཡི་གྲོགས་པོ་གྲུ་ཆུང་ལ་བསྡད་ནས་སྤྲོ་གསེང་གཏོང་།”ཞེས་གསལ་བཤད་ཅིག་བྱས་རྗེས་གཟོད་ཚོ་མིན་ཏི(曹孟德)ཅི་འདྲ་ཞིག་ཡིན་པ་བྲི་རྒྱུ་དྲན་ཞིང་། མཐའ་མ་སླར་ཡང་དངོས་ཡོད་ཀྱི་ཁམས་སུ་ཐོན་བྱུང་། ཁོའི་སྒྲོམ་གཞི་འདིར་དངོས་ཡོད་ཀྱི་ཉམས་སྣང་ཞིག་གང་དུའང་མངོན་འདུག ཡིན་ནའང་ཁོས་ཚྰི（词)③འམ་སྙན་ངག་བྲིས་པ་དེ་དང་གཏན་མི་འདྲ་སྟེ“ལོ་ངོ་སྟོང་ཕྲག་རིང་གི／དཔའ་མཛངས་ཅན་གྱི་མེས་པོ་དག／འབྲུ་ཆུའི་དྲག་ཏུ་འབབ་པའི་རླབས་རྒྱུན་གྱིས་འཁྱེར”ཞེས་སྐད་ཅིག་དེ་ཉིད་ལ་ཚོར་བའི་གཏིང་དུ་མཆོངས་སོང་། དེ་བས་ཡིད་འགྱུར་མཚོན་འདོད་སྙན་ངག་སྤམ་ཞིང་དོན་དག་བརྗོད་འདོད་ལྷུག་རྩོམ་འགབ་པར་སྙམ། གལ་ཏེ་ཁྱོད་རང་ལྗོངས་རྒྱུར་སོང་ནས་སྙན་ངག་འབྲི་ན། ཉ་གེ་ཉོག་གེའི་དོན་དག་ལུང་གང་བཤད་མི་རིགས། ལྷུག་རྩོམ་འབྲི་ན་ཕར་དཀྱོག་ཚུར་དཀྱོག་མང་ཙམ་བྱས་ཏེ་དོན་དག་ཅུང་གསལ་བོར་འཤད་ཀྱང་མི་སྐྱོན། དེ་གཉིས་ཅུང་མི་མཐུན་པར་སྣང་། དེས་ན་ང་རང་ཉིད་ལའང་སྐབས་རེར་དེ་འདྲའི་ཉམས་མྱོང་ཞིག་ཡོད་དེ། སྙན་ངག་བྲིས་རྗེས་དོན་དག་མང་པོ་ཞིག་ད་དུང་འབྲི་དགོས་ཡོད་པར་སྙམ་ཚེ་ལྷུག་རྩོམ་གྱིས་སླར་ཡང་ཐེངས་གཅིག་བྲིས་པ་ཡིན།
༣．ལོ་ངོ་ཉི་ཤུའི་ལྷུག་རྩོམ་གྱི་ཚ་རླབས།
བཅོས་བསྒྱུར་སྒོ་འབྱེད་བྱས་པའི་དྲིན་གྱིས་ལོ་ངོ་ཉི་ཤུ་འདིའི་ནང་རང་དབང་ངང་གསར་རྩོམ་བྱེད་པའི་ཁོར་ཡུག་ཅིག་ཡོད་པ་སྨོས་མ་དགོས། དུས་མཚུངས་སུ་བདེ་ཐང་དངོས་བྲིས་ཡིན་དགོས་སྤྱི་ཚོགས་རིང་ལུགས་ཅན་ཡིན་དགོས་སོགས་སྔར་གྱི་འགྲོ་ལུགས་དེར་ཡང་དེ་འདྲ་དང་དོད་མི་བྱེད་པས་རྩོམ་པ་པོར་རང་ནུས་རྩལ་འདོད་བྱེད་སའི་ཁོར་ཡུག་གྱ་ནོམ་པ་ཞིག་བདོག ཉེ་ཆར་ཧོ་རན(浩然)སྐུ་གཤེགས་སོང་། ཧོ་རན་ནི་སྒྲུང་གཏམ་རྩོམ་པ་པོ་ཞིག་ཡིན། ལོ་རབས་དེར་ཁོ་ནི་འགྲན་ཟླ་བྲལ་བའི་“མཁས་དབང”ཞིག་ཡིན་མོད་ད་ལྟ་ཕྱིར་རྟོག་བྱས་ན་དེ་འདྲ་ཞིག་ཀྱང་མ་རེད། ལོ་རབས་དེར་ཆེས་དགའ་བསུ་ཐོབ་པའི་ལྷུག་རྩོམ་མཁན་གཉིས་ནི་ཕལ་ཆེར་ཆིན་མོའུ(秦牧)་དང་ཡྰང་ཧྲོའོ(杨朔)གཉིས་རེད། ཁྱད་པར་དུ་ཡྰང་ཧྲོའོ་ལགས་ཀྱི་བརྗོད་སྙིང་ཡང་དག་ཅིང་སྐད་ཆ་གོ་བདེ། འདི་ལྟ་བུའི་ལྷུག་རྩོམ་ལ་ནི་དུས་སྐབས་དེར་ཅུང་ཚབ་མཚོན་རང་བཞིན་ལྡན་པ་རེད། ད་ཆ་ཀློག་མཁན་རྣམས་འདི་འདྲའི་ལྷུག་རྩོམ་གྱི་རྣམ་པ་འབའ་ཞིག་ལ་ཡིད་མ་ཚིམས་པར་རྐྱེན་བྱས་ཏེ་ཡི་ཆོའུ་ཡི(余秋雨)་ལགས་ཀྱི་རིག་གནས་ལྷུག་རྩོམ་རིང་མོ་བྱུང་ལ། ཆན་ཀྲུང་ཧྲོའུ་ཡི་མཆིས་བྲང་ཡྰང་ཅྰང(杨绛)ལགས་ཀྱི་འཚོ་བའི་བརྩེ་ཞེན་གྱིས་ཕྱུག་པའི་ལྷུག་རྩོམ་དག་ཀྱང་ཀློག་པ་པོས་དང་ལེན་བྱེད་ཀྱིན་ཡོད། ལོ་ངོ་ཉི་ཤུ་འདིའི་རིང་གི་ལྷུག་རྩོམ་མང་པོ་ངས་བཀླགས་མེད། ངས་བཀླགས་པ་རྣམ་ཀྱང་ཏག་ཏག་རང་རྩོམ་བཀོད་པའི་ལྷུག་རྩོམ་དུས་དེབ་དེ་དག་ཡིན། དོན་དངོས་སུ་དུས་དེབ་ཆེ་གྲས་ཕལ་མོ་ཆེར་ལྷུག་རྩོམ་ཡོད་དེ། ཧྲང་ཧེ་ཡི་《ལོ་ལེགས》 དང་ཧོས་ནན་གྱི་ 《རྩོམ་རིག་སྨྲ་བ》ལྟ་བུའོ།། ང་རང་རྒྱུས་ཅུང་ཙམ་ཡོད་པ་ནི་ཧྲང་ཧེ་ཡི་ཀྲུའུ་ཙི་ཞུང（周泽雄）གི་ལྷུག་རྩོམ་ཡིན། ཁོའི་གཞུང་ལུགས་ལྟ་བའང་ཁྱད་མཚར་ཅན་ཞིག་ཡིན། ད་ལྟ་ཐེ་ཝན་དུ་ཆེད་ལས་ལྷུག་རྩོམ་ཇེ་མང་དུ་འགྲོ་བཞིན་ཡོད། ཅི་ཞིག་ལ་ཆེད་ལས་ལྷུག་རྩོམ་ཟེར་ཞེ་ན། དེས་ནི་ལས་རིག་ག་གེ་མོ་ཞིག་འབྲི་བ་ཡིན། དཔེར་ན་ཡུལ་སྐོར་གྱི་སྐོར་ནས་འབྲི་མཁན་མང་པོ་བདོག་ཅིང་ཆེད་དུ་བུད་མེད་ཀྱི་འཇིག་རྟེན་འབའ་ཞིག་འབྲི་བ་ཡང་ཡོད། འདི་ལྟ་བུའི་ལྷུག་རྩོམ་དང་བརྩམས་སྒྲུང་ནི་ཀྲུང་ཀོའི་སྐམ་ས་ཆེན་པོའི་དུས་དེབ་སྟེང་ནས་ཀྱང་རིག་ཐུབ།
༤．བརྡ་རྙིང་འཚོ་བ་དང་དམ་དུ་འབྲེལ།
དེ་ལས་གཞན་དུ་ཀློག་པ་པོ་དག་གིས་བརྡ་རྙིང་ཉུང་ཙམ་རེ་ཡང་ངེས་དགོས། དེ་ལྟར་བཤད་ཚེ་མི་རེས་ལོ་ངོ་བརྒྱ་ཡི་སྔོན་ནས་མེད་པར་བཟོས་པའི་རྩོམ་རྙིང④དེ་དག་ང་ཚོ་དང་འབྲེལ་བ་ཅི་ཡོད་ཅེས་དྲི་ན་ཐང་མོད། དེ་ལྟར་སླ་མོ་བྱེད་ཆོག་པ་ཞིག་ཀྱང་མ་རེད། ངས་ནམ་རྒྱུན་གཏམ་བཤད་བྱེད་སྐབས་ཉན་མཁན་ཚོ་ལ་འདི་ལྟར་འདྲི་བཞིན་ཡོད། ཁྱོད་ཀྱིས་སྙོམས་འགྱུར་སྡེབ་སྦྱོར（平仄）⑤ཁྱོད་དང་འབྲེལ་བ་ཡོད་པར་འདོད་དམ་ཞེས་དྲིས་ཚེ། ཁོས་དེ་ང་དང་འབྲེལ་བ་ཅི་ཞིག་ཡོད་པ་རེད། ངས་ཆ་ཡིག་ནི་མི་བསྡེབ། ཚེག་བར་བདུན་མའི་ཚིགས་བཅད་ནི་མི་འབྲི། ང་ལ་སྙོམས་འགྱུར་སྡེབ་སྦྱོར་གྱིས་ཅི་བྱེད་ཅེས་ཟེར། ངས་དེ་ལྟར་སླ་མོ་བྱེད་ཆོག་པ་ཞིག་མ་རེད། ཙི་ན་བ་ཚོས་ཁ་གྲགས་མ་ཐག་张三李四ཟེར་བ་ལས张四李三མི་ཟེར་བ་ཅི་རེད་ཅེས་དྲིས་པ་ན་ཁོས་ལན་མི་ཐོབས། ངས་འདི་ནི་ང་ཚོ་དང་སྙོམས་འགྱུར་སྡེབ་སྦྱོར་གྱི་འབྲེལ་བ་རེད་ཅེས་བཤད་པ་ཡིན། འབྲུ་བཞིའི་དཔེ་ཆོས（四字成语）ལ་རྩ་དོན་ཞིག་ཡོད་པ་ནི་ཚེག་བར་ཉུང་ལ་སྡེབ་ལེགས་པ། རྐང་བའི་སྐོང་སྣོན་ལ་སྔོ་ཐོག་པ། ཡུན་རིང་ལ་གཏན་ཆགས་པ་བཅས་ཡིན། དེས་ན་ཕྱི་མ་གཉིས་ནི་སྙོམ་འགྱུར་སྡེབ་སྦྱོར་གྱི་གནད་དོན་དང་འབྲེལ་ཡོད། 张三ནི་སྙོམས་གདངས་དང་李四ནི་འགྱུར་གདངས་ཡིན་པས། དེ་ལ张四李三ཟེར་ན་ཅུང་རྙོག་འགྲོ དེ་བཞིན་དུ་ང་ཚོས་千方百计ཞེས་རྗོད་སྐབས་ཀྱི་གདངས་ནི་“སྙོམས་སྙོམས་འགྱུར་འགྱུར”ཡིན་པར་བརྟེན་ང་ཚོས་འདི་ལ་千计百方ཞེས་མི་བརྗོད་པ་ནི་རྒྱུན་ལྡན་ཞིག་རེད། འདིའི་ནང་དུ་རྒྱ་ཡིག་གི་རྩ་བའི་མཛེས་རིག་ཅིག་ཡོད། གལ་ཏེ་ཁྱེད་ཀྱིས་འདི་ཙམ་ཡང་མི་ཤེས་ན་རྩོམ་པ་པོ་བཟང་བོ་ཞིག་བྱེད་དགོས་རྩ་བ་ནས་མ་འདོད། སྙོམ་འགྱུར་གྱིས་ད་དུང་ང་ཚོའི་དུས་རྒྱུན་འཚོ་བའི་ཁྲོད་ཀྱི་ཁ་སྐད་དོ་མཉམ་ལ་ཚོད་འཛིན་བྱེད་ཀྱིན་ཡོད་པས་དེ་ནི་སླ་མོ་བྱེད་ཆོག་པ་ཞིག་ཁྱོན་ནས་མ་རེད།
•རྩོམ་རིག་གི་སྐོར།
༡.ཀྲུང་རིག་ཆེད་མཁས་པ（汉学家）དག་གི་སྐད་ཆ་དེ་འདྲའི་གལ་ཆེན་མ་རེད།
ཀྲུང་རིག་ཆེད་མཁས་པ་དག་གིས་བལྟས་ན་ཀྲུང་གོའི་དེང་རབས་རྩོམ་རིག་ལ་གནད་དོན་མང་པོ་ཡོད། ངས་བསམ་ན་ང་ཚོས་དེ་ལ་འུར་ཆེན་འུར་ཆུང་བྱེད་དགོས་དོན་མི་འདུག་པར་སྙམ། དོན་དམ་གྱི་རྩོམ་པ་པོ་ཞིག་གིས་ཕྱི་གླིང་བ་ཚོས་མཐོང་ཆེན་བྱེད་ཆེད་དུ་རྩོམ་ཡིག་འབྲི་མི་སྲིད་པར་འདོད་པས། ཡོ་རོབ་པ་དང་ཨ་རུ་བ་ཞིག་གི་གདེང་འཇོག་ནི་ང་ཚོར་དེ་འདྲའི་གལ་ཆེན་རང་མ་རེད་བསམ། ཀྲོང་གོ་བར་ལྷུག་རྩོམ་ཡག་པོ་མེད། རྩོམ་རིག་དགའ་ཅི་ཡང་མེད་སོགས་ཀྱི་འཆལ་གཏམ་བརྗོད་མི་རིགས། ང་ཚོས་ཀྱང་ཁྱོད་ཚོར་རྩོམ་པ་པོ་དགའ་ཞིག་བྱུང་མེད་ཅེས་ཟེར་ཆོག་མོད། ཁུངས་ལུང་ཅི་ཡང་མེད་ན་ག་ལ་རུང་། ངས་ཀྲུང་གོ་བ་ཚོར་རང་རྟོན་ཅུང་ཟད་ཡོད་འགྲིག་པར་འདོད། ལ་ཏེན་མི་ཡིས་ཁྱོད་མི་བཟང་གི་ཟེར་ན་ཁྱོད་ངན་པར་འགྱུར་མི་རུང་། ཁོ་ཚོའི་སྐད་ཆ་དེ་འདྲའི་གལ་ཆེན་རང་མ་རེད། དུས་མཚུངས་སུ་ངས་ནོ་པེར་རྩོམ་རིག་བྱ་དགའ་འང་ང་ཚོར་དེ་འདྲའི་འགངས་ཆེན་ཞིག་མ་རེད་བསམ། ངས་རྒྱུན་དུ་འདི་ལྟར་འདོད་དེ། ནོ་པེར་བྱ་དགའ་ནི་འཛམ་གླིང་བྱ་དགའ་ཞིག་ཏུ་བརྩི་མི་རིགས་ཤིང་དེ་ནི་ནུབ་གླིང་རྩོམ་རིག་བྱ་དགའ་ཞིག་ཏུ་བརྩིས་ན་ཅུང་བཟང་བར་སྙམ། རྒྱུ་མཚན་ནི་དེ་ཉིད་གཙོ་བོ་ནུབ་གླིང་སྐད་ཁོངས་སུ་སྩོལ་ཞིང་མཚམས་མཚམས་རེར་ཤར་ཕྱོགས་པ་ཚོར་རེ་གཉིས་རེ་གནང་སྲིད་པས་སོ།། འཛམ་གླིང་ན་ཧྭ་མི་དུང་ཕྱིར་བཅུ་ལྷག་ཅིག་ཡོད་ལ་ཧྭ་མིའི་རྩོམ་པ་པོ་འང་འཛམ་གླིང་གི་ཡུལ་གྲུ་ཀུན་ཏུ་ཡོད། ང་ཚོ་རང་ཉིད་ལ་བྱ་དགའ་ཞིག་ཡོད་འོས། ང་ཚོ་རང་གིས་བདག་རྐྱེན་ཚད་གཞི་ཞིག་བཟོ་ཆོགཡིན་གཅིག་མིན་གཉིས་ལ་ཏེན་རྒད་པོ་བཅུ་ཁ་ཞིག་གིས་མཛུབ་མོས་གར་བསྟན་ཤར་བྱེད་དགོས་དོན་མི་འདུག
༢.ཆེའི་ཡོན་ལ（屈原）ནོ་པེར་བྱ་དགའ་ཐོབ་ན་ག་འདྲ་ཡིན་སྲིད།
རྩོམ་རིག་བྱ་དགའ་ནི་ལས་བསོད་ཀྱི་སྐར་ཆེན་ཡིན་ལ་གཤིན་རྗེ་ཡི་མཆུ་སྦྱོར་ཡང་ཡིན། སྐད་ཆ་འདི་ངས་གསར་དུ་བཤད་པ་ཞིག་མིན། ནུབ་ཕྱོགས་པར་བཤད་ཚུལ་འདི་སྔ་མོ་ཞིག་ནས་ཡོད་འདུག ནུབ་ཕྱོགས་རྩོམ་པ་པོ་འགའ་རེར་ནོ་པེར་བྱ་དགའ་ཐོབ་རྗེས་ན་རྒས་རྫི་རྡིབ་དང་འཕྲོ་ཆད་རྗེས་མེད་དུ་གྱུར་འགྲོ། དེ་ལས་མིང་གྲགས་ཆེ་བའི་མཚན་གཞི་གཉིས་ནི་ཁྲོན་ཏོན་ཁཱང་ཁྲིན་（川端康成）དང་ཧེ་མེན་ཝེ་（海明威）གཉིས་ཡིན། འདི་གཉིས་ཀ་བྱ་དགའ་ཐོབ་རྗེས་སུ་རང་ཤི་བརྒྱབ་པ་རེད། འདི་ནི་ཡ་མཚར་བ་ཞིག་མིན་ནམ། བྱས་རྗེས་བཞག་ཅིང་མཚན་སྙན་རྒྱས་ན་ད་ནི་སེམས་ཕམ་དོན་ཅི་ཞིག་ཡོད། དེ་ནི་ཁོ་ལ་ན་རྒས་རིག་རྡིབ་བྱུང་བས་རེད། མ་མཐར་ཡང་ཧེ་མེན་ཝེ་ནི་དེ་འདྲ་ཡིན། ཁྲོན་ཏོན་ཁཱང་ཁྲིན་གྱི་ལོ་རྒྱུས་ང་ལ་གསལ་ཆ་ཆེར་མེད། ཡིན་ནའང་ནོ་པེར་བྱ་དགའ་ཐོབ་རྗེས་སུ་རང་ཤིའི་དོན་རྐྱེན་བྱུང་བ་འདི་ཧ་ཅང་ཡ་མཚར་དགོས་པ་ཞིག་རེད། ངས་དེ་རིང་སྔ་དྲོའི་གྲོས་ཚོགས་ཀྱི་མཇུག་སྒྲིལ་བའི་མཛད་སྒོའི་སྟེང་ཡང་འདི་ལྟར་བཤད་པ་ཡིན། གལ་ཏེ་ཆེའི་ཡོན་གཙང་བོར་མ་ལྕེབས་གོང་ནོ་པེར་བྱ་དགའ་ཐོབ་པ་ཡིན་ན། ཁོས་དེ་མུར་གཙང་བོར་ལྕེབས་དགོས་མིན་ལ་བསམ་བློ་གཏོང་དགོས་པ་རེད་དམ།
༣.རྩོམ་པ་པོས་རྒྱལ་ཁའི་ཚོད་བགམ་ཐེག་དགོས།
རྩོམ་པ་པོས་རྒྱལ་ཁའི་ཚོད་བགམ་ཐེག་དགོས། རྩོམ་པ་པོ་རེ་རེས་སོ་སོའི་འགལ་རྐྱེན་བར་ཆད་ལ་གདོང་གཏོད་དགོས་པ་ནི་རྒྱུན་ལྡན་ཞིག་རེད། རྒྱལ་ཁ་ཐོབ་རྗེས་གཅིག་ཐང་ན་འཕྲོ་ཆད་རྗེས་མེད་དུ་གྱུར་ཏེ་ཡར་སྐྱེད་མེད་ཅིང་། གཅིག་ཐང་ན་ན་རྒས་རྫི་རྡིབ་ཏུ་འགྱུར་ཉེན་ཆེ། མིང་དུ་གྲགས་རྗེས་ཁྱོད་ལ་ཀློག་པ་པོ་རེ་གཉིས་དང་ཐ་ན་ཐག་འཁྱུད་（粉丝）་རེ་འགའ་འང་ཡོད། ཁྱོད་ཀྱིས་ཁོ་ཚོ་ཕྱིར་འཆོར་བར་སྐྲག་ནས་ལུགས་སྒྱུར་ཐབས་རྒྱུར་མི་བྱེད་པར་སྔར་ཡོད་གྱི་ཉམས་འགྱུར་མཁྲེགས་པོ་བཟུང་། འདི་ལྟར་བྱས་ན་རང་ལམ་རང་གིས་འགོག་པར་འགྱུར། ངས་རྩོམ་པ་པོ་ནི་སྒྱུ་རྩལ་པ་དང་འདྲ་བར་སྐྱེ་བོ་ཕལ་བ་དག་ལས་ཀྱང་ཁོའི་སྔར་ཡོད་ཀྱི་ཉམས་འགྱུར་ལ་འཚེར་སྣང་སྐྱེད་མཁས་པོ་ཞིག་ཡིན་འོས་སྙམ། དེར་བརྟེན་རང་ཉིད་ལ་རྒྱུན་མི་ཆད་པར་འདུལ་སྦྱོང་བྱས་ཏེ་འདོར་འོས་པ་དག་འདོར་དགོས། ཧྥིན་ཀྲི་（冯至）ཡིས་སྙན་ངག་ཅིག་བྲིས་པ་ཤིན་ཏུ་ལེགས〔ངས་ཁོ་རང་པེན་ཀྲི་ལེན（卞之琳）ཡི་ནཔ་མི་དྲན།〕མདོར་ན། སྒྱུ་རྩལ་པ་ནི་བྱ་གླག་ཅིག་དང་འདྲ་ནམ་མཁར་འཕུར་ཏེ་རྒྱུན་མི་ཆད་པར་འདུལ་སྦྱོང་དང་བསྐྱུར་གཏོང་བྱེད་ཀྱིན་ཡོད། ཁོ་རང་འཕུར་དགོས་པས། ནམ་མཁའ་འདི་འདུལ་སྦྱོང་མ་ཐུབ་ན་ས་ལ་ལྷུང་ཡོང་བ་རེད།
①ཨོ་སི་ཝེ་ཤིན་གཅིག་བསྡུས་བཙོན་ཁང་ནི་ཕོ་ལན་(波兰)ནུབ་ཕྱོགས་ཀྱི་ཨོ་སི་ཝེ་ཤིན་མཁར་གྲོང་གི་ཉེ་འགྲམ་དུ་ཡོད་ལ། འཛམ་གླིང་དམག་ཆེན་གཉིས་པའི་སྐབས་སུ་འཇར་མན་ན་ཙི（纳粹）་ཏང་གིས་གཅིག་བསྡུས་བཙོ་ཁང་༡༠༠༠ལྷག་བཙུགས་པའི་གྲས་ཀྱི་ཆེས་ཆེ་ཤོས་ཡིན། གནས་འདི་ནས་མི་འབོར་ཁྲི་༣༠༠ལྷག་ཅིག་འཇར་མན་ཧྥ་ཤི་སིས（德国法西斯）་དམར་གསོད་བཏང་བས་མིང་ལ〝གཤིན་རྗེའི་བཟོ་གྲྭ〞ཞེས་ཀྱང་གྲགས།
②赤壁赋ཡི་赤壁ནི་ས་མིང་དང་赋ནི་རྒྱ་ནག་གནའ་རབས་ཀྱི་རྩོམ་ལུས་ཤིག་གི་མིང་ཡིན།
③ཚྰི་ནི་རྒྱ་ནག་གི་དབྱངས་ཀྱི་རིག་པའི་རྣམ་པ་ཞིག་སྟེ། ཚེག་བར་ལྔ་དང་བདུན་མའི་སྙན་ངག་དང་། དམངས་ཁྲོད་གླུ་དབྱངས་བཅས་འཕེལ་རྒྱས་བྱུང་ནས་གྲུབ་པ་ཞིག་ཡིན།
④རྩོམ་རྙིང་ནི་རྒྱ་ནག་ལྔ་བཞི་སྔོན་དུ་བཀོལ་བའི་གནའ་རབས་རྒྱ་ཡིག་རྨང་གཞི་བྱས་པའི་ཡིག་སྐད་ལ་བྱ།
⑤སྙོམས་འགྱུར་སྔེབ་སྦྱོར་ནི་སྙོམས་གདངས་དང་འགྱུར་གདངས་ཏེ། སྙོམ་འགྱུར་སྒྲ་གདངས་ཀྱིས་གྲུབ་པའི་སྙན་ངག་སོགས་ཀྱི་སྡེབ་སྦྱོར་གྱི་ངེས་སྲོལ་ཞིག་ལ་གོ
—སྒྱུར་པ་པོའི་མཆན།
གསལ་བཤད། བཅར་འདྲི་འདིར་ད་དུང་ཁྱིམ་ཚང་གི་སྐོར་དང་ཤིས་ཀྲོའུ་ཡི་སྐོར་ཞེས་པའི་ཚན་པ་གཉིས་འདུག་མོད། ཚན་པ་འདི་གཉིས་བཅར་འདྲི་སྤྱིའི་བབ་དང་འབྲེལ་མེད་ལྟ་བུར་གནས་པས། ཚེགས་ཆེན་དོན་ཆུང་གི་ལས་འདི་བསྐྱུར་ཏེ་མཚམས་འདི་ནས་མཇུག་བསྡུས་པ་ཡིན།
༡．གསུམ་ཆའི་གཉིས་ཀྱི་རྩོམ་པ་པོ་དང་གསུམ་ཆའི་གཅིག་གི་རིག་གནས་པ།
ངས་ཐོག་མར་སྙན་ངག་འབྲི་བ་ནས་འགོ་བརྩམས་ཤིང་ལོ་འགའི་རྗེས་སུ་ད་གཟོད་ལྷུག་རྩོམ་བྲིས་པ་ཡིན། སྐབས་དེར་ལྷུག་རྩོམ་ནི་ཞོར་ལས་ཤིག་ཏུ་འདོད་ཡོད་མོད་རྗེས་སུ་གཟབ་ནན་གྱིས་བྲིས་པ་དང་ཀློག་པ་པོ་མང་དག་ཅིག་གིས་ཀྱང་ཡིན་འཇོག་བྱས། དེ་བས་སྙན་ངག་དང་ལྷུག་རྩོམ་གཉིས་ནི་བདག་གི་མིག་གཉིས་ཡིན། གཉི་ཀས་དུས་མཉམ་དུ་བལྟས་ན་ད་གཟོད་ལང་གཟུགས་ཀྱི་འཇིག་རྟེན་ཞིག་མཐོང་ཐུབ། ངས་རང་ཉིད་ལ་དབྱེ་ཞིབ་བྱས་པ་ལྟར་ན། ང་ནི་གསུམ་ཆའི་གཉིས་ཀྱི་རྩོམ་པ་པོ་དང་གསམ་ཆའི་གཅིག་གི་རིག་གནས་པ་ཞིག་རེད། འདིར་རིག་གནས་པ་ཞེས་པའི་ནང་དོན་ག་རེ་ཡིན་ཟེར་ན། དེ་ནི་བདག་གིས་དཔྱད་བརྗོད་འབྲི་བར་མ་ཟད་ལོ་ཙྭའི་ལས་ཀ་ཡང་གཉེར་བས་ཡིན། འདི་གཉིས་གཙོ་བོ་རིག་གནས་པ་ཞིག་གི་སྦྱངས་ཐོབ་ལ་བརྟེན་དགོས་པ་དང་རྩོམ་པ་པོའི་སྦྱངས་ཐོབ་དང་ཡང་རྒྱང་བཀྱེད་རུང་བ་ཞིག་ག་ལ་ཡིན། ལྷུག་རྩོམ་དང་སྙན་ངག་གསར་རྩོམ་བྱེད་པ་ནི་རྩོམ་པ་པོའི་བྱ་བ་ཞིག་རེད། དེ་བས། ང་རང་རྩོམ་ལུས་འདི་བཞི་བོར་འཇུག་ཚེ་གསར་རྩོམ་དང་ཡོན་ཚད་ཚང་མར་འབྲེལ་བ་ཆ་ཙམ་རེ་ཡོད་པ་རེད། འོན་ཀྱང་། བདག་གིས་བསམ་ན་གསུམ་ཆའི་གཉིས་ནི་རྩོམ་པ་པོར་འབྲེལ་བ་དང་གསུམ་ཆའི་གཅིག་ནི་རིག་གནས་པར་འབྲེལ་འདུག་པར་འདོད་ཡོད།
•སྙན་ངག་གི་སྐོར།
༡.སྙན་དེབ་གསར་བ་པར་སྐྲུན་བྱེད་ལ་ཉེ།
༡༩༩༢ལོར་ང་རང་ཐོག་དང་པོར་ཐེ་ཝན་ནས་རང་རྒྱལ་དུ་ལོག་པ་ཡིན་ལ་ད་ལྟའི་བར་ལོ་ངོ་༡༦འགོར་སོང་། དེའི་རིང་དཔེ་དེབ་ཉི་ཤུ་ཡས་མས་ཤིག་ཕུད་ཡོད། འདིའི་ནང་དུ་སྣ་ཁ་ཧ་ཅང་མང་སྟེ། འགྱུར་མ་དང་དཔྱད་བརྗོད། ལྷུག་རྩོམ། སྙན་ངག་སོགས་བསྡོམས་ན་མ་མཐར་ཡང་རིགས་ཉི་ཤུ་ལྷག་ཅིག་ཡོད། འདི་དག་ལས་ཁ་ཤས་ཤིག་རྩོམ་སྒྲིག་དང་པར་འདེབས་བྱས་པ་བཟང་ཞིང་ཁ་ཤས་ངན། ད་ལོར་ཡང་ནན་ཅིན་སློབ་ཆེན་དཔེ་སྐྲུན་ཁང་ནས་དཔེ་ཆ་ཞིག་འཕུད་ངེས། རྒྱུ་མཚན་ནི་ང་རང་སློབ་ཆེན་དེའི་གྲོགས་མཆེད་ཡིན། ཁོ་ཚོས་ང་ལ་སྙན་ངག་བཏུས་དེབ་ཅིག་འཕུད་རོགས་བྱེད་ངེས། སྙན་བཏུས་འདི་ནི་གཞེས་བྱེས་ཀྱི་དྲན་གདུང་བརྗོད་སྙིང་བྱས་པ་ཞིག་ཡིན་ཞིང་ཕལ་ཆེར་ད་ལོའི་ཟླ་ལྔ་པར་པར་སྐྲུན་བྱ་རྒྱུ་རེད། རང་རྒྱལ་གྱི་འཕྲིན་སྦྱོར་ཚང་མས་ང་ལ་སྙན་ངག་པ་ཞེས་འབོད། ཡིན་ནའང་། ཡར་སྔོན་ངས་ཕུད་པའི་དཔེ་དེབ་ཕལ་མོ་ཆེ་ལྷུག་རྩོམ་ཡིན། ད་ལོ་ནས་བཟུང་གཟོད་སྙན་བཏུས་ཇེ་མང་དུ་འགྲོ་བཞིན་ཡོད།
༢﹒《ཡུལ་གདུང》མིང་བྱང་ཞིག་ཏུ་གྱུར་བ།
སྙན་ངག་འདི་འབྲི་སྐབས་ངས་སྐར་མ་ཉི་ཤུ་ལས་མ་འཛད། དེ་བས་མི་ལ་ལས་བདག་གི་རྩོམ་ནུས་སྐྱེན་པོ་འདུག་ཅེས་བརྗོད་མྱོངས། དོན་དུ་དེ་འདྲ་ཞིག་ཀྱང་མིན་ཏེ། ང་ལ་ཚོར་སྣང་དེ་ཡོད་ནས་ལོ་ངོ་ཉི་ཤུ་འགོར་སོང་ལ་ཉིན་དེར་ངས་ཏག་ཏག་ཚོར་སྣང་དེ་ཕྱི་རུ་འཕུད་པའི་སྒོ་མོ་ཞིག་རྙེད་སོང་ལས་གཞན་མིན། སྐབས་ཐོག་དེར་ངས་སྙན་ངག་འདི་དེ་འདྲའི་གྲགས་ཆེན་ཞིག་ཏུ་འགྱུར་འགྲོ་བ་ཡིད་ལའང་མ་ཤར། དངོས་གནས“དམག་མི་ཆུང་བས་བྱས་རྗེས་ཆེན་པོ་བཞག་སོང་།” དེའི་རྐྱེན་གྱིས། ད་ལྟ་ཚང་མས་ང་རང་ཡུལ་གདུང་སྙན་ངག་པ་ཞིག་ཏུ་ངོས་བཟུང་ནས་གང་སར་རྟགས་བྱང་སྦྱོར་རྒྱུ་ཞིག་ལོབས་འདུག ང་ལ་ད་དུང་སྙན་ངག་གཞན་པ་ཧ་ཅང་མང་སྟེ། དཔེར་ན་གཉེན་དུང་དང་བརྩེ་དུང་། མཛའ་བརྩེ། ད་དུང་མི་སྣ་དང་རི་ཆུ་སོགས་ཡོད་ལ། ཐ་ན་ཏོ་ལུགས་པ་དང་རབ་བྱུང་བ་བྲིས་པ་ཡང་ཡོད། ཡིན་ནའང་། ཀློག་པ་པོ་འབོར་ཆེན་ཞིག་གིས་ང་དང་འབྲེལ་བ་བྱེད་སྤྱད་ནི་སྙན་ངག་དེ་ཁོ་ན་རེད། སྙན་ངག་འདི་ད་ལྟ་བདག་གི་མིང་བྱང་ཞིག་ཏུ་གྱུར་འདུག མིང་བྱང་དེས་བདག་གི་བཞིན་རས་དངོས་བསྒྲིབས་སོང་བས། ད་ནི་མིང་བྱང་ཙམ་ལས་གདགས་གཞི་དངོས་མི་མཐོང་ངོ།།
༣﹒སྐྲག་དགོས་ས་སྙན་ངག་གི་ཉུང་ཚོགས་ཅན་མ་རེད།
རང་རྒྱལ་གྱི་སྙན་སྟེགས་ལ་ང་རང་རྒྱུས་ཆེན་པོ་མེད། རྒྱུ་མཚན་ནི་རང་རྒྱལ་ལ་སྙན་དེབ་མང་དྲགས་པས་ཡིན། ཆེས་ཐོག་མར་ང་ལ་མཚམས་སྦྱོར་བྱས་པའི་སྙན་ངག་དུས་དེབ་ནི་ཁྲིན་ཏུའུ་ཡི་《སྐར་མ》ཟེར་བ་དེ་རེད། ཉེ་ཆར་ངའི་སྙན་ངག་འབེལ་པོ་ཞིག་ནན་ཅིན་སྙན་ངག་དུས་དེབ་《ཡང་ཙི་ཆུ་བོ》དང་པེ་ཅིང་གི་《སྙན་ངག་དུས་དེབ》སྟེང་བཀོད་ཡོད། བཅོས་བསྒྱུར་སྒོ་འབྱེད་བྱས་པ་ནས་རང་རྒྱལ་དུ་དངོས་གནས་སྙན་ངག་གི་གྲུབ་མཐའ་ནགས་ཀློང་འཁྲིགས་འདྲ་རེད་ཅེས་བརྗོད་ཆོག་པ་འདྲ་ལ། དེ་དག་ལས་ཐོག་མ་ནི་རབ་རིབ་སྙན་ངག་གི་གྲུབ་མཐའ་ཡིན་པ་བཤད་མ་དགོས། རབ་རིབ་སྙན་ངག་པ་ཧྲུའུ་ཐེན་དང་པེ་ཏོ་རྣམ་གཉིས་ངས་རིག་མྱོངས། རབ་རིབ་སྙན་ངག་གི་རྗེས་ནས་སྙན་ངག་གི་གྲུབ་མཐའ་འབོར་ཆེན་པོ་ཞིག་བྱུང་ལ། སོ་སོའི་བཞེད་དགོངས་དང་ཁྱད་ཆོས་ཀྱང་རེ་རེ་ནས་མི་འདྲ་བས། དུས་ཡུན་རིང་པོ་ཞིག་འགོར་ན་ད་གཟོད་མངོན་གསལ་གྱི་ཁ་ཕྱོགས་ཤིག་མཐོང་ཐུབ་པ་ཡིན། ད་ལྟའི་གནད་དོན་ནི་གྲུབ་མཐའ་ག་འདྲ་ཡིན་པ་དེ་མ་རེད། ཡིན་རྒྱུ་ནི་སྙན་ངག་གི་བས་མཐའ་ཅན་ཏེ། རྩོམ་རིག་གི་ཁྲོམ་ར་ཧྲིལ་བོ་དུས་དར་སྙན་ངག་གི་འཚང་ཁ་དགོད་པས་སྙན་ངག་གཤའ་མ་ནི་ཉུང་ཚོགས་ཅན་དུ་གྱུར་པ་རེད། ངས་བསམ་ན་ཉུང་ཚོགས་ལ་འཇིགས་དགོས་དོན་མི་འདུག ད་ལྟ་ང་ཚོས་ཐང་རྒྱལ་རབས་གྱི་སྙན་ངག་ལ་ཕྱིར་ལྟས་ཐེངས་ཤིག་བྱས་ན་ངེས་པ་དོན་གྱི་མང་ཚོགས་ཅན་ཡིན་པ་ཅི་ཙམ་ཡོད། པེ་ཅི་དབྱི་ཡིན་ནམ། ཡང་ན་སུང་རྒྱལ་རབས་ཀྱི་ལུའུ་ཡོང་ཡིན། དེ་ལྟ་ན་ལིས་ཧོས་ཀྲུའུ་ལྟ་བུ་ནི་ཉུང་ཚོགས་ཅན་ཡིན་དེ། ཐང་གི་སྙན་ངག་སུམ་བརྒྱ་བའི་གྲས་སུའང་ཁོ་རང་ཚུད་མེད། ཡིན་ནའང་ལིས་ཧོས་ཀྲུའུ་ཡང་ཁོ་ཚོ་ནང་བཞིན་དེ་རིང་ད་དུང་ང་ཚོས་བརྗེད་མེད་ཨང་། གལ་སྲིད་ཉུང་ཚོགས་ཀྱང་སྲུང་མ་ཐུབ་ན་དེ་ནི་གནད་དོན་ཧ་ཅང་ཆེན་པོ་ཞིག་རེད་དོ།།
༣﹒སྙན་ངག་པས་རང་ལ་བརྟག་འོས།
སྙན་ངག་གི་རླུང་རྟ་ལ་དར་རྒུད་ཡོད་པ་རྒྱུན་ལྡན་ཞིག་རེད། མིག་སྔར་བལྟས་ཡོང་ན་སྙན་ངག་གི་རླུང་རྟ་དར་གྱིན་མི་འདུག འདི་ནི་འཕྲིན་སྦྱོར་དང་དཔེ་ཆའི་ཁྲོམ་ར་འདེམས་ཕྱོགས་བཅས་ལ་འབྲེལ་བ་ཡོད་པ་བཤད་མ་དགོས་མོད། སྙན་ངག་པས་རང་ཉིད་ལ་བརྟག་པ་གང་ལས་ཀྱང་གལ་ཆེ། སྙན་ངག་ལ་མོས་ཁ་མེད་པའི་མི་ཅིའི་ཕྱིར་མང་བ་རེད། རང་གིས་སྙན་ངག་གོ་བདེ་རེ་བྲི་ཨེ་ཐུབ་བལྟ་དགོས་པ་ཡིན་ནམ། གལ་སྲིད་སྔར་བས་ཀྱང་གོ་བདེ་རེ་བྲི་ཐུབ་ན་ཀློག་པ་པོ་དཀྱུས་མས་དང་ལེན་བྱེད་སླ་བ་རེད། དེ་ལྟར་བྱས་ན་སྙན་ངག་གི་རླུང་རྟ་དགུང་དུ་འཕུར་ཡང་སྲིད། དོན་དངོས་སུ་ད་ལྟའི་སྙན་ངག་གི་གནད་ཆེས་ཆེ་བ་གང་རེད་ཟེར་ན། དེ་ནི་སྙན་ངག་གི་དོ་མཉམ་（诗的平衡）རང་རེད། ངས་འདིར་ཀྲུང་ཀོའི་སྐམ་ས་ཆེན་པོར་ཁོ་ན་ཟེར་བ་མིན། ད་དུང་ཐེ་ཝན་དང་ཞིང་ཀང་། སིང་གྷ་ཕོར་དང་མ་ལེ་ཞི་ཡའི་ཧྭ་མིའི་སྙན་ངག་པ་སོགས་ལ་ཟེར་བ་ཡིན། དུས་རབས་སྔོན་མའི་ལོ་རབས་ཉི་ཤུ་བའི་སྐབས་སུ་ཟླ་གསར་གྲུབ་མཐའ（新月派）་ནི་ཚིག་བཐད་སྙན་ངག་ཡིན། ཚིགས་བཅད་སྙན་ངག་བྲིས་ཀྱིན་བྲིས་ཀྱིན་གནད་དོན་ཞིག་ཡོད་པ་འདྲ། དེ་ནི་གྲལ་འགྲིག་ཆེ་བས་རེད། གྲལ་འགྲིག་ཆེ་ན་གསོན་ཤུགས་བོར་འགྲོ གྲལ་འགྲིག་པ་ཚད་ལས་བརྒལ་ན་འགྱུར་བག་ཁེགས་འགྲོ་བ་རེད། འདི་ནི་ཚིགས་བཅད་ཀྱི་གནད་དོན་རེད། དེ་བས་ལོ་རབས་སུམ་ཅུ་བར་རང་མོས་སྙན་ངག་དར། རང་མོས་སྙན་ངག་ནི་ཚིགས་བཅད་སྙན་ངག་གི་ཚད་ལས་བརྒལ་བའི་“དབྱངས་ཀྱི་རིག་གནས”ལས（韵文化）ཕྱིར་མཆོངས་ཏེ་རང་དབང་ཐོབ་པ་ཞིག་ཡིན། འོན་ཏེ། ཕྱོགས་གཞན་ཞིག་ནས“དབྱངས་ཀྱི་རིག་གནས”ཁྲོད་ནས་ཕྱིར་ཐོན་མ་ཐག་སླར་ཡང་“ལྷུག་མའི་རིག་གནས” （散文化）ཁྲོད་དུ་མཆོངས་སོང་བ་རེད། གནད་ཀ་གཙོ་བོ་འདི་ན་ཡོད། དེའི་རྐྱེན་གྱིས་ད་ལྟའི་སྙན་ངག་པས་ཕྱོགས་གཅིག་ནས་གྲལ་འགྲིག་དྲགས་པའི་ཚིགས་བཅད་དང་དབྱངས་ཀྱི་རིག་གནས་ལ་ཇི་ལྟར་སྔོན་འགོག་བྱ་བར་འདང་རྒྱག་དགོས་པ་དང་ཕྱོགས་གཞན་ཞིག་ནས་འཐོར་ཆེས་པའི་ལྷུག་མའི་རིག་གནས་ཀྱང་ཇི་ལྟར་རྒྱང་དུ་འདོར་བར་སྟ་གོན་བྱ་དགོས། གལ་སྲིད་དོ་མཉམ་ཐུབ་པ་ཡིན་ན། གལ་སྲིད་གྲལ་འགྲིག་ཀྱང་འགྱུར་བག་དགོད་ན། གལ་སྲིད་འགྱུར་བག་དགོད་ཀྱང་གོ་རིམ་མི་འཁྲུགས་ན། དེ་ནི་གནད་འགག་ཡོད་ཚད་ལས་རྒྱལ་བ་རང་རེད། ང་ཚོས་དོ་མཉམ་བྱེད་མ་ཐུབ་ན་སྙན་ངག་གི་རླུང་རྟ་མུ་ནས་མུ་རུ་རྒུད་འགྲོ ཆུང་ས་ནས་བཤད་ན་སྙན་ངག་པ་རེ་འགའི་སྙན་དེབ་མི་བྲིན་པ་སྟེ་ཀློག་པ་པོ་མེད་པ་དང་། ཆེ་ས་ནས་བཤད་ན་སྙན་ངག་གི་ཚེ་སྲོག་འགག་ངེས།
༤﹒མིག་སྔར་སྙན་ངག་གི་རྫོགས་ལྡན་དུས་རབས་བསླེབ་མི་སྲིད།
མ་འོངས་པར་སྙན་ངག་གི་རྫོགས་ལྡན་དུས་རབས་བསླེབ་སྲིད་མོད་མིག་སྔར་བསླེབ་པའི་རེ་བ་ཧ་ཅང་ཉག་ཕྲ་བའམ་ཕལ་ཆེར་བསླེབ་མི་སྲིད་པ་ཞིག་རེད། ད་ལྟ་རིག་གནས་ཀྱི་ལས་རིགས་ཧྲིལ་བོ་གནད་དོན་མང་པོར་ཕྲད་ཡོད། རྒྱུ་མཚན་ནི་དྲ་བས་དཔེ་ཀློག་གི་བར་སྟོང་གཞན་ཞིག་ཕྱེས་པས་ཚང་མས་ཚགས་ཤོག་དང་དུས་དེབ་མི་ཀློག་པ་ཞིག་ཆགས་ཡོད། དྲ་བའི་སྒང་ནས་རྩོམ་སྒྲིག་པའི་འདོར་ལེན་སོགས་གང་ཡང་མི་དགོས་པར་སྐྱེ་བོ་རེ་རེས་རང་འདོད་ཀྱིས་རྩོམ་ཡིག་སྤེལ་ཆོག་རྐྱེན། སྙན་ངག་གི་ཚད་ཐིག་ཟེར་བ་གང་ན་ཡོད། འདི་ནི་གནད་དོན་ཞིག་རེད་ལ་སྙོམས་ངོས་འཕྲིན་སྦྱོར་དང་དྲ་བ་གཉིས་ཀྱི་འབྲེལ་ཐག་ཆད་པ་ལྟ་བུའི་སྣང་ཚུལ་འདི་ཡང་གནད་དོན་ཞིག་ཅི་ལ་མིན། ད་དུང་རྩ་བའི་གནད་དོན་ཞིག་ནི་ད་ལྟ་ང་ཚོའི་ཀློག་མཁན་ཇེ་ཉུང་དང་། ལྟ་མཁན་དང་ཉན་མཁན་ཇེ་མང་དུ་འགྲོ་བཞིན་པ་འདི་རེད། ཁོ་བོས་ཀློག་པ་པོ་ཞིག་བྱེད་པ་ནི་ལྟ་མཁན་དང་ཉན་མཁན་ཞིག་བྱེད་པ་ལྟ་བུའི་ལས་སླ་མོ་ཞིག་མིན་པར་འདོད། རྒྱུ་མཚན་ག་རེ་ཡིན་ཟེར་ན། ཀློག་པ་པོ་ཞིག་ཡིན་ན་དེ་ལ་སྐད་ཡིག་གི་སྦྱངས་ཐོབ་ངེས་ཅན་ཞིག་དགོས། ཁོས་སྐད་ཡིག་ལ་བརྟེན་ནས་བརྩམས་ཆོས་བཀླག་དགོས། སྐད་ཡིག་ནི་མཚོན་རྟགས་སྤྱི་མཚན་པ་ཞིག་གིས་ཉམས་མྱོང་རང་མཚན་པ་ཞིག་སྟོན་པ་ཡིན་པས་གང་དེའི་སྐད་ཡིག་གི་ཆུ་ཚད་ཧ་ཅང་མཐོ་དགོས། སྐད་ཡིག་གི་ཆུ་ཚད་ནི་ཡི་གེ་ཤེས་པའི་མང་ཉུང་ཙམ་ལ་ཟེར་བ་གཞར་ཡང་མིན། དེ་ནི་དྲངས་པའི་གཏམ་རྒྱུད་ཤེས་མི་ཤེས། ལྟག་གི་རྒྱབ་ལྗོངས་རྟོགས་མི་རྟོགས། ཕྲད་པའི་མཚོན་བྱེད་དང་ཤུགས་བསྟན་དག་ཁྲོལ་མི་ཁྲོལ་སོགས་ལ་ཟེར་གྱིན་ཡོད། དེ་བས་འདི་ནི་ཀློག་པ་པོ་ཞིག་ལ་རེ་བ་ཅུང་མཐོན་པོ་བཟུང་བ་ཡིན། ཀློག་པ་པོས་འདི་ལྟ་བུའི་སྤྱི་མཚན་པའི་སྐད་ཡིག་བརྒྱུད་ནས་སྐད་ཡིག་ལྟག་རྒྱབ་ཀྱི་ཉམས་མྱོང་འཛིན་ཐུབ་པས་དེ་ནི་དཀྱུས་མའི་ཉན་མཁན་ཞིག་དང་བསྡུར་ཐབས་ཡེ་ནས་མེད་ལ། ལྟ་མཁན་དཀྱུས་མ་ཞིག་ཟློས་གར་གླིང་ངམ་བརྙན་འཕྲིན་མདུན་ནམ། གློག་ཀླད་སྔོན་དུ་ཙོག་འདུག་པའང་ཅི་བས་ཀྱང་སླ་བའི་ལས་ཤིག་གོ།། བསྡུར་ཡོང་ན། ཉན་མཁན་དང་ལྟ་མཁན་ཞིག་བྱེད་པ་ནི་ཅུང་གཞན་སྐུལ་ཅན་ཞིག་ཡིན་ལ། ཀློག་མཁན་ཁོ་ན་ནི་ཅུང་རང་འགུལ་ཡིན་ཏེ། དེས་ཀླད་ཤུགས་མང་པོ་འཛད་་ཅིང་རྟོག་འགོད་ཀྱི་ནུས་པ་ཆེ་རུ་བསྐྱེད་དགོས་པས་སོ།། ཁྱེད་ཀྱིས་བརྙན་འཕྲིན་ལ་ལྟ་སྐབས། སུང་བོའུ་ཁུང་ཐོན་ཐལ། ཀྲོའུ་པ་ཅེ་ཐོན་ཐལ། དེ་དག་ཁྱོད་ཀྱི་མདུན་ན་གཟུགས་སྣང་གིས་མངོན་ཡོད་པ་མིན་ནམ། འོན་ཀྱང་ཁྱོད་ཀྱིས་ཡི་གེར་བརྟེན་ནས་ཀྲོའུ་པ་ཅེ་ཅི་འདྲ་ཞིག་ཡིན་པ་དང་སུང་བོའུ་ཁུང་གིས་འདྲེ་ལྡོག་ཅི་ལྟར་རྒྱག་པར་བལྟ་དགོས་ཚེ་སྔར་བས་ཀྱང་གོ་བ་དང་རྟོག་འགོད་ནུས་པ་ཆེ་རུ་བསྐྱེད་དགོས།
༥﹒ཨོ་སི་ཝེ་ཤིན་གྱི་རྗེས་ནས་སྙན་ངག་མེད་སོང་བ་མ་མཐོང་།
ཨོ་སི་ཝེ་ཤིན（奥斯威辛）①གྱི་རྗེས་སུ་སྙན་ངག་མེད་སོང་བ་མ་མཐོང་། ད་ལྟ་ད་དུང་སྙན་ངག་ཡོད་པ་ཡིན་ནམ། ད་ལྟ་ད་དུང་སྙན་ངག་འབྲི་བ་དང་སྙན་ངག་ཀློག་མཁན་ཡོད་པར་མ་ཟད་སྙན་ངག་གྱེར་འདོད་གྱི་བྱེད་སྒོ་སྤེལ་མཁན་ཡང་ཡོད་པ་མིན་ནམ། མིའི་རིགས་ཀྱི་ཆག་སྒོ་གཅིག་རྗེས་གཉིས་མཐུད་ཡིན་མོད། མིའི་རིགས་ཀྱི་སྙིང་སྟོབས་ལ་ཞུམ་པ་མེད། ཤི་ཡང་གསོན་པར་རེ་ཞིང་ཕམ་ཡང་བསྐྱར་ཏུ་རྒོལ་བ་སྟེ་ཧེ་མེན་ཝེ་ཡི་《བགྲེས་སོང་དང་རྒྱ་མཚོ》ནང་བཞིན་ཐང་དུ་བསྒྱེལ་ཀྱང་ཕམ་ངོས་ལེན་མི་སྲིད། ང་ཚོས་ཆག་སྒོ་རབ་དང་རིམ་པ་ཞིག་བརྒྱུད་མྱོངས། རིག་གསར་སྐབས་སུ་ང་ཚོས་ཉིན་ཞིག་ལ་རྩོམ་རིག་ཟེར་བ་ཞིག་འབྱུང་བར་རྟོག་འགོད་བྱེད་ནུས་སམ། ཡིན་ནའང་དེ་རིང་རྩོམ་རིག་དངོས་སུ་ཡོད་པ་མིན་ནམ། དབྱིན་ཇིའི་དྭངས་གཙང་ཆོས་ལུགས་ཀྱི་གསར་བརྗེའི་སྐབས་སུ་ཡང་དྭངས་གཙང་ཆོས་ལུགས་ཀྱིས་ཟློས་གར་ལ་ངོ་རྒོལ་བྱེད་པ་རེད། དེ་བས་དབྱིན་ཇི་རུ་ལོ་ངོ་བཅོ་བརྒྱད་ལ་ཟློས་གར་གང་ཡང་འཁྲབ་སྟོན་བྱེད་མ་ཐུབ་པར་མཚམས་བཅད་པ་རེད། ཡིན་ནའང་རྗེས་སུ་སླར་ཡང་བསྐྱར་གསོ་བྱས་པ་མ་ཡིན་ནམ། འདི་ནི་མིའི་རིགས་ཀྱི་རིན་ཐང་གཞལ་དུ་དཀའ་བའི་རིག་གནས་རེད།
•ལྷུག་རྩོམ་གྱི་སྐོར།
༡﹒སྙན་ངག་གི་བྲོ་བས་བརྟས་པའི་མཚར་ཉམས།
ངའི་སྙན་ངག་གི་ནང་དུ་མཚར་ཉམས་ཡོད། ལྷུག་རྩོམ་གྱི་ནང་དུའང་ཡོད། ལྷུག་རྩོམ་ཁ་ཤས་ཤིག་གི་བརྗོད་བྱ་ཧྲིལ་བོ་མཚར་ཉམས་ཀྱིས་བཀང་ཡོད་ལ། ཡང་ཁ་ཤས་ལ་ཚན་པ་རེའམ་ཚིག་དུམ་རེ་ལས་དམིགས་བསལ་གྱི་མཚར་ཉམས་ཐོན་མེད། ངས་བསམ་ན་མཚར་ཉམས་ནི་རང་བྱུང་གི་མངོན་སྟངས་ཤིག་ཡིན་འོས། མཚར་ཉམས་ནི་ཕུན་སུམ་ཚོགས་པའི་རྟོག་འགོད་གྱི་ནུས་པའི་སྟེང་མཚར་འཚིན་གྱི་སེམས་ཁམས་བསྣན་ཏེ། ཆེས་བདེ་ཐང་དང་གཡེར་བག་གི་ངང་ནས་རང་བྱུང་གིས་མངོན་ཡོང་བ་ཞིག་ལས་བློ་རྩེ་བསྒྲིམས་ནས་ཆེད་དུ་དམིགས་ཏེ་ཡོང་བ་ཞིག་གཞར་ཡང་མ་རེད། དེ་བས་མཚར་ཉམས་གཏོད་ན་བློ་རྩེ་བསྒྲིམ་མི་རུང་ཞེས་ཁོ་བོས་བཤད་ཀྱང་མྱོང་། ཆན་ཀྲུང་ཧྲུའུ(钱钟书)་འདི་མི་མཚར་བོ་ཞིག་ཡིན། ཁོས་རྩོམ་པ་པོ་གྲགས་ཆེན་གཉིས་ལ་སྐྱོན་བརྗོད་བྱེད་པ་རེད། གཅིག་ནི་ལུའུ་ཞུན་རེད་དེ་ཁོ་རང་གཟབ་ནན་བྱེད་རྒྱུ་མང་དྲགས་འདུག་ཟེར། གཉིས་ནི་ལེན་ཡུས་ཐང(林语堂)་ཡིན་ལ་ཁོ་རང་ལྡོག་སྟེ་མཚར་ཉམས་བཏོད་ཆེ་འདུག་ཟེར། ཆན་ཀྲུང་ཧྲུའུ་ཡི་ལྷུག་རྩོམ་ནང་དུ་ཡང་ནམ་ཞར་མཚར་ཉམས་ཡོད་ལ། <<གཟེབ་དྲའི>>(围城)ནང་དུའང་དེ་བཞིན་བྲིས་ཡོད། ངས་བསམ་ན་རྩོམ་པ་པོ་གྲགས་ཆེན་ཞིག་ལ་མཚར་ཉམས་དགོས་པའི་ངེད་པ་མེད། ཡིན་ནའང་དགོས་བྲོའི་ཉམས་ཅན་གྱི་རྩོམ་པ་པོར་ལྷག་ཏུ་དགའ། རྒྱུ་མཚན་ནི་རླབས་ཆེན་གྱི་རྩོམ་མཁན་དང་སྒྱུ་རྩལ་པ་གྲགས་ཅན་ཚོ་ལའང་མཚར་ཉམས་མི་འདུག ངས་ཧྥན་ཀོ(梵高)ལགས་ལ་མཚར་ཉམས་ཆེར་ཡོད་པ་མ་མཐོང་མོད་ཁོ་རང་སྔར་བཞིན་སྒྱུ་རྩལ་པ་ཆེན་མོ་ཡིན། དེ་བཞིན་དུ་ཐོར་སི་ཐེ(托尔斯泰)དང་ཞི་ལེ(雪莱)་ལ་ཡང་མཚར་ཉམས་ཆེར་མེད་མོད། ཁོ་ཚོ་སྒྱུ་རྩལ་པ་དང་རྩོམ་པ་པོར་འགྱུར་བར་སྔར་བཞིན་འགལ་རྐྱེན་གང་ཡང་བཟོས་མེད། ཕལ་ཆེར་དགོད་བྲོའི་ཉམས་སྣང་ཅན་གྱི་རྩོམ་པ་པོའི་ཐུགས་གཞན་ལས་ཡང་བ་འདྲ།
༢．སྙན་ངག་དང་ལྷུག་རྩོམ་གྱི་ཁྱད་པར་ལྟོས་མེད་མིན།
སྙན་ངག་དང་ལྷུག་རྩོམ་ལ་ཁྱད་པར་ཆེན་པོ་ཡོད། ཡིན་ནའང་ལྟོས་མེད་མིན། ཆེ་ས་ནས་བཤད་ན་སྙན་ངག་གི་ཡིད་འགྱུར་མཚོན་སྟོབས་ཆེ་ཞིང་ལྷུག་རྩོམ་གྱིས་སྐབས་རེར་གནས་ལུགས་བརྗོད་ལ་སྐབས་རེར་དཔྱད་བསྡུར་བྱེད་པར་མ་ཟད་དོན་གྱི་བྱུང་བའང་བརྗོད་ཆོག ལྷུག་རྩོམ་གྱི་བཀོལ་རྒྱ་སྙན་ངག་ལས་ཆེ་ས་རེད་མོད། སྙན་ངག་གི་དྲག་ཚད་ལྷག་ཏུ་ཆེ། སྙན་ངག་གི་ཡིད་འགྱུར་མཚོན་སྟོབས་ཅུང་ཆེ་བའི་ཁར་ཚིག་ཉུང་དོན་འདུས་རང་ཡིན་པས། ཡིད་འགྱུར་མཚོན་སྐབས་ཅུང་མྱུར་ལ་དྲག་པོ་ཡིན། ལྷུག་རྩོམ་ནི་ལྟོས་བཅས་ཀྱིས་རིང་ཞིང་རྗོད་པ་ཅུང་རྙོག་འཛིང་ཅན་ཡིན་ཆོག དཔེར་ན་སུའུ་ཏོང་ཕོ(苏东坡)ཡི་ཁྲི་པིས་ཧྥུའུ(赤壁赋)②སྟོད་སྨད་གཉིས་ཀ་རྩོམ་ཡག་རེ་ཡིན་པ་བཤད་མ་དགོས་མོད། མཐར་གཏུགས་ན་ཁོས་ཀྱང་ཀློག་པ་པོ་དང་གསལ་པོ་གསལ་རྐྱང་གི་རིག་པའི་་འབྲེལ་བ་ཞིག་བཙུགས་བཙུགས་ཏུ་ཡོད་པར་མ་ཟད་ཁོས་དངོས་ཡོད་ཀྱི་ཆ་དེར་གསལ་བཤད་བསྐྱོན་དགོས། དངོས་ཡོད་དངོས་ཡོད་ཟེར་བ་ནི་ཡུལ་དང་དུས་ཀྱིས་གྲུབ་པའི་ཆ་ཞིག་ཡིན། དེའི་རྐྱེན་གྱིས་ཁྲི་པིས་ཧྥུའུ་སྟོད་ཆ་རུ“ཆུ་ཁྱི་ལོའི་སྟོན་ཀ་སྟེ། བདུན་པའི་ཚེས་དྲུག་ཉིན”གྱི་དུས་དེར་“ཁྲི་པིས་ཡི་འགབ་ན་སུའུ་ཧྲི་དང་ཁོ་ཡི་གྲོགས་པོ་གྲུ་ཆུང་ལ་བསྡད་ནས་སྤྲོ་གསེང་གཏོང་།”ཞེས་གསལ་བཤད་ཅིག་བྱས་རྗེས་གཟོད་ཚོ་མིན་ཏི(曹孟德)ཅི་འདྲ་ཞིག་ཡིན་པ་བྲི་རྒྱུ་དྲན་ཞིང་། མཐའ་མ་སླར་ཡང་དངོས་ཡོད་ཀྱི་ཁམས་སུ་ཐོན་བྱུང་། ཁོའི་སྒྲོམ་གཞི་འདིར་དངོས་ཡོད་ཀྱི་ཉམས་སྣང་ཞིག་གང་དུའང་མངོན་འདུག ཡིན་ནའང་ཁོས་ཚྰི（词)③འམ་སྙན་ངག་བྲིས་པ་དེ་དང་གཏན་མི་འདྲ་སྟེ“ལོ་ངོ་སྟོང་ཕྲག་རིང་གི／དཔའ་མཛངས་ཅན་གྱི་མེས་པོ་དག／འབྲུ་ཆུའི་དྲག་ཏུ་འབབ་པའི་རླབས་རྒྱུན་གྱིས་འཁྱེར”ཞེས་སྐད་ཅིག་དེ་ཉིད་ལ་ཚོར་བའི་གཏིང་དུ་མཆོངས་སོང་། དེ་བས་ཡིད་འགྱུར་མཚོན་འདོད་སྙན་ངག་སྤམ་ཞིང་དོན་དག་བརྗོད་འདོད་ལྷུག་རྩོམ་འགབ་པར་སྙམ། གལ་ཏེ་ཁྱོད་རང་ལྗོངས་རྒྱུར་སོང་ནས་སྙན་ངག་འབྲི་ན། ཉ་གེ་ཉོག་གེའི་དོན་དག་ལུང་གང་བཤད་མི་རིགས། ལྷུག་རྩོམ་འབྲི་ན་ཕར་དཀྱོག་ཚུར་དཀྱོག་མང་ཙམ་བྱས་ཏེ་དོན་དག་ཅུང་གསལ་བོར་འཤད་ཀྱང་མི་སྐྱོན། དེ་གཉིས་ཅུང་མི་མཐུན་པར་སྣང་། དེས་ན་ང་རང་ཉིད་ལའང་སྐབས་རེར་དེ་འདྲའི་ཉམས་མྱོང་ཞིག་ཡོད་དེ། སྙན་ངག་བྲིས་རྗེས་དོན་དག་མང་པོ་ཞིག་ད་དུང་འབྲི་དགོས་ཡོད་པར་སྙམ་ཚེ་ལྷུག་རྩོམ་གྱིས་སླར་ཡང་ཐེངས་གཅིག་བྲིས་པ་ཡིན།
༣．ལོ་ངོ་ཉི་ཤུའི་ལྷུག་རྩོམ་གྱི་ཚ་རླབས།
བཅོས་བསྒྱུར་སྒོ་འབྱེད་བྱས་པའི་དྲིན་གྱིས་ལོ་ངོ་ཉི་ཤུ་འདིའི་ནང་རང་དབང་ངང་གསར་རྩོམ་བྱེད་པའི་ཁོར་ཡུག་ཅིག་ཡོད་པ་སྨོས་མ་དགོས། དུས་མཚུངས་སུ་བདེ་ཐང་དངོས་བྲིས་ཡིན་དགོས་སྤྱི་ཚོགས་རིང་ལུགས་ཅན་ཡིན་དགོས་སོགས་སྔར་གྱི་འགྲོ་ལུགས་དེར་ཡང་དེ་འདྲ་དང་དོད་མི་བྱེད་པས་རྩོམ་པ་པོར་རང་ནུས་རྩལ་འདོད་བྱེད་སའི་ཁོར་ཡུག་གྱ་ནོམ་པ་ཞིག་བདོག ཉེ་ཆར་ཧོ་རན(浩然)སྐུ་གཤེགས་སོང་། ཧོ་རན་ནི་སྒྲུང་གཏམ་རྩོམ་པ་པོ་ཞིག་ཡིན། ལོ་རབས་དེར་ཁོ་ནི་འགྲན་ཟླ་བྲལ་བའི་“མཁས་དབང”ཞིག་ཡིན་མོད་ད་ལྟ་ཕྱིར་རྟོག་བྱས་ན་དེ་འདྲ་ཞིག་ཀྱང་མ་རེད། ལོ་རབས་དེར་ཆེས་དགའ་བསུ་ཐོབ་པའི་ལྷུག་རྩོམ་མཁན་གཉིས་ནི་ཕལ་ཆེར་ཆིན་མོའུ(秦牧)་དང་ཡྰང་ཧྲོའོ(杨朔)གཉིས་རེད། ཁྱད་པར་དུ་ཡྰང་ཧྲོའོ་ལགས་ཀྱི་བརྗོད་སྙིང་ཡང་དག་ཅིང་སྐད་ཆ་གོ་བདེ། འདི་ལྟ་བུའི་ལྷུག་རྩོམ་ལ་ནི་དུས་སྐབས་དེར་ཅུང་ཚབ་མཚོན་རང་བཞིན་ལྡན་པ་རེད། ད་ཆ་ཀློག་མཁན་རྣམས་འདི་འདྲའི་ལྷུག་རྩོམ་གྱི་རྣམ་པ་འབའ་ཞིག་ལ་ཡིད་མ་ཚིམས་པར་རྐྱེན་བྱས་ཏེ་ཡི་ཆོའུ་ཡི(余秋雨)་ལགས་ཀྱི་རིག་གནས་ལྷུག་རྩོམ་རིང་མོ་བྱུང་ལ། ཆན་ཀྲུང་ཧྲོའུ་ཡི་མཆིས་བྲང་ཡྰང་ཅྰང(杨绛)ལགས་ཀྱི་འཚོ་བའི་བརྩེ་ཞེན་གྱིས་ཕྱུག་པའི་ལྷུག་རྩོམ་དག་ཀྱང་ཀློག་པ་པོས་དང་ལེན་བྱེད་ཀྱིན་ཡོད། ལོ་ངོ་ཉི་ཤུ་འདིའི་རིང་གི་ལྷུག་རྩོམ་མང་པོ་ངས་བཀླགས་མེད། ངས་བཀླགས་པ་རྣམ་ཀྱང་ཏག་ཏག་རང་རྩོམ་བཀོད་པའི་ལྷུག་རྩོམ་དུས་དེབ་དེ་དག་ཡིན། དོན་དངོས་སུ་དུས་དེབ་ཆེ་གྲས་ཕལ་མོ་ཆེར་ལྷུག་རྩོམ་ཡོད་དེ། ཧྲང་ཧེ་ཡི་《ལོ་ལེགས》 དང་ཧོས་ནན་གྱི་ 《རྩོམ་རིག་སྨྲ་བ》ལྟ་བུའོ།། ང་རང་རྒྱུས་ཅུང་ཙམ་ཡོད་པ་ནི་ཧྲང་ཧེ་ཡི་ཀྲུའུ་ཙི་ཞུང（周泽雄）གི་ལྷུག་རྩོམ་ཡིན། ཁོའི་གཞུང་ལུགས་ལྟ་བའང་ཁྱད་མཚར་ཅན་ཞིག་ཡིན། ད་ལྟ་ཐེ་ཝན་དུ་ཆེད་ལས་ལྷུག་རྩོམ་ཇེ་མང་དུ་འགྲོ་བཞིན་ཡོད། ཅི་ཞིག་ལ་ཆེད་ལས་ལྷུག་རྩོམ་ཟེར་ཞེ་ན། དེས་ནི་ལས་རིག་ག་གེ་མོ་ཞིག་འབྲི་བ་ཡིན། དཔེར་ན་ཡུལ་སྐོར་གྱི་སྐོར་ནས་འབྲི་མཁན་མང་པོ་བདོག་ཅིང་ཆེད་དུ་བུད་མེད་ཀྱི་འཇིག་རྟེན་འབའ་ཞིག་འབྲི་བ་ཡང་ཡོད། འདི་ལྟ་བུའི་ལྷུག་རྩོམ་དང་བརྩམས་སྒྲུང་ནི་ཀྲུང་ཀོའི་སྐམ་ས་ཆེན་པོའི་དུས་དེབ་སྟེང་ནས་ཀྱང་རིག་ཐུབ།
༤．བརྡ་རྙིང་འཚོ་བ་དང་དམ་དུ་འབྲེལ།
དེ་ལས་གཞན་དུ་ཀློག་པ་པོ་དག་གིས་བརྡ་རྙིང་ཉུང་ཙམ་རེ་ཡང་ངེས་དགོས། དེ་ལྟར་བཤད་ཚེ་མི་རེས་ལོ་ངོ་བརྒྱ་ཡི་སྔོན་ནས་མེད་པར་བཟོས་པའི་རྩོམ་རྙིང④དེ་དག་ང་ཚོ་དང་འབྲེལ་བ་ཅི་ཡོད་ཅེས་དྲི་ན་ཐང་མོད། དེ་ལྟར་སླ་མོ་བྱེད་ཆོག་པ་ཞིག་ཀྱང་མ་རེད། ངས་ནམ་རྒྱུན་གཏམ་བཤད་བྱེད་སྐབས་ཉན་མཁན་ཚོ་ལ་འདི་ལྟར་འདྲི་བཞིན་ཡོད། ཁྱོད་ཀྱིས་སྙོམས་འགྱུར་སྡེབ་སྦྱོར（平仄）⑤ཁྱོད་དང་འབྲེལ་བ་ཡོད་པར་འདོད་དམ་ཞེས་དྲིས་ཚེ། ཁོས་དེ་ང་དང་འབྲེལ་བ་ཅི་ཞིག་ཡོད་པ་རེད། ངས་ཆ་ཡིག་ནི་མི་བསྡེབ། ཚེག་བར་བདུན་མའི་ཚིགས་བཅད་ནི་མི་འབྲི། ང་ལ་སྙོམས་འགྱུར་སྡེབ་སྦྱོར་གྱིས་ཅི་བྱེད་ཅེས་ཟེར། ངས་དེ་ལྟར་སླ་མོ་བྱེད་ཆོག་པ་ཞིག་མ་རེད། ཙི་ན་བ་ཚོས་ཁ་གྲགས་མ་ཐག་张三李四ཟེར་བ་ལས张四李三མི་ཟེར་བ་ཅི་རེད་ཅེས་དྲིས་པ་ན་ཁོས་ལན་མི་ཐོབས། ངས་འདི་ནི་ང་ཚོ་དང་སྙོམས་འགྱུར་སྡེབ་སྦྱོར་གྱི་འབྲེལ་བ་རེད་ཅེས་བཤད་པ་ཡིན། འབྲུ་བཞིའི་དཔེ་ཆོས（四字成语）ལ་རྩ་དོན་ཞིག་ཡོད་པ་ནི་ཚེག་བར་ཉུང་ལ་སྡེབ་ལེགས་པ། རྐང་བའི་སྐོང་སྣོན་ལ་སྔོ་ཐོག་པ། ཡུན་རིང་ལ་གཏན་ཆགས་པ་བཅས་ཡིན། དེས་ན་ཕྱི་མ་གཉིས་ནི་སྙོམ་འགྱུར་སྡེབ་སྦྱོར་གྱི་གནད་དོན་དང་འབྲེལ་ཡོད། 张三ནི་སྙོམས་གདངས་དང་李四ནི་འགྱུར་གདངས་ཡིན་པས། དེ་ལ张四李三ཟེར་ན་ཅུང་རྙོག་འགྲོ དེ་བཞིན་དུ་ང་ཚོས་千方百计ཞེས་རྗོད་སྐབས་ཀྱི་གདངས་ནི་“སྙོམས་སྙོམས་འགྱུར་འགྱུར”ཡིན་པར་བརྟེན་ང་ཚོས་འདི་ལ་千计百方ཞེས་མི་བརྗོད་པ་ནི་རྒྱུན་ལྡན་ཞིག་རེད། འདིའི་ནང་དུ་རྒྱ་ཡིག་གི་རྩ་བའི་མཛེས་རིག་ཅིག་ཡོད། གལ་ཏེ་ཁྱེད་ཀྱིས་འདི་ཙམ་ཡང་མི་ཤེས་ན་རྩོམ་པ་པོ་བཟང་བོ་ཞིག་བྱེད་དགོས་རྩ་བ་ནས་མ་འདོད། སྙོམ་འགྱུར་གྱིས་ད་དུང་ང་ཚོའི་དུས་རྒྱུན་འཚོ་བའི་ཁྲོད་ཀྱི་ཁ་སྐད་དོ་མཉམ་ལ་ཚོད་འཛིན་བྱེད་ཀྱིན་ཡོད་པས་དེ་ནི་སླ་མོ་བྱེད་ཆོག་པ་ཞིག་ཁྱོན་ནས་མ་རེད།
•རྩོམ་རིག་གི་སྐོར།
༡.ཀྲུང་རིག་ཆེད་མཁས་པ（汉学家）དག་གི་སྐད་ཆ་དེ་འདྲའི་གལ་ཆེན་མ་རེད།
ཀྲུང་རིག་ཆེད་མཁས་པ་དག་གིས་བལྟས་ན་ཀྲུང་གོའི་དེང་རབས་རྩོམ་རིག་ལ་གནད་དོན་མང་པོ་ཡོད། ངས་བསམ་ན་ང་ཚོས་དེ་ལ་འུར་ཆེན་འུར་ཆུང་བྱེད་དགོས་དོན་མི་འདུག་པར་སྙམ། དོན་དམ་གྱི་རྩོམ་པ་པོ་ཞིག་གིས་ཕྱི་གླིང་བ་ཚོས་མཐོང་ཆེན་བྱེད་ཆེད་དུ་རྩོམ་ཡིག་འབྲི་མི་སྲིད་པར་འདོད་པས། ཡོ་རོབ་པ་དང་ཨ་རུ་བ་ཞིག་གི་གདེང་འཇོག་ནི་ང་ཚོར་དེ་འདྲའི་གལ་ཆེན་རང་མ་རེད་བསམ། ཀྲོང་གོ་བར་ལྷུག་རྩོམ་ཡག་པོ་མེད། རྩོམ་རིག་དགའ་ཅི་ཡང་མེད་སོགས་ཀྱི་འཆལ་གཏམ་བརྗོད་མི་རིགས། ང་ཚོས་ཀྱང་ཁྱོད་ཚོར་རྩོམ་པ་པོ་དགའ་ཞིག་བྱུང་མེད་ཅེས་ཟེར་ཆོག་མོད། ཁུངས་ལུང་ཅི་ཡང་མེད་ན་ག་ལ་རུང་། ངས་ཀྲུང་གོ་བ་ཚོར་རང་རྟོན་ཅུང་ཟད་ཡོད་འགྲིག་པར་འདོད། ལ་ཏེན་མི་ཡིས་ཁྱོད་མི་བཟང་གི་ཟེར་ན་ཁྱོད་ངན་པར་འགྱུར་མི་རུང་། ཁོ་ཚོའི་སྐད་ཆ་དེ་འདྲའི་གལ་ཆེན་རང་མ་རེད། དུས་མཚུངས་སུ་ངས་ནོ་པེར་རྩོམ་རིག་བྱ་དགའ་འང་ང་ཚོར་དེ་འདྲའི་འགངས་ཆེན་ཞིག་མ་རེད་བསམ། ངས་རྒྱུན་དུ་འདི་ལྟར་འདོད་དེ། ནོ་པེར་བྱ་དགའ་ནི་འཛམ་གླིང་བྱ་དགའ་ཞིག་ཏུ་བརྩི་མི་རིགས་ཤིང་དེ་ནི་ནུབ་གླིང་རྩོམ་རིག་བྱ་དགའ་ཞིག་ཏུ་བརྩིས་ན་ཅུང་བཟང་བར་སྙམ། རྒྱུ་མཚན་ནི་དེ་ཉིད་གཙོ་བོ་ནུབ་གླིང་སྐད་ཁོངས་སུ་སྩོལ་ཞིང་མཚམས་མཚམས་རེར་ཤར་ཕྱོགས་པ་ཚོར་རེ་གཉིས་རེ་གནང་སྲིད་པས་སོ།། འཛམ་གླིང་ན་ཧྭ་མི་དུང་ཕྱིར་བཅུ་ལྷག་ཅིག་ཡོད་ལ་ཧྭ་མིའི་རྩོམ་པ་པོ་འང་འཛམ་གླིང་གི་ཡུལ་གྲུ་ཀུན་ཏུ་ཡོད། ང་ཚོ་རང་ཉིད་ལ་བྱ་དགའ་ཞིག་ཡོད་འོས། ང་ཚོ་རང་གིས་བདག་རྐྱེན་ཚད་གཞི་ཞིག་བཟོ་ཆོགཡིན་གཅིག་མིན་གཉིས་ལ་ཏེན་རྒད་པོ་བཅུ་ཁ་ཞིག་གིས་མཛུབ་མོས་གར་བསྟན་ཤར་བྱེད་དགོས་དོན་མི་འདུག
༢.ཆེའི་ཡོན་ལ（屈原）ནོ་པེར་བྱ་དགའ་ཐོབ་ན་ག་འདྲ་ཡིན་སྲིད།
རྩོམ་རིག་བྱ་དགའ་ནི་ལས་བསོད་ཀྱི་སྐར་ཆེན་ཡིན་ལ་གཤིན་རྗེ་ཡི་མཆུ་སྦྱོར་ཡང་ཡིན། སྐད་ཆ་འདི་ངས་གསར་དུ་བཤད་པ་ཞིག་མིན། ནུབ་ཕྱོགས་པར་བཤད་ཚུལ་འདི་སྔ་མོ་ཞིག་ནས་ཡོད་འདུག ནུབ་ཕྱོགས་རྩོམ་པ་པོ་འགའ་རེར་ནོ་པེར་བྱ་དགའ་ཐོབ་རྗེས་ན་རྒས་རྫི་རྡིབ་དང་འཕྲོ་ཆད་རྗེས་མེད་དུ་གྱུར་འགྲོ། དེ་ལས་མིང་གྲགས་ཆེ་བའི་མཚན་གཞི་གཉིས་ནི་ཁྲོན་ཏོན་ཁཱང་ཁྲིན་（川端康成）དང་ཧེ་མེན་ཝེ་（海明威）གཉིས་ཡིན། འདི་གཉིས་ཀ་བྱ་དགའ་ཐོབ་རྗེས་སུ་རང་ཤི་བརྒྱབ་པ་རེད། འདི་ནི་ཡ་མཚར་བ་ཞིག་མིན་ནམ། བྱས་རྗེས་བཞག་ཅིང་མཚན་སྙན་རྒྱས་ན་ད་ནི་སེམས་ཕམ་དོན་ཅི་ཞིག་ཡོད། དེ་ནི་ཁོ་ལ་ན་རྒས་རིག་རྡིབ་བྱུང་བས་རེད། མ་མཐར་ཡང་ཧེ་མེན་ཝེ་ནི་དེ་འདྲ་ཡིན། ཁྲོན་ཏོན་ཁཱང་ཁྲིན་གྱི་ལོ་རྒྱུས་ང་ལ་གསལ་ཆ་ཆེར་མེད། ཡིན་ནའང་ནོ་པེར་བྱ་དགའ་ཐོབ་རྗེས་སུ་རང་ཤིའི་དོན་རྐྱེན་བྱུང་བ་འདི་ཧ་ཅང་ཡ་མཚར་དགོས་པ་ཞིག་རེད། ངས་དེ་རིང་སྔ་དྲོའི་གྲོས་ཚོགས་ཀྱི་མཇུག་སྒྲིལ་བའི་མཛད་སྒོའི་སྟེང་ཡང་འདི་ལྟར་བཤད་པ་ཡིན། གལ་ཏེ་ཆེའི་ཡོན་གཙང་བོར་མ་ལྕེབས་གོང་ནོ་པེར་བྱ་དགའ་ཐོབ་པ་ཡིན་ན། ཁོས་དེ་མུར་གཙང་བོར་ལྕེབས་དགོས་མིན་ལ་བསམ་བློ་གཏོང་དགོས་པ་རེད་དམ།
༣.རྩོམ་པ་པོས་རྒྱལ་ཁའི་ཚོད་བགམ་ཐེག་དགོས།
རྩོམ་པ་པོས་རྒྱལ་ཁའི་ཚོད་བགམ་ཐེག་དགོས། རྩོམ་པ་པོ་རེ་རེས་སོ་སོའི་འགལ་རྐྱེན་བར་ཆད་ལ་གདོང་གཏོད་དགོས་པ་ནི་རྒྱུན་ལྡན་ཞིག་རེད། རྒྱལ་ཁ་ཐོབ་རྗེས་གཅིག་ཐང་ན་འཕྲོ་ཆད་རྗེས་མེད་དུ་གྱུར་ཏེ་ཡར་སྐྱེད་མེད་ཅིང་། གཅིག་ཐང་ན་ན་རྒས་རྫི་རྡིབ་ཏུ་འགྱུར་ཉེན་ཆེ། མིང་དུ་གྲགས་རྗེས་ཁྱོད་ལ་ཀློག་པ་པོ་རེ་གཉིས་དང་ཐ་ན་ཐག་འཁྱུད་（粉丝）་རེ་འགའ་འང་ཡོད། ཁྱོད་ཀྱིས་ཁོ་ཚོ་ཕྱིར་འཆོར་བར་སྐྲག་ནས་ལུགས་སྒྱུར་ཐབས་རྒྱུར་མི་བྱེད་པར་སྔར་ཡོད་གྱི་ཉམས་འགྱུར་མཁྲེགས་པོ་བཟུང་། འདི་ལྟར་བྱས་ན་རང་ལམ་རང་གིས་འགོག་པར་འགྱུར། ངས་རྩོམ་པ་པོ་ནི་སྒྱུ་རྩལ་པ་དང་འདྲ་བར་སྐྱེ་བོ་ཕལ་བ་དག་ལས་ཀྱང་ཁོའི་སྔར་ཡོད་ཀྱི་ཉམས་འགྱུར་ལ་འཚེར་སྣང་སྐྱེད་མཁས་པོ་ཞིག་ཡིན་འོས་སྙམ། དེར་བརྟེན་རང་ཉིད་ལ་རྒྱུན་མི་ཆད་པར་འདུལ་སྦྱོང་བྱས་ཏེ་འདོར་འོས་པ་དག་འདོར་དགོས། ཧྥིན་ཀྲི་（冯至）ཡིས་སྙན་ངག་ཅིག་བྲིས་པ་ཤིན་ཏུ་ལེགས〔ངས་ཁོ་རང་པེན་ཀྲི་ལེན（卞之琳）ཡི་ནཔ་མི་དྲན།〕མདོར་ན། སྒྱུ་རྩལ་པ་ནི་བྱ་གླག་ཅིག་དང་འདྲ་ནམ་མཁར་འཕུར་ཏེ་རྒྱུན་མི་ཆད་པར་འདུལ་སྦྱོང་དང་བསྐྱུར་གཏོང་བྱེད་ཀྱིན་ཡོད། ཁོ་རང་འཕུར་དགོས་པས། ནམ་མཁའ་འདི་འདུལ་སྦྱོང་མ་ཐུབ་ན་ས་ལ་ལྷུང་ཡོང་བ་རེད།
①ཨོ་སི་ཝེ་ཤིན་གཅིག་བསྡུས་བཙོན་ཁང་ནི་ཕོ་ལན་(波兰)ནུབ་ཕྱོགས་ཀྱི་ཨོ་སི་ཝེ་ཤིན་མཁར་གྲོང་གི་ཉེ་འགྲམ་དུ་ཡོད་ལ། འཛམ་གླིང་དམག་ཆེན་གཉིས་པའི་སྐབས་སུ་འཇར་མན་ན་ཙི（纳粹）་ཏང་གིས་གཅིག་བསྡུས་བཙོ་ཁང་༡༠༠༠ལྷག་བཙུགས་པའི་གྲས་ཀྱི་ཆེས་ཆེ་ཤོས་ཡིན། གནས་འདི་ནས་མི་འབོར་ཁྲི་༣༠༠ལྷག་ཅིག་འཇར་མན་ཧྥ་ཤི་སིས（德国法西斯）་དམར་གསོད་བཏང་བས་མིང་ལ〝གཤིན་རྗེའི་བཟོ་གྲྭ〞ཞེས་ཀྱང་གྲགས།
②赤壁赋ཡི་赤壁ནི་ས་མིང་དང་赋ནི་རྒྱ་ནག་གནའ་རབས་ཀྱི་རྩོམ་ལུས་ཤིག་གི་མིང་ཡིན།
③ཚྰི་ནི་རྒྱ་ནག་གི་དབྱངས་ཀྱི་རིག་པའི་རྣམ་པ་ཞིག་སྟེ། ཚེག་བར་ལྔ་དང་བདུན་མའི་སྙན་ངག་དང་། དམངས་ཁྲོད་གླུ་དབྱངས་བཅས་འཕེལ་རྒྱས་བྱུང་ནས་གྲུབ་པ་ཞིག་ཡིན།
④རྩོམ་རྙིང་ནི་རྒྱ་ནག་ལྔ་བཞི་སྔོན་དུ་བཀོལ་བའི་གནའ་རབས་རྒྱ་ཡིག་རྨང་གཞི་བྱས་པའི་ཡིག་སྐད་ལ་བྱ།
⑤སྙོམས་འགྱུར་སྔེབ་སྦྱོར་ནི་སྙོམས་གདངས་དང་འགྱུར་གདངས་ཏེ། སྙོམ་འགྱུར་སྒྲ་གདངས་ཀྱིས་གྲུབ་པའི་སྙན་ངག་སོགས་ཀྱི་སྡེབ་སྦྱོར་གྱི་ངེས་སྲོལ་ཞིག་ལ་གོ
—སྒྱུར་པ་པོའི་མཆན།
གསལ་བཤད། བཅར་འདྲི་འདིར་ད་དུང་ཁྱིམ་ཚང་གི་སྐོར་དང་ཤིས་ཀྲོའུ་ཡི་སྐོར་ཞེས་པའི་ཚན་པ་གཉིས་འདུག་མོད། ཚན་པ་འདི་གཉིས་བཅར་འདྲི་སྤྱིའི་བབ་དང་འབྲེལ་མེད་ལྟ་བུར་གནས་པས། ཚེགས་ཆེན་དོན་ཆུང་གི་ལས་འདི་བསྐྱུར་ཏེ་མཚམས་འདི་ནས་མཇུག་བསྡུས་པ་ཡིན།
སྒེར་གཅོད་པ་གསོད་པ་ནི་སླ་ཡི།
མང་གཙོའི་ལམ་ལུགས་འཛུགས་པ་ནི་ལས་སླ་བོ་མ་ཡིན།
རོང་ཆེན་པས་བསྒྱུར།
རྩོམ་པ་པོ། ཡང་ཧན་ཅོན།
ཟླ་བ་གཉིས་ཀྱི་སྔ་རོལ་ཏུ་བདག་གིས་༼གཏན་བྲལ་བྱ། ཁ་ཊ་ཧྥེ།༽ཞེས་པའི་རྩོམ་ཡིག་བྲིས་རྗེས། དྲ་གྲོགས་འགའ་ཤས་ཀྱིས་ལེ་བདའ་བྱེད་བཞིན་ཁྱོད་ཀྱིས་བྲིས་པ་སྔ་སོང་ཁ་ཊ་ཧྥེ་ད་དུང་འདས་ལོག་འབྱུང་ངེས་ཟེར། དོན་དངོས་ཐོག་བདག་གི་བྲིས་པ་སྔ་མེད་དེ། ལོ་ངོ་བརྒྱའི་སྔ་རོལ་ཏུ་འཛམ་བུ་གླིང་དུ་བརྒྱ་ཆའི་དགུ་བཅུ་ཡན་གྱི་རྒྱལ་ཁབ་དག་ནི་སྒེར་གཅོད་པ་མེ་མདའི་ཁ་ནས་སྲིད་དབང་སྐྱོང་མཁན་ཡིན་ལ། ལོ་ངོ་ལྔ་བཅུའི་རིང་འདིར་བརྒྱ་ཆའི་ལྔ་བཅུ་མར་ལ་འགྲིབ་ནས་ད་ལྟའི་ཆརའཛམ་བུ་གླིང་འདིར་བརྒྱ་ཆའི་བཅུ་ཡི་སྒེར་གཅོད་སྲིད་དབང་འཛིན་མཁན་ལས་ལྷག་མེད་པས། བླ་མེད་འཕོ་འགྱུར་གྱི་གནས་སྟངས་འདི་འདྲའི་འོག་ཏུ། བདག་གིས་སྒེར་གཅོད་པ་སུ་དང་གང་ལའང ་་གཏན་བྲལ་བྱ་་ ཟེར་བའི་རྩོམ་ཡིག་བྲིས་ཆོག་ཆོག་ཡིན་ལ། དེ་ནས་ངལ་གསོས་ཏེ་ཁོ་ཚོ་ཇི་ལྟར་འཇིག་པར་ལྟད་མོ་བལྟས་ཆོག སྒེར་གཅོད་པ་དག་ནི་མི་དམངས་ཀྱིས་ཡུན་རིང་པོར་སྒུག་མི་སྲིད་ལ། འབྱུང་འགྱུར་ལོ་རྒྱུས་ཀྱི་ཁྱོད་ལ་རེ་བ་ཚིམ་ཏུ་འཇུག་ངེས།
ཁ་ཊ་ཧྥེ་ཡི་ཁྲག་གིས་སྦགས་པའི་ངོ་གདོང་མཐོང་དུས། ཁོས་སྔོན་ཏག་ཏག་བཤད་པའི་སྐད་ཆ་དག་ད་དུང་ཡང་རྣ་ལམ་ནས་ཡལ་མེད་དེ།
ཁོས་རང་རློམ་ང་རྒྱལ་གྱིས་ཁེངས་པའི་སྒོ་ནས་ནུབ་ཕྱོགས་གསར་འགོད་པའི་སྡེ་ལ་བཤད་རྒྱུར།
ང་རང་སྲིད་སྟེགས་ལས་ཕབ་འདོད་དམ། སུས་ང་རང་བསྒྱེལ་དགོས་པ་རེད།
ལིས་པིས་ཡ་མི་མང་ང་ལ་དགའ་བོ་ཡོད་་་་་་་ ད་ཆ། ཁོས་ཁ་ནས་འཐོར་པའི་དགའ་བོ་ཡོད་པའི་མི་མང་གིས་ཁོ་ནི་ཆིས་འོ་སེ་སི་བཞིན་དམར་རྫོབ་སེ་ཉོག་གིས་བཏང་ཡོད་ལ།
དེས་ཀྱང་འདོད་པ་མ་ཁེངས་པར་དུས་ཆེན་ཞིག་ལ་རོལ་བ་ལྟར་རྒྱ་སྲང་གི་ཕྱོགས་ཀུན་ཏུ་གླུ་ལེན་གར་རྩེད་ལ་རོལ་བ་རེད།
ཚུལ་ལྡན་སྤྱི་ཚོགས་ལ་ཡིག་ངོར་མེད་པའི་གཏན་འཁེལ་ཞིག་ཡོད་དེ། གཤེད་མ་ནག་པོ་བསྟུད་མར་མི་གསོད་མཁན་དེ་ཁྲིམས་ཀྱིས་གསོད་ཁྲིམས་ལ་ཕབ་ཀྱང་།
ཁོག་ནས་དགའ་སྤྲོ་སྐྱེས་མཁན་ཡོད་སྲིད་ལ། དགའ་སྟོན་བཤམས་པ་ནི་ཧ་ལམ་དཀོན།
རྒྱུ་མཚན་ནི་མི་སྲོག་ལ་ཐུག་པའི་དོན་དག་ཡིན་པས་སུ་ཞིག་ནི་ཕ་མ་ལས་མ་སྐྱེས་པ་ཡིན།
ཡིན་ན་ཡང་། ཚུལ་ལྡན་གྱི་གཏན་འཁེལ་འདི་ལིས་པི་ཡ་ལ་བཀོལ་ན་མི་འཛའ་ལ།
ཀླ་ཀློ་སྒེར་གཅོད་པའི་ལག་ནས་གསར་ཏུ་ཐར་བའི་ལིས་པི་ཡ་མི་མང་ལ་ཤིན་ཏུ་མི་འཛའ་བ་ཡིན།
འཛམ་གླིང་མི་མང་གིས་ཀྱང་ཁོ་ཚོའི་ཁོག་གི་སྡུག་ཤེས་ཤིང་།
སྒེར་གཅོད་པ་ཞིག་གི་འཆི་བ་ནི་ཞི་བདེ་དང་རང་དབང་ལ་དགའ་བའི་མི་མང་གི་དུས་ཆེན་ནི་ཡིན་ངེས་ངེས་ཡིན་དེ།
སྒེར་གཅོད་པ་རེ་རེ་བཞིན་སྲིད་སྟེགས་ལས་མར་ཕབ་ཅིང་འཇིག་པར་གྱུར་ཚེ།
མིའི་རིགས་ནི་མི་སྒེར་བ་ཞིག་འཆི་བ་ལ་དགའ་འབོད་བྱེད་དོན་མེད་ལ།
སའི་གོ་ལ་ནི་སྔར་ལས་ཚུལ་ལྡན་གྱི་ངོ་བོར་འགྱུར་བར་ཐག་མི་རིང།
མི་ལ་ཤས།་་་་་་
ལྷག་པར་ཏུ་ཀྲུང་གོའི་མི་ལ་ཤས་ཀྱིས་མི་མང་དང་སྒེར་གཅོད་པའི་བར་གྱི་ཞེ་འཁོན་དེ་གསལ་བོ་ཤེས་ཀྱིན་མེད་ལ།
སྒེར་གཅོད་དང་མང་གཙོ་བར་གྱི་འབྲེལ་བ་དེ་ཡང་གསལ་བོ་ཤེས་ཀྱིན་མེད། དེའི་སྟབས་ཀྱིས།
བདག་གིས་ལྟ་ཚུལ་གསུམ་འདོན་ལ་ཀུན་པོའི་བསམ་གཞིག་བྱེད་པར་ཞུ།
དང་པོ།
མི་མང་གིས་སྒེར་གཅོད་པར་བཅངས་པའི་ཞེ་འཁོན་དེ་མང་གཙོ་དང་འབྲེལ་བ་ཡོད་ཅེས་གཏན་འཁེལ་བྱེད་མི་ཐུབ་ལ།
རྒྱ་སྲང་ལ་བླུགས་པའི་མི་མང་མང་ཚོགས་ཕལ་ཆེ་བས་མང་གཙོའི་དགེ་མཚན་མི་ཤེས་ཤིང་།
ཁོ་ཚོའི་བྱེད་སྟངས་ནི་སྒེར་གཅོད་ལམ་ལུགས་ལ་བཟོད་བསྲན་བྱེད་ཐབས་བྲལ་པ་ཁོ་ནའི་དབང་གིས་ཡིན།
སྔོན་གྱི་ལོ་ངོ་བརྒྱའི་རིང་གི་སྒེར་གཅོད་སྲིད་དབང་འགོ་རྟིང་སློག་པའི་ལོ་རྒྱུས་ལས་གསལ་བ་ལྟར།
བདེ་བ་ཅན་ལྟ་བུའི་མང་གཙོའི་ལམ་ལུགས་ཀྱིས་ག་ཤེད་ན་སྒུག་ཡོད་པས།
ད་གཟོད་མི་མང་མང་ཚོགས་ཀྱིས་སྒེར་གཅོད་ལམ་ལུགས་འགོ་རྟིང་སློག་པ་ནི་གཏན་ནས་མ་ཡིན།
གནད་འདི་ནི་རྒྱལ་ཁབ་ལ་ཤས་ཀྱི་ཤེས་ལྡན་མི་སྣ་ལ་ཤིན་ཏུ་གལ་ཆེ་སྟེ།
ཁོ་ཚོས་སྒེར་གཅོད་ཀྱི་ཐ་ཤལ་ངོས་མ་ཟིན་པ་མིན་ལ། མང་གཙོའི་དགེ་མཚན་མ་མཐོང་པའམ་མཐོང་ཡང་གསལ་བོར་མ་རྟོགས་པས་ཡིན།
དེའི་སྟབས་ཀྱིས་ཁོ་ཚོ་སྒེར་གཅོད་དང་ཁྱི་སྤྱང་མཉམ་འབྲེལ་བྱ་ལ།
ད་དུང་གནས་ལུགས་ཡོད་མདོག་གིས་བྲན་འཁོལ་དེ་བླ་མེད་དུ་བརྩི་བར་བྱེད།
གཉིས་པ།
སྒེར་གཅོད་འགོ་རྟིང་སློག་པ་ནི་མང་གཙོའི་ལམ་ལུགས་བཙུགས་པ་གཞར་ཡང་མིན། མགོ་མི་ཚོས་པའི་ཤེས་ལྡན་པ་ལ་ལས་རྒྱུན་ཏུ་མང་གཙོའི་རྙོག་ཟིང་སྤྱད་ནས་སྒེར་གཅོད་འགོ་རྟིང་སློག་པ་ནི་མི་འོས་པ་དང་།
དུས་ལ་མ་བབ་ཅེས་ཀོ་བསྐོན་བྱེད་པར་སྤྲོ་ལ།
དེ་ནི་ཁོ་ཚོའི་ལོ་རྒྱུས་ཀྱི་བླ་མེད་འཕོ་འགྱུར་མ་མཐོང་བས་ལན་ཞིང།
མིའི་རིགས་ཀྱི་དགེ་ཕྱོགས་བདེན་མཐོང་གི་ནུས་ཤུགས་ག་འདྲ་ཡིན་པ་ཧ་མ་གོ་བ་རེད།
མང་གཙོ་ནི་རྒྱང་རིང་ཏུ་ཆུག་ཀྱང་།
སྒེར་གཅོད་འགོ་རྟིང་མ་སློག་ན་དེ་ལས་ཀྱང་རྒྱང་རིང་ཐག་རིང་ཏུ་བྱེར་འགྲོ་བ་ཡིན།
སྒེར་གཅོད་ལམ་ལུགས་ནི་འཛམ་པའི་གླིང་འདིར་ཐ་ཤལ་བའི་ལམ་ལུགས་ཡིན་ལ། དེ་བསྒྱེལ་རྗེས།
མི་མང་གིས་ད་གཟོད་གཞན་པ་གཞན་པའི་བདམ་གསེས་ཡོད་པར་གྱུར་ལ།
རྒྱལ་ཁབ་དེ་ལ་གཞི་ནས་མདུན་ལམ་ཡོད་པ་ཡིན།
ཡིན་དེ།
ང་ཚོས་གསལ་བོར་རྟོགས་དགོས་པ་ཞིག་ལ། ལོ་རྒྱུས་ཀྱི་རྒྱབ་ལྗོངས་དང་།
རིག་གནས་དང་ཆོས་ལུགས་སོགས་ཀྱི་གནས་རྐྱེན་འོག
སྒེར་གཅོད་འགོ་རྟིང་སློག་པ་ན་མང་གཙོའི་ལམ་དུ་སྐྱོད་པ་མ་ཡིན་ལ།
སྒེར་གཅོད་གཞན་ཞིག་གི་ངོ་བོར་འགྱུར་བ་ཡང་ཡོང་སྲིད། དབུས་ཤར་ས་རྒྱུད་ལ་མཚོན་ན།
ནུབ་ཕྱོགས་ནས་མཆེད་པའི་མང་གཙོའི་ཆབ་སྲིད་ལམ་ལུགས་ནི་ས་འདི་ནས་འགྲུབ་ཁག་པོ་རེད་ལ།
ས་ཁུལ་འདིའི་མང་གཙོའི་ལམ་ལུགས་ཆགས་ཡོད་འདོད་པའི་ཐུ་ཁེ་རྒྱལ་ཁབ་ལ་དཔེར་བླངས་ཀྱང་།
ཕྱོགས་གང་ཐད་ནས་གནད་དོན་མང་པོ་ཞིག་ཐག་མ་ཆོད་པར་ད་ལྟའི་བར་ལུས་ཡོད་པ་རེད།
འདིའི་སྟེང་ནས་བཤད་ན།
རུའུ་ལུགས་ཀྱི་ཤན་ཆེ་བའི་ཨེ་ཤེ་ཡའི་རྒྱལ་ཁབ་ཁག་ལ་མང་གཙོའི་ལམ་ལུགས་འཕྲོད་བཞིན་ཡོད་གདའ་སྟེ།
མིག་སྔར་འཇར་པན་གྱི་མང་གཙོའི་ལམ་ལུགས་ནུབ་ཕྱོགས་པའི་རྒྱལ་ཁབ་ལས་བརྒལ་ཡོད་པ་དང་།
ཀོ་རི་ཡ་བྱང་མའི་མང་གཙོ་རིམ་བཞིན་ཇེ་ལེགས་སུ་སོང་ནས། མ་མཐའ་ཡང་ཀོ་རི་ཡ་ལྷོ་མར་བསྡུར་ན་གནམ་སའི་ཁྱད་པར་ཤོར་བ།
དེ་ལས་ཀྱང་གླེང་རི་བ་ཞིག་ནི་ཀྲུང་གོ་ཐེ་ཝན་ས་ཁུལ་ཡིན་ཞིང་།
དེ་རུ་མང་གཙོ་ལག་བསྟར་བྱས་ནས་ལོ་ཉི་ཤུ་ལས་འགོར་མེད་ཀྱང་།
ཨེ་ཤ་ཡ་ཙམ་མ་ཟད་འཛམ་བུ་གླིང་གི་དཔེ་ལེན་འོས་པ་ཞིག་འཁྱོངས་ཡོད།
ས་ཁུལ་ལ་ཤས་ཀྱི་མགྱོགས་མྱུར་རང་བཞིན་གྱིས་ལག་བསྟར་བྱས་ནས་ལོ་ངོ་ཉིས་བརྒྱ་སུམ་ཅུ་སོང་བའི་ཨ་རི་ལ་ངོ་ཚར་གཏོད་པ་ཡང་ཡོད་པ་རེད།
གསུམ་པ།
སྒེར་གཅོད་ལམ་ལུགས་ནི་གློ་བུར་བསྒྱེལ་བ་ཡིན་ལ།
མང་གཙོའི་ལམ་ལུགས་ནི་ཉིན་གཅིག་ལ་བཞེངས་ནས་འགྲུབ་པ་མིན།
སྒེར་གཅོད་པས་མིའི་གཤིས་ལུགས་དང་འགལ་ནས། མིའི་བསམ་སྤྱོད་ལས་འདས་ནས། ཕྱི་ཚུལ་ཇི་ལྟར་ཡིད་སེམས་འབབ་པ།
ཕྱི་ཚུལ་ཇི་ལྟར་རྒྱན་སྤྲོས་ཆེ་བ།
ཇི་ལྟར་དྲིལ་བསྒྲགས་ཡོ་བྱད་སྣ་ཚོགས་བཀོལ་ནས་མི་མང་ཁོ་ཚོར་དགའ་བོ་ཡོད་པའི་སྣང་བརྙན་རྫུན་མ་བསྐྲུན་ཀྱང་།
འཇིག་དགོས་པའི་ལས་དབང་ལ་གཟུར་ཐབས་མེད་ལ།
འཇིག་དགོས་པའི་རྒྱུ་རྐྱེན་ནམ་འོང་ཆ་མེད་ཡིན། འདི་ལས་ང་ཚོས་ཤེས་པ་ནི་མི་ཚང་མས་སྒེར་གཅོད་ལམ་ལུགས་ངེས་པར་གཏན་བྲལ་བྱེད་ངེས་པ་རྟོགས་ཀྱང་།
མི་སུས་ཀྱང་ཁོ་ཚོའི་ཚེ་ཚད་འདིའོ་ཞེས་ཁ་ཚོན་གཅོད་མི་ནུས།
དགའ་དགོས་པ་ནི་ངེས་པར་འགྱེལ་འགྲོ་བ་དེ་ཡིན་ཞིང་།
དེ་ནི་ང་ཚོའི་བློ་ཡིད་ལ་ཤར་བའི་དུས་དེ་འམ་ཡང་ན་བློ་ཡིད་ལས་འདས་པའི་དུས་དེ་ཡིན་ཡང་སྲིད།
འོན་ཀྱང་།
རྒྱུ་རྐྱེན་མང་པོ་ཞིག་དང་ལྷག་པར་དུ་སྒེར་གཅོད་ལམ་ལུགས་གིས་རྒྱལ་ཁབ་དང་མི་རིགས་ཀྱི་སྲོལ་ཆ།
རིག་གནས་བཅོམ་བརླག་བྱས་འབྲས། སྒེར་གཅོད་པ་བསྒྱེལ་ཡང་།
སྒེར་གཅོད་ལམ་ལུགས་ཀྱི་བསམ་བློ་ད་དུང་ཡང་མི་རབས་གཅིག་གམ་མི་རབས་ཁ་ཤས་སུ་གནས་འགྲོ་བ་ཡིན།
མང་གཙོའི་ལམ་ལུགས་ཀྱི་བཞེངས་བསྐྲུན་ལའང་འགོག་ཤུགས་ཚད་མེད་ཐེབས་འགྲོ་བ་ཡིན།
དེ་ལྟ་ནའང་།
མང་གཙོ་ལས་སྒེར་གཅོད་མོས་ཞེས་ཤུགས་རིང་འབྱིན་མཁན་དག་གིས་མིག་གདེང་ནས་ལྟ་དགོས་པ་ཞིག་ནི།
འཛམ་བུ་གླིང་འདིར་ལོ་ངོ་བརྒྱའི་རིང་རང་དབང་བདམ་གསེས་འཐོབ་པའི་རྒྱལ་ཁབ་དང་མི་མང་གིས་སླར་ཡང་སྒེར་གཅོད་ལམ་ལུགས་ལ་ལྡོག་པ་མེད་ལ།
མང་གཙོའི་ལམ་ལ་མ་སྐྱོད་པའི་མི་རིགས་ཁག་གིས་མགོ་བོ་བཏོན་ནས། ཁྲག་དམར་མཆོད་དེ།
ཤི་ཡང་ནམ་གཞར་འགྱོད་པ་མི་བྱེད་དོ། །
འདས་པའི་ལོ་ངོ་བརྒྱའི་རིང་གི་སྒེར་གཅོད་དང་མང་གཙོའི་འགྱུར་ལྡོག་སྣ་ཚོགས་པས་ང་ཚོ་ལ་ཡིད་ཆེས་དང་བསམ་གཞིག་སྤྲད་ཡོད་དེ།
སྒེར་གཅོད་པ་གསོད་པ་ནི་སླ་ཡི། མང་གཙོའི་ལམ་ལུགས་འཛུགས་པ་ནི་ལས་སླ་བོ་མ་ཡིན།
གལ་ཏེ་དབུས་ཤར་ས་ཁུལ་གྱི་མོ་ལིས་མེ་ཏོག་གི་གསར་བརྗེ་ནི་མི་མང་མང་གཙོར་མོས་པ་དང་སྒེར་གཅོད་པ་བསྒྱེལ་བའི་རེ་འདོད་ཡིན་ན།
ཨ་རིའི་ཧྭ་འར་སྲང་ལམ་འཛིན་པ་ནི་མི་མང་གིས་མང་གཙོ་འཕེལ་རྒྱས་དང་འཐུས་ཚང་དུ་གཏོང་བའི་བྱེད་སྒོ་ཡིན།
མང་གཙོའི་ལམ་ལུགས་ལ་རང་ཉིད་འཐུས་ཚང་དུ་གཏོང་པའི་ནུས་ཤུགས་ལྡན་ལ།
རང་ཉིད་འཐུས་ཚང་ཏུ་གཏོང་བའི་ལམ་བུ་ཡངས། ལྡོག་སྟེ།
སྒེར་གཅོད་པས་དབང་ཆ་ཚད་མེད་དུ་འཆིང་ནས་ལག་ཟུང་ལྷོད་མ་ཐུབ་ཚེ།
ཁོ་ཚོ་ཆི་འོ་སེ་སི་ཁོ་དང་། ས་ཏ་མོ།
ཁ་ཊ་ཧྥེ་ལྟ་བུར་འགྱུར་བ་ལས་ལམ་གཞན་པ་བདམ་རྒྱུ་མེད།
༢༠༡༡ ༡༠ ༢༡ཉིན།
སྐད་ཆ་འདི་ཅི་ལྟར་བཤད་དགོས་སམ།
རྣོ་སྦྲེང་།
ཤུ། སྒེའུ་ཁུང་ཕྱི་རོལ་གྱི་གློག་འོད་འདིས་ཁོ་བོའི་རྨི་ལམ་ཡོངས་སུ་འཕྲོག་སོང་ཤ་ཁྲག་འཚོ་བསྟེན་དུ་གྱུར་ཡོད་པའི་དུག་སྦྲང་འདི་ཚོས་ང་རང་གཉིད་ལོག་པར་སྒུག་ནས་ཡོད་ཚོད་རེད་མོད། འོན་ཏེ་ང་ལ་གཉིད་ཡེ་ནས་ཁུགས་ཐབས་བྲལ།
དོ་ནུབ་ངས་ཁུ་སིམ་མེར་གནས་འདི་ནས་རྣ་ལམ་ལ་རྒྱུན་པར་འོང་སྲིད་པའི་སྐད་ཆ་ཞིག་ལས་འཕྲོས་ཏེ་རང་ཉིད་ཆུང་དུས་སུ་ཁུ་བོ་ལགས་ཀྱིས་ཟི་ལིང་གི་རི་དྭགས་གླིང་ག་རུ་ལྟད་མོར་འཁྲིད་མྱོང་བའི་བྱིས་དུས་ཀྱི་འཚོ་བ་ཞིག་དབང་མེད་དུ་དྲན་དགོས་བྱུང་། ༼ཨ་ཁུ། ངས་སྟག་དང་སེང་གེ་ལ་བལྟ་འདོད། ཨ་ཁུ། ངས་དྲེད་དང་དོམ་ལ་བལྟ་འདོད།༽ སྐབས་དེར་རི་དྭགས་གླིང་ཀའི་སྒོ་འགྲམ་ནས་ཁུ་བོ་ལགས་ལ་བྱིས་པའི་པྲ་ཚགས་ཀྱི་བཟོ་བལྟ་བསྟན་པ་དྲན་ཡོང་། ཡིན་ནའང་དུས་དེར་སུ་ཞིག་གིས་རང་ལ་མ་འོངས་པར་མཐོ་སྒང་གི་འབྲོག་པ་ལ་བལྟ་འདོད་ཡོད་ཅེས་པའི་སྐད་ཆ་ཞིག་བཤད་སྲིད་པ་ཅི་ལྟར་ཤེས་ཨང་།
ཉེ་བའི་ལོ་འདི་དག་གི་རིང་ལ་བོད་ཀྱི་ཐང་ཀ་དང་སྒོ་ཁྱིའི་ཚོང་ཤིན་ཏུ་བྲིན་གྱིན་ཡོད་ལ། ཐང་ཀ་དང་སྒོ་ཁྱིའི་དྲིན་ལ། ཐང་ཀའི་ཉོ་འཚོང་གནང་མཁན་དང་ཁྱི་འཚོང་རྒྱག་མཁན་ཚོས་འཇེབ་འཁོར་སྤུས་དག་རེའི་ནང་དུ་སྒམ་ཚིགས་སྟོན་གྱིན་ཡོད་ནའང་། དོན་དུ་ཁོ་རང་ཚོ་དང་དངོས་རྫས་སྐྱེལ་འདྲེན་འཁོར་སྒམ་གཉིས་ཀྱི་འབྲེལ་བ་ཅི་ཞིག་ཡིན་ནམ།
...... ནམ་རྒྱུན་ལྗོངས་རྒྱུ་བ་དག་གིས་ང་བོད་ལ་དགའ། བོད་ཀྱི་རི་ཆུ་ནགས་གསུམ་ལ་དགའ་ཟེར་བ་ནི་ཚོར་ཤེས་རྒྱས་པའི་སྐབས་སུ་བྱ་ཞིག་ཡིན་ན་སྙམ་བྱུང་། བྱེའུ་ཞིག་ཡིན་ན་བསམ་བྱུང་ཟེར་བ་འདྲ་མཚུངས་ཅུང་ཨེ་འདུག
སྐབས་འདིར་ངས་གནའ་རྫས་གླེང་དགོས་བྱུང་། གནའ་བོའི་རྫས་རྙིང་ལ་རིན་གོང་མཐོན་པོ་སྟེར་བ་ཀུན་གྱིས་སེམས་ན་ཁྲིགས་སེ། དེ་དོན་ག་རེ་ཡིན་ནམ། གནའ་རྫས་ལ་སྒྱུ་རྩལ་གྱི་ཆ་ཡོད་པས་ཡིན་ནམ། ལོ་རྒྱུས་ཀྱི་ངོས་ཡོད་པའི་རྐྱེན་ནམ། གང་ལྟར། འགྲོ་བ་མིའི་རིགས་ཀྱི་དགོས་མཁོ་སྐོང་བྱེད་ཀྱི་ཡོ་བྱད་ཅིག་ཡིན་པ་ཐག་གིས་ཆོད་ལ། གནའ་རྫས་དེ་མིའི་རིགས་ཀྱིས་འགྲེམས་སྟོན་ཁང་ག་གེ་མོར་བཞག་སྟེ་ཕྱི་རབས་པ་ནས་ཕྱི་རབས་པ་དག་ཨ་མཚར་སའི་ལོ་རྒྱུས་དང་སྒྱུ་རྩལ་གྱི་ཉིང་ཁུ་གཞིབ་ཡུལ་ཡིན་པ་ཡང་དེ་བཞིན་ནོ།
ཡིན་ཙ་ན། ང་ལ་དྲི་བ་ཞིག་འཁོར་བྱུང་སྟེ། བོད་ཡུལ་ཁྱད་འཕགས་ཀྱི་གནའ་རྫས་ཤིག་ཡིན་ནམ། བོད་མི་གནའ་རྫས་དེའི་རིགས་ཀྱི་གྲིབ་གཟུགས་ཡིན་ནམ། རི་དྭགས་གླིང་ག་ལ་འགྲོ་མཁན་མོད་པ་ཇི་བཞིན་པར་ཆས་བཟུང་བའི་ལྗོངས་རྒྱུ་བ་མང་པོ་ཞིག་བོད་ཡུལ་གྱི་ས་གནས་ག་གེ་མོར་འགྲོ་བར་སྤྲོ་དོན་ཅི་ཡིན་ནམ། བོད་ཡུལ་ནི་གནས་མཆོག་ཅིག་ཡིན་པས་ཡིན་ནམ། བོད་མི་ནི་གཞུང་དྲང་གི་མི་རིགས་ཤིག་ཡིན་པས་རྐྱེན་ནམ། ཡང་ན། འགྲོ་བ་མིའི་རིགས་ཀྱི་སྐབས་རེར་ལོངས་སྤྱོད་བྱ་སའི་གླིང་ཀ་ཞིག་ཡིན་ནམ། ཏག་ཏག་གནའ་རྫས་དང་ཐང་ཀ་དང་སྒོ་ཁྱི་དང་བོད་མིའི་བར་ན་འབྲེལ་བ་ཅི་ཞིག་ཡོད་དམ། དུས་ནམ་ཞིག་གནས་མཆོག་བོད་ཡུལ་གྱི་བོད་མི་ཚོས་ལག་ཏུ་པར་ཆས་བཟུང་སྟེ་གླིང་ཀ་གཞན་ལ་འཆམ་འཆམ་བྱིན་ཆོག་གི་རེད་དམ།
འགྲོ་བ་མིའི་ཐོབ་ཐང་དུ། སྐྲ་སེར་བོ་དང་མིག་སྔོན་མོ་དང་ཤ་དཀར་ནག་སོགས་འདྲ་མཉམ་གྱིས་མཉམ་དུ་བགད་ཆོག་ཅིང་ངུས་ཆོག་པར་བཤད་ཡོད་ན། བོད་མིའི་སྐྱབས་འཆོལ་ས་ནི་པར་ཆས་བཟུང་སྟེ་ང་བོད་ཡུལ་ལ་དགའ་ཟེར་མཁན་དེ་དག་ཡིན་ནམ། ཐང་ཀ་ཉོ་མཁན་དེ་དག་ཡིན་ནམ། སྒོ་ཁྱི་བསྡུ་མཁན་དེ་དག་ཡིན་ནམ། གནའ་རྫས་འཚོལ་མཁན་དེ་དག་ཡིན་ནམ། བོད་མི་རང་ཉིད་ཡིན་ནམ།
སྐད་ཆ་འདི་ཅི་ལྟར་བཤད་དགོས་སམ། ཏག་ཏག་སྐད་ཆ་འདི་ངས་ཡག་པོ་ཞིག་ལབ་ཤེས་མ་སོང་།
2011.8.30མཚན་མོར་པེ་ཅིན་དུ།
[ཡོང་ཁུངས། ངེད་དྲ་བ།] [ཟླ་ཚེས། 11-08-31] [ཀློག་གྲངས། 740]
འོག་ངོས། སློབ་གསོའི་སྐོར་གྱི་གཏམ་གླེང་ཐོར་བུ།
དཔྱད་བརྗོད།
#20རྒྱབ་སྐྱོར་བྱེད།(0)ངོ་རྒོལ་བྱེད།(0) Guest@2013-01-15 22:31:17
OK
#19རྒྱབ་སྐྱོར་བྱེད།(0)ངོ་རྒོལ་བྱེད།(0) Guest@2012-07-15 06:28:01
ང་རང་ཉིད་ནི་སྐུ་ཞབས་ཞོགས་དུང་ལགས་ལ་དགའ་བ་ཆེན་པོ་ཡོད།ད་ལྟའི་ཕན་མེད་ཀྱི་སྤྲུལ་སྐུ་ཡིན་ཟེར་བ་དེ་དག་ལས་སྐུ་ཞབས་ཞོགས་དུང་ལྟ་བུའི་མི་བུ་དག་ལ་མགོ་སྒུར་ནས་ཕྱག་གསུམ་འཚལ་དགོས་ཀྱང་འགྱོད་པ་སྤུ་ཙམ་ཡང་མེད།གནའ་ནས་ད་བར་དུ་བོད་ཀྱི་དཔལ་འབྱོར་དང་སློབ་གསོ།བསམ་བློ་སོགས་ཀྱི་འགགས་རྐྱེན་དུ་གྱུ་ཡོད་པའི་བླ་སྤྲུལ་དག་ནི་ད་ལྟ་ང་ཚོས་ངེས་པར་དུ་དེ་དག་གྱེས་བྲལ་གྱི་ལག་བརྡ་བྱེད་དགོས་པ་རེད།རྒྱུ་མཚན་ནི་ཁོ་ཚོས་མི་དམངས་རྣམས་ལ་མགོ་སྐོར་བཏང་ནས།ཁོ་རང་ཉིད་ཚོའི་བྲན་གཡོགས་སུ་གྱུར་ཡོད་པ་དེ་རེད།
་་་་ ་་་་་་་་་་་་་་་་གསེར་ཆེན་པ་ནས་་་་་་ཟི་ལིང་ནས་་
#18རྒྱབ་སྐྱོར་བྱེད།(0)ངོ་རྒོལ་བྱེད།(0) Guest@2011-09-15 15:30:57
ok
#17རྒྱབ་སྐྱོར་བྱེད།(0)ངོ་རྒོལ་བྱེད།(0) Guest@2011-09-14 22:15:03
ན་གཞོན་གསར་བར་གསར་བཅོས་ཀྱིས་ལེགས་གྲུབ་བྱུང་བར་དགའ་བསུ་ཡོད། སུ་གང་ལའང་མགོ་བོ་མི་སྒུར་བར་མདུན་ནས་མདུན་དུ་སྐྱོད་ཅིག བོད་ཀྱི་སྐད་ཡིག་གི་འཕྲིན་ལས་སྣ་སྒོར་མོ་ནས་རྒྱལ་གྱུར་ཅིག གོང་གི་མཆན་གྲངས་བཅུ་བཞི་པ་འདེབས་མཁན་དྲ་འབུ་གཏིང་ནག་ཅན་དེ་ལྟ་རྒྱ་ཡན་དུ་མ་གཏོང་།
#16རྒྱབ་སྐྱོར་བྱེད།(0)ངོ་རྒོལ་བྱེད།(0) Guest@2011-09-07 20:24:50
ཁྱོད་ཀྱི་དུང་ཞན་གྱི་སྐད་ཆ་བཤད་ཀྱིན་འདུག
#15རྒྱབ་སྐྱོར་བྱེད།(0)ངོ་རྒོལ་བྱེད།(0) Guest@2011-09-07 14:19:22
དེ་བས་ན་རྔ་དབང་གི་ཕ་རོལ་དུ་བསྐྱོད་ཅིག་ལྒས། བསྒྱུར་ཤིག
#14རྒྱབ་སྐྱོར་བྱེད།(0)ངོ་རྒོལ་བྱེད།(0) Guest@2011-09-07 10:59:46
དོན་གྱིས་རྗེས་ལུས་དང་སྔོན་ཐོན་ཟེར་བ་འདི་ནི་མར་ཁེ་སི་དང།ནུབ་ཕྱོགས་མི་སེར་སྤེལ་ཡུལ་རིང་ལུགས་པའི་བཤད་ཚུལ་ཞིག་སྟེ།ཁོ་ཚོས་ཚིག་འདི་འདྲ་བེད་སྤྱོད་བཏང་ཏེ།གཞན་ཡུལ་ཏུ་བཙན་འཛུལ་བྱས་ཡོད་པ་རེད།བོད་ལའང་སྔོན་ཐོན་དང་རྗེས་ལུས་ཀྱི་སྐད་ཆ་ཐོག་དང་པོ་སྒྲོག་མཁན་ཡང།དམར་སྲུང་དམག་ནི་རྣམས་ཡིན་ཏེ།ད་ལྟ་མི་འཐུད་དུ་བེད་སྤྱོད་གཏོང་བཞིན་པའང་དམར་སྲུང་དམག་མི་རྣམས་ཡིན།
#13རྒྱབ་སྐྱོར་བྱེད།(0)ངོ་རྒོལ་བྱེད།(0) Guest@2011-09-06 22:15:46
རིགས་ཀྱི་བུ་གསོན་དང་། དེ་བོད་ཡུལ་འདི་ཁྱད་པྲ་བ་ཞིག་མ་ཡིན་ཏེ་། མི་རིགས་གཞན་དང་བསྡུར་ན་ལོ་ངོ་བརྒྱ་ཕྲག་གི་རྗེས་སུ་ལུས་ཡོས་པས་རྐྱེན་རེད།
#12རྒྱབ་སྐྱོར་བྱེད།(0)ངོ་རྒོལ་བྱེད།(0) Guest@2011-09-06 14:15:10
སྐད་དགུ་བ་འཇོག་མཁན་དང་བཅུ་གཅིག་འཇོག་མཁན་གཉིས་ལགས། ཁྱེད་གཉིས་ཀྱིས་ཁོ་བོའི་བྲིས་རྩོམ་འདི་ལ་ཅི་ལྟར་བལྟ་བཞིན་པ་མི་ཤེས་མོད། ཁོ་བོའི་ཀུན་གཞིའི་ངོས་སུ་ཏག་ཏག་དེ་འདྲ་ཞིག་འཆར་མ་མྱོང་། རྣོ་མིང་བས།
#11རྒྱབ་སྐྱོར་བྱེད།(0)ངོ་རྒོལ་བྱེད།(0) Guest@2011-09-03 12:43:19
#9ལགས་ཀྱིས་གསུང་བ་ནང་བཞིན་སྙམ།
འུ་ཚོས་ཅི་ཞིག་འབྲི་ཐུབ། འུ་ཚོས་ཅི་ཞིག་འབྲི་ཐུབ་བམ།
རྣོ་སྦྲེང་།
ཁོ་བོ་ལྟར་ན། ཆེས་འབྲི་དཀའ་བ་ནི་རྫུན་གྱིས་མ་གོས་ཤིང་། རབ་རྒྱན་མ་བཏགས་པའི་ཇི་བཞིན་གྱི་འཚོ་བའོ།
-------------------------སྔོན་དུ་བརྗོད་འདོད་པ།
དེ་ཡང་ནམ་རྒྱུན་དཔེ་ཀློག་དང་དཔེ་ཀློག་ཅེས་ཁ་ནས་དམིགས་བརྩེ་མ་ལྟར་ཟློ་བཞིན།
དོན་དུ་དགོས་མཁོའི་ཡིག་རྡོག་ཐིག་ཕྲེང་འགའ་འབྲི་བ་ལའང་ལག་པ་འདར་བའི་རང་ཅག་གི་ན་གཞོན་སྐོར་ཞིག་གིས་གཞུང་ལུགས་དང་ལྟ་བ་ཟེར་བ་ལུང་ཚིག་རེ་འགའི་སྣེ་མོ་ལ་འཁེན་ཏེ་གླེང་རྩིས་བྱ་ཞིང་།
རང་ཉིད་དང་ཆེས་ཐག་ཉེ་བའི་འཚོ་བའི་གནད་དོན་དང་སྤྱི་ཚོགས་ཀྱི་སྣང་ཚུལ་ཆུང་ཆུང་དག་ནི་གླེང་རིན་མེད་པར་འདོད་ཀྱིན་ཡོད་མོད།
ཁ་དཔེར། ཆོས་ཆེན་པོ་ཨ་ཁུས་མི་ཤེས། ཆོས་ཆུང་ཆུང་ཨ་ཁུས་མི་འདོད་ཟེར་བ་བཞིན། ཐོག་མ་ཉིད་ནས་ཆུང་ཆུང་ཞིག་མིག་ནང་དུ་མི་འཇོག་ཅིང་ཆེན་པོ་ཞིག་ཕྲག་པ་ཡིས་མ་ཐེག་པས། འུ་ཅག་གི་རིག་གནས་ཀྱི་སྣང་ཚུལ་ཡང་རབ་རིབ་དང་མག་མོག་ཏུ་གྱུར་ཡོད་པ་མ་རེད་དམ།
བདེན་ཏེ། འུ་ཅག་ལ་ཕུགས་བསམ་ཡོད་པ་ནི་ཤིན་ཏུ་བཟང་མོད། བཟོ་ལྟ་ཙམ་གྱིས་སྐད་ཆ་བཤད་དེ་བཟོ་ལྟ་ཙམ་གྱིས་རང་མགོ་གཡོག་པའི་སྣང་ཚུལ་དེ་ཅུང་སྐྱོ་བོ་ཞིག་ཡིན་ཙ་ན། འུ་ཅག་གིས་གཞུང་ལུགས་དང་གཞུང་ལུགས་ཅེས་ཆེན་པོ་ཞིག་མ་གླེང་བའི་ཡར་སྔོན་དུ། ཁ་ནས་དཔེ་ཆ་དཔེ་ཆ་ཞེས་གླེང་བའི་80རྗེས་ཀྱི་གསར་བུ་ཚོ་ལ་འདྲི་བ་འདི་དག་བཏོན་ན་ཨེ་ཉན་ནམ།
ནུབ་ཕྱོགས་མཚན་ཉིད་རིག་པའི་གཞུང་ལུགས་ལ་གསལ་ཆ་མེ་ལོང་འདྲ་ཞིག་ཡོད་དམ།
ཤར་ཕྱོགས་ཆོས་ལུགས་རིག་གནས་ཀྱི་དེ་ཉིད་ལག་མཐིལ་ལ་བླངས་འདྲ་ཡིན་ནམ།
ཡང་ན་བོད་ཀྱི་ལོ་རྒྱུས་གཙང་མ་ཞིག་འཆད་ཐུབ་བམ།
ཏུང་ཧོང་ཡིག་རྙིང་སྐོར་ལ་ཞིབ་འཇུག་གི་འགྲེལ་ཐན་ཐུན་རེ་ཡང་ཨེ་འགྲོ་འམ།
དམངས་གཙོ་རང་དབང་སོགས་ཡོངས་ཁྱབ་རིན་ཐང་གི་སྐོར་ནས་དོ་ཁུར་རྣལ་མ་ཞིག་བྱས་མྱོང་ངམ།
ལག་ན་ལེགས་བཤད་གསེར་ཕྲེང་གི་དང་ལམ་རིམ་ཆེན་མོ་སོགས་དུམ་རྒན་བཟུང་བའི་ཚུགས་ཀ་སྟོབས་པོ་ཡིན་ཀྱང་། དོན་དུ་ས་དོན་གྲུབ་གསུམ་གྱི་སྤྱི་ཁོག་ཨེན་ཙམ་རེ་ཡང་ཀླད་པའི་ནང་དུ་ཤོང་ཡོད་མེད་སུས་ཤེས།
ས་པཎ་གྱིས། རྟ་ཕོ་བཟང་མིན་རྒྱུགས་ན་ཤེས།། མཁས་པ་ཡིན་མིན་རྩོམ་ན་ཤེས་ཟེར། ང་རང་སྐད་ཆ་འདི་ལ་ཤིན་ཏུ་ནས་འཐད་དེ། བྱ་ཕོ་གྲགས་རྒྱུ་མང་ཞིང་སྒོ་ང་གཏོང་རྒྱུ་མེད་པའི་མཁས་པ་དེའི་རིགས་ནི། གནའ་བོའི་སྐད་ཆ་ཞིག་གིས་བཤད་ན་དཔའ་བོ་ལག་རྡུམ་ཟེར་བ་དེ་ཨེ་ཡིན་ནམ།
དེའི་ཕྱིར་ཡི་གེའི་ལས་ཀ་གཉེར་མཁན་ཚོས་ད་ལྟ་ཆེན་པོ་ཞིག་འཆད་མི་ཐུབ་ན། འཚོ་བ་དང་ཁོར་ཡུག་སྤྱི་ཚོགས་ཀྱི་སྣང་ཚུལ་སོགས་སྣེ་ཆུང་ངུ་ནས་གླེང་ཚེ་་ཁོང་དགོད་འཆོར་དོན་ག་རེ། རྒྱུན་ལྡན་གྱི་འཚོ་བའི་སྣང་ཚུལ་ལ་སྣང་ཆུང་བྱེད་པ་དེ་ཆེན་པོ་མི་འཁྱོངས་པའི་ན་གཞོན་འུ་ཅག་མ་ཡིན་ནམ།
གཞན་ཚོང་ལས་ལ་འཇུག་མཁན་སྐོར་ཞིག་གིས། སྙན་ངག་པ་དང་དཔེ་ཆ་བ་ཚོ་ཐ་ན་ཚོགས་ར་གྲལ་དག་ཅིག་ནས་ཟ་མ་ཡང་ཟ་མི་ཤེས་པའི་མི་གླེན་པའི་གྲས་སུ་འཇོག ཡི་གེའི་ལས་ཀ་གཉེར་མཁན་ཁག་ཅིག་གིས། ཚོང་ལས་པའི་རིགས་ནི་སྒོར་མོའི་ཆེད་དུ་རང་ཚུགས་བོར་བའི་སྤྲེལ་ལད་མཁན་ཏུ་བལྟ།
འདི་ལྟར་ལས་རིགས་སོ་སོས་མིག་ལམ་ནས་སོ་སོ་ཤིན་ཏུ་ཆུང་ཞིང་། ཕན་ཚུན་ལ་མཐོང་ཆུང་དང་དམའ་འབེབས་བྱེད་པ་ཡང་ད་ལྟའི་ཆར་མཐོང་ཆོས་མྱོང་འགྱུར་ཡིན། གང་ལྟར། ལས་རིགས་སོ་སོ་ལ་སོ་སོའི་ཁྱད་ཆོས་དང་རིན་ཐང་། ཐོབ་ཤོར་སོགས་ཡོད་ན། འུ་ཚོས་རྒྱལ་ཁབ་གཞན་དང་མི་རིགས་གཞན་ཀྱི་80རྗེས་ཀྱི་གསར་བུ་དག་ལ་མིག་ཟུང་མི་གཡོར་དོན་ཅི།
བོད་ཀྱི་80རྗེས་ཀྱི་གསར་བུ་ཚོས་སྤྱི་ཚོགས་ཤེས་སམ།
བོད་ཀྱི་80རྗེས་ཀྱི་གསར་བུ་ཚོ་སློབ་རྭའི་ཕྱི་རོལ་དུ་དཔུང་འཇུག་ཅི་ལྟར་བྱེད་ཀྱིན་ཡོད་དམ།
བོད་ཀྱི་80རྗེས་དང་70རྗེས་ཀྱི་སྙུག་ཐོགས་པའི་སྡེའི་ཆེས་ཆེ་བའི་ཁྱད་པར་དེ་ཅི་ཞིག་ཡིན་ནམ།
གང་ལྟར་80རྗེས་ཀྱི་འུ་ཚོས་ལུང་ཚིག་རེ་གཉིས་ལ་བསྟེན་ཏེ་གཞུང་ལུགས་ཤེས་མདོག་གི་ས་རྒྱ་མི་ཆོད་པས། སྐབས་སུ་མིག་གིས་རིག་ཅིང་རྣ་བས་གོ་བའི་སྤྱི་ཚོགས་ཀྱི་གནད་དོན་གླེང་ན། ཁྱེད་རང་དགོད་དོན་ཅི་ཡོད། ཡང་ན་ངུ་འདོད་ཡང་ཅི།
འུ་ཚོས་ཅི་ཞིག་འབྲི་ཐུབ། འུ་ཚོས་ཏག་ཏག་ཅི་ཞིག་འབྲི་ཐུབ་ཨང་།
ཁ་དཔེར། ཆོས་ཆེན་པོ་ཨ་ཁུས་མི་ཤེས། ཆོས་ཆུང་ཆུང་ཨ་ཁུས་མི་འདོད་ཟེར་བ་བཞིན། ཐོག་མ་ཉིད་ནས་ཆུང་ཆུང་ཞིག་མིག་ནང་དུ་མི་འཇོག་ཅིང་ཆེན་པོ་ཞིག་ཕྲག་པ་ཡིས་མ་ཐེག་པས། འུ་ཅག་གི་རིག་གནས་ཀྱི་སྣང་ཚུལ་ཡང་རབ་རིབ་དང་མག་མོག་ཏུ་གྱུར་ཡོད་པ་མ་རེད་དམ།
བདེན་ཏེ། འུ་ཅག་ལ་ཕུགས་བསམ་ཡོད་པ་ནི་ཤིན་ཏུ་བཟང་མོད། བཟོ་ལྟ་ཙམ་གྱིས་སྐད་ཆ་བཤད་དེ་བཟོ་ལྟ་ཙམ་གྱིས་རང་མགོ་གཡོག་པའི་སྣང་ཚུལ་དེ་ཅུང་སྐྱོ་བོ་ཞིག་ཡིན་ཙ་ན། འུ་ཅག་གིས་གཞུང་ལུགས་དང་གཞུང་ལུགས་ཅེས་ཆེན་པོ་ཞིག་མ་གླེང་བའི་ཡར་སྔོན་དུ། ཁ་ནས་དཔེ་ཆ་དཔེ་ཆ་ཞེས་གླེང་བའི་80རྗེས་ཀྱི་གསར་བུ་ཚོ་ལ་འདྲི་བ་འདི་དག་བཏོན་ན་ཨེ་ཉན་ནམ།
ནུབ་ཕྱོགས་མཚན་ཉིད་རིག་པའི་གཞུང་ལུགས་ལ་གསལ་ཆ་མེ་ལོང་འདྲ་ཞིག་ཡོད་དམ།
ཤར་ཕྱོགས་ཆོས་ལུགས་རིག་གནས་ཀྱི་དེ་ཉིད་ལག་མཐིལ་ལ་བླངས་འདྲ་ཡིན་ནམ།
ཡང་ན་བོད་ཀྱི་ལོ་རྒྱུས་གཙང་མ་ཞིག་འཆད་ཐུབ་བམ།
ཏུང་ཧོང་ཡིག་རྙིང་སྐོར་ལ་ཞིབ་འཇུག་གི་འགྲེལ་ཐན་ཐུན་རེ་ཡང་ཨེ་འགྲོ་འམ།
དམངས་གཙོ་རང་དབང་སོགས་ཡོངས་ཁྱབ་རིན་ཐང་གི་སྐོར་ནས་དོ་ཁུར་རྣལ་མ་ཞིག་བྱས་མྱོང་ངམ།
ལག་ན་ལེགས་བཤད་གསེར་ཕྲེང་གི་དང་ལམ་རིམ་ཆེན་མོ་སོགས་དུམ་རྒན་བཟུང་བའི་ཚུགས་ཀ་སྟོབས་པོ་ཡིན་ཀྱང་། དོན་དུ་ས་དོན་གྲུབ་གསུམ་གྱི་སྤྱི་ཁོག་ཨེན་ཙམ་རེ་ཡང་ཀླད་པའི་ནང་དུ་ཤོང་ཡོད་མེད་སུས་ཤེས།
ས་པཎ་གྱིས། རྟ་ཕོ་བཟང་མིན་རྒྱུགས་ན་ཤེས།། མཁས་པ་ཡིན་མིན་རྩོམ་ན་ཤེས་ཟེར། ང་རང་སྐད་ཆ་འདི་ལ་ཤིན་ཏུ་ནས་འཐད་དེ། བྱ་ཕོ་གྲགས་རྒྱུ་མང་ཞིང་སྒོ་ང་གཏོང་རྒྱུ་མེད་པའི་མཁས་པ་དེའི་རིགས་ནི། གནའ་བོའི་སྐད་ཆ་ཞིག་གིས་བཤད་ན་དཔའ་བོ་ལག་རྡུམ་ཟེར་བ་དེ་ཨེ་ཡིན་ནམ།
དེའི་ཕྱིར་ཡི་གེའི་ལས་ཀ་གཉེར་མཁན་ཚོས་ད་ལྟ་ཆེན་པོ་ཞིག་འཆད་མི་ཐུབ་ན། འཚོ་བ་དང་ཁོར་ཡུག་སྤྱི་ཚོགས་ཀྱི་སྣང་ཚུལ་སོགས་སྣེ་ཆུང་ངུ་ནས་གླེང་ཚེ་་ཁོང་དགོད་འཆོར་དོན་ག་རེ། རྒྱུན་ལྡན་གྱི་འཚོ་བའི་སྣང་ཚུལ་ལ་སྣང་ཆུང་བྱེད་པ་དེ་ཆེན་པོ་མི་འཁྱོངས་པའི་ན་གཞོན་འུ་ཅག་མ་ཡིན་ནམ།
གཞན་ཚོང་ལས་ལ་འཇུག་མཁན་སྐོར་ཞིག་གིས། སྙན་ངག་པ་དང་དཔེ་ཆ་བ་ཚོ་ཐ་ན་ཚོགས་ར་གྲལ་དག་ཅིག་ནས་ཟ་མ་ཡང་ཟ་མི་ཤེས་པའི་མི་གླེན་པའི་གྲས་སུ་འཇོག ཡི་གེའི་ལས་ཀ་གཉེར་མཁན་ཁག་ཅིག་གིས། ཚོང་ལས་པའི་རིགས་ནི་སྒོར་མོའི་ཆེད་དུ་རང་ཚུགས་བོར་བའི་སྤྲེལ་ལད་མཁན་ཏུ་བལྟ།
འདི་ལྟར་ལས་རིགས་སོ་སོས་མིག་ལམ་ནས་སོ་སོ་ཤིན་ཏུ་ཆུང་ཞིང་། ཕན་ཚུན་ལ་མཐོང་ཆུང་དང་དམའ་འབེབས་བྱེད་པ་ཡང་ད་ལྟའི་ཆར་མཐོང་ཆོས་མྱོང་འགྱུར་ཡིན། གང་ལྟར། ལས་རིགས་སོ་སོ་ལ་སོ་སོའི་ཁྱད་ཆོས་དང་རིན་ཐང་། ཐོབ་ཤོར་སོགས་ཡོད་ན། འུ་ཚོས་རྒྱལ་ཁབ་གཞན་དང་མི་རིགས་གཞན་ཀྱི་80རྗེས་ཀྱི་གསར་བུ་དག་ལ་མིག་ཟུང་མི་གཡོར་དོན་ཅི།
བོད་ཀྱི་80རྗེས་ཀྱི་གསར་བུ་ཚོས་སྤྱི་ཚོགས་ཤེས་སམ།
བོད་ཀྱི་80རྗེས་ཀྱི་གསར་བུ་ཚོ་སློབ་རྭའི་ཕྱི་རོལ་དུ་དཔུང་འཇུག་ཅི་ལྟར་བྱེད་ཀྱིན་ཡོད་དམ།
བོད་ཀྱི་80རྗེས་དང་70རྗེས་ཀྱི་སྙུག་ཐོགས་པའི་སྡེའི་ཆེས་ཆེ་བའི་ཁྱད་པར་དེ་ཅི་ཞིག་ཡིན་ནམ།
གང་ལྟར་80རྗེས་ཀྱི་འུ་ཚོས་ལུང་ཚིག་རེ་གཉིས་ལ་བསྟེན་ཏེ་གཞུང་ལུགས་ཤེས་མདོག་གི་ས་རྒྱ་མི་ཆོད་པས། སྐབས་སུ་མིག་གིས་རིག་ཅིང་རྣ་བས་གོ་བའི་སྤྱི་ཚོགས་ཀྱི་གནད་དོན་གླེང་ན། ཁྱེད་རང་དགོད་དོན་ཅི་ཡོད། ཡང་ན་ངུ་འདོད་ཡང་ཅི།
འུ་ཚོས་ཅི་ཞིག་འབྲི་ཐུབ། འུ་ཚོས་ཏག་ཏག་ཅི་ཞིག་འབྲི་ཐུབ་ཨང་།
སློབ་གསོའི་སྐོར་གྱི་གཏམ་གླེང་ཐོར་བུ།
ཆན་ལི་ཆུན།
རྣོ་སྦྲེང་གིས་བསྒྱུར།
པེ་ཅིན་སློབ་ཆེན་གྱི་སྙན་གྲགས་རྒྱས་པའི་སློབ་དཔོན་ཆེན་མོ་ཆན་ལི་ཆུན་ལགས་ནི་དེང་རབས་རྩོམ་རིག་དང་ལུའུ་ཞུན་ཞིབ་འཇུག་གི་ཕྱོགས་ནས་ཡོན་ཚད་མཐོན་པོ་ཡོད་པའི་ཁར་སློབ་གསོའི་ལས་དོན་ལ་ཡང་འཇུག་གིན་ཡོད་ལ།
ནང་སྒོས་སུ་ཞིང་ལས་སློབ་གསོ་དང་། སློབ་གྲྭ་ཆུང་འབྲིང་གི་སློབ་གསོའི་ཐད་ལ་ཐུགས་མཉམ་ཟབ་མོ་གནང་མཁན་ཞིག་ཡིན།
ལས་འཁྱུར་ངལ་གསོ་གནང་རྗེས།
ཁོང་གིས་དཀའ་ངལ་གང་མང་ཁྱད་དུ་བསད་དེ་རྨང་གཞིའི་སློབ་གསོའི་ཕྱོགས་ལ་བརྟག་དཔྱད་ཞིབ་འཇུག་དང་གཏམ་བཤད་སློབ་ཁྲིད་ཀྱི་ལས་ཀ་སྣ་ཚོགས་བྱ་བཞིན་ཡོད།
《ངའི་དགེ་རྒན་གྱི་རྨི་ལམ》ནི་སྐུ་ཞབས་ཆན་ལགས་ཀྱིས་སློབ་གསོའི་གནད་དོན་སྐོར་གྱི་གཏམ་བཤད་ཕྱོགས་བསྒྲིགས་རེད།
དཔེ་དེབ་དེ་ལས་སྐུ་ཞབས་ཆན་ལགས་ཀྱིས་སློབ་གསོར་བཅངས་པའི་ལྷག་བསམ་ང་ཚོས་མཐོང་ཐུབ།
གཅིག སློབ་གྲྭ་ཆུང་འབྲིང་གི་སློབ་གསོ།
སློབ་གྲྭ་ཆུང་འབྲིང་ནི་ཅི་ཞིག་རེད། ཡང་ན་སློབ་འབྲིང་གི་ཕན་ནུས་ནི་ཅི་ཞིག་རེད། སློབ་གྲྭ་ཆུང་འབྲིང་དང་སློབ་ཆེན་གྱི་ཁྱད་པར་ཡང་གང་ན་ཡོད། འདི་ནི་སྐུ་ཞབས་ཆན་ལགས་ཀྱི་དཔེ་དེབ་དེའི་ནང་གི་འདྲི་གཞི་གཅིག་རེད། གཤམ་དུ་ཁོང་གིས་གནད་དོན་འགའ་བརྒྱུད་ནས་དེའི་གལ་ཆེན་རང་བཞིན་བརྗོད་ཡོད་དེ།
དང་པོ། འཚར་ལོངས་ཀྱི་མཛེས་པ་དང་འཚར་ལོངས་ཀྱི་ཐོབ་ཐང་སྲུང་བ།
འཚར་ལོངས་ཞེས་པར་འཚར་ལོངས་ཀྱི་མཛེས་པ། འཚར་ལོངས་ཀྱི་སྣང་བ། འཚར་ལོངས་ཀྱི་ཐོབ་ཐང་སོགས་ཀྱི་དོན་འདུས། དེ་ཡང་ནར་སོན་པའི་གོ་རིམ་ནི་མ་གཞི་ནས་འཚར་ལོངས་ཀྱི་མཛེས་པ་དང་འཚར་ལོངས་ཀྱི་སྣང་བའི་འགྱུ་བ་ཞིག་རེད་ལ། འགྱུ་བ་དེ་ནི་གཞན་གྱི་མིག་ལམ་དུ་མེ་ཏོག་བཞད་པ་ལྟར་ཡི་གར་འོང་བ་ཞིག་ཡིན་ཀྱང་། ནར་སོན་གྱིན་པའི་རང་ཉིད་ལ་མཚོན་ན་འབུ་སྲིན་ཕྱེ་ལེབ་ཏུ་འགྱུར་བ་ལྟ་བུ་ཞིག་དང་བྱེའུ་ཕྲུག་གིས་སྒོང་ཤུན་རྟོལ་བ་ལྟ་བུའི་སྡུག་བསྔལ་དང་འཕག་འཚག་གི་གོ་རིམ་ཞིག་རེད། གོ་རིམ་དེའི་ཁྲོད་དུ་བྱིས་པ་ཚོར་ལྷན་སྐྱེས་ཀྱི་ཐོབ་ཐང་ཞིག་ཡོད་པ་ནི། མཚར་སྣང་དང་འཚོལ་དཔྱོད། གསར་རྙེད་ཀྱི་ཐོབ་ཐང་དང་རང་དབང་དུ་ནར་སོན་པའི་ཐོབ་ཐང་། སྤྲོ་དགའི་ངང་འཚོ་བ་སྐྱེལ་བའི་ཐོབ་ཐང་བཅས་ཡོད་པ་དེ་རེད། འོན་ཀྱང་ང་ཚོ་དར་མ་རྣམས་དང་ལྷག་པར་དུ་སློབ་གསོའི་ལས་ཀ་གཉེར་མཁན་གྱིས་ཀྱང་ཁོ་ཚོའི་ཐོབ་ཐང་དེ་དག་སྣང་མེད་དུ་བསྐྱུར་ཡོད་པ་རེད།
གཉིས་པ། ལང་ཚོའི་གཟི་ཉམས་སྐྱེད་སྲིང་།
ཧྥ་རན་སིའི་རྩོམ་པ་པོ་ཞི་ཧའེ་ཏི་ཡིས་ན་གཞོན་གྱི་དུས་སྐབས་སུ་མི་མང་པོ་ཞིག་ལ་སེང་གེ་ལྟ་བུའི་དཔའ་སེམས་ཡོད་ཀྱང་། བསམ་ཤེས་ཆགས་རྗེས་ཚང་མས་བྱི་བ་ལྟར་འཚོ་བ་སྐྱེལ་བཞིན་ཡོད། ན་གཞོན་གྱི་དུས་སུ་ངོ་རྒོལ་གྱི་སེམས་ཁམས་དང་ཚོར་ཤེས་སྐྱེན་པ་མིའི་གཤིས་སུ་གྲུབ་ཡོད་ཀྱང་། ནར་སོན་རྗེས་ལྡོག་སྟེ་གཉའ་ཆག་གཤིས་དུལ་དུ་འགྱུར་བ་རེད། དེའི་རྐྱེན་གྱིས་ན་གཞོན་དང་ལང་ཚོ་ལ་གོང་བཀུར་བྱེད་དགོས་པའི་ལྟ་ཚུལ་འདོན་དགོས་ཤིང་། ལང་ཚོ་དེ་ཉིད་ལ་རིན་ཐང་རིགས་ཤིག་ལྡན་པ་ཁས་ལེན་བྱེད་དགོས། དེར་མ་ཟད། རིན་ཐང་དེ་ནི་རྟག་བརྟན་གྱི་རིན་ཐང་ཞིག་ཡིན་པ་ཡང་ཤེས་དགོས།
ལང་ཚོའི་གཟི་ཉམས་ནི་ཅི་ཞིག་རེད། དེ་ནི་བདེན་དགེ་མཛེས་གསུམ་གྱི་འཚོལ་སྙེག་ཅིག་རེད། དེ་ནི་ལས་དོན་ཡོད་ཚད་ལ་དགའ་ཞེན་མཆིས་ཤིང་རང་བྱུང་འཇིག་རྟེན་ལ་སེམས་ཁུར་མངའ་བ། གསང་བ་ཡོད་ཚད་ལ་མཚར་སྣང་འཛིན་པའི་སྐྱེས་སྟོབས་ཀྱི་དཔལ་རྫོགས་པ་ཞིག་ཡིན་མཆི། དེ་ལ་ཞུམ་པ་མེད་པའི་སྙིང་སྟོབས་དང་ཉམས་པ་མེད་པའི་བློ་གྲོས་ལྡན་དགོས་ལ། ནམ་ཡང་དངོས་ཡོད་ལ་ཚིམ་མདོག་གིས་མགོ་མི་སྒུར་བར་དགག་སྒྲུབ་དང་གསར་གཏོད་ཀྱི་བློ་མིག་གིས་བལྟ་བའི་སྙིང་སྟོབས་དགོས། གོ་སླ་མོའི་སྒོ་ནས་བཤད་ན། སྒེར་ཚུགས། རང་དབང་། དགག་སྒྲུབ། གསར་གཏོད། འདི་དག་ནི་ལང་ཚོའི་གཟི་ཉམས་དང་ཁྱད་ཆོས་ཡིན། དེ་ལྟ་ན། དགེ་རྒན་གྱི་འགན་ནུས་ནི་གཅིག་ཏུ་བྱིས་པའི་དྭངས་གཤིས་ལ་སྲུང་འགེབས་བྱེད་པ་དང་། གཉིས་སུ་ལང་ཚོའི་གཟི་ཉམས་སྐྱེད་སྲིང་བྱེད་རྒྱུ་དེ་རེད།
གསུམ་པ། རིག་གནས་ཀྱི་འཇུག་སྒོར་འཁྲིད་པ།
མི་ཡི་འཚོ་བ་ལ་རིགས་གཉིས་ཡོད་དེ། ཐུན་མོང་གི་འཚོ་བ་དང་ཐུན་མིན་གྱི་འཚོ་བའོ།། ཐུན་མོང་གི་འཚོ་བ་ནི་རྒྱུན་ལྡན་གྱི་འཚོ་བ་སྟེ་རྒྱུན་ལྡན་གྱི་འགྲོ་འདུག་ཉལ་འཆག་གི་གོ་རིམ་ཞིག་དང་། ཐུན་མིན་གྱི་འཚོ་བ་ནི་དེ་དག་ལས་བརྒལ་བའི་ནང་བསམ་པའི་འཚོ་བ་རེད། ཕུན་སུམ་ཚོགས་པའི་ཐུན་མིན་འཚོ་བ་ཞིག་སྐྲུན་པར་བྱེད་པའི་ཐབས་ལམ་གཙོ་བོ་ནི་སློབ་མར་དཔེ་ཆ་ཀློག་ཏུ་འཇུག་རྒྱུ་དེའོ།། དགེ་རྒན་གྱི་འགན་འཁྲི་ནི། སློབ་མ་ཚོའི་ལག་པར་འཇུས་ནས་རླབས་ཆེན་གྱི་མི་བོ་ཆེ་དག་གི་ཉེ་སར་འཁྲིད་དེ། ཁོ་ཚོར་ལོ་རྒྱུས་གསར་གཏོད་བྱེད་མཁན་གྱི་མི་དང་མ་འོངས་གསར་སྐྲུན་བྱེད་མཁན་གྱི་མི་དང་གླེང་མོལ་བྱེད་དུ་འཇུག་པ་དེ་རེད། གོང་དུ་གླེང་བའི་མདོ་རྩ་ནི། མིའི་རིགས་ཀྱི་བསམ་པའི་འཇིག་རྟེན་ཞིག་བསྐྲུན་རྒྱུ་ནི་གལ་ཆེ་ལ། སློབ་འབྲིང་དགེ་རྒན་ནི་ཏག་ཏག་བསམ་པའི་འཇིག་རྟེན་དེའི་བཟོ་སྐྲུན་མཁན་ཡིན་པར་མ་ཟད་དེའི་མཚོན་བྱེད་ཀྱང་ཡིན་པ་དེའོ།།
གཅིག སློབ་གྲྭ་ཆུང་འབྲིང་གི་སློབ་གསོ།
སློབ་གྲྭ་ཆུང་འབྲིང་ནི་ཅི་ཞིག་རེད། ཡང་ན་སློབ་འབྲིང་གི་ཕན་ནུས་ནི་ཅི་ཞིག་རེད། སློབ་གྲྭ་ཆུང་འབྲིང་དང་སློབ་ཆེན་གྱི་ཁྱད་པར་ཡང་གང་ན་ཡོད། འདི་ནི་སྐུ་ཞབས་ཆན་ལགས་ཀྱི་དཔེ་དེབ་དེའི་ནང་གི་འདྲི་གཞི་གཅིག་རེད། གཤམ་དུ་ཁོང་གིས་གནད་དོན་འགའ་བརྒྱུད་ནས་དེའི་གལ་ཆེན་རང་བཞིན་བརྗོད་ཡོད་དེ།
དང་པོ། འཚར་ལོངས་ཀྱི་མཛེས་པ་དང་འཚར་ལོངས་ཀྱི་ཐོབ་ཐང་སྲུང་བ།
འཚར་ལོངས་ཞེས་པར་འཚར་ལོངས་ཀྱི་མཛེས་པ། འཚར་ལོངས་ཀྱི་སྣང་བ། འཚར་ལོངས་ཀྱི་ཐོབ་ཐང་སོགས་ཀྱི་དོན་འདུས། དེ་ཡང་ནར་སོན་པའི་གོ་རིམ་ནི་མ་གཞི་ནས་འཚར་ལོངས་ཀྱི་མཛེས་པ་དང་འཚར་ལོངས་ཀྱི་སྣང་བའི་འགྱུ་བ་ཞིག་རེད་ལ། འགྱུ་བ་དེ་ནི་གཞན་གྱི་མིག་ལམ་དུ་མེ་ཏོག་བཞད་པ་ལྟར་ཡི་གར་འོང་བ་ཞིག་ཡིན་ཀྱང་། ནར་སོན་གྱིན་པའི་རང་ཉིད་ལ་མཚོན་ན་འབུ་སྲིན་ཕྱེ་ལེབ་ཏུ་འགྱུར་བ་ལྟ་བུ་ཞིག་དང་བྱེའུ་ཕྲུག་གིས་སྒོང་ཤུན་རྟོལ་བ་ལྟ་བུའི་སྡུག་བསྔལ་དང་འཕག་འཚག་གི་གོ་རིམ་ཞིག་རེད། གོ་རིམ་དེའི་ཁྲོད་དུ་བྱིས་པ་ཚོར་ལྷན་སྐྱེས་ཀྱི་ཐོབ་ཐང་ཞིག་ཡོད་པ་ནི། མཚར་སྣང་དང་འཚོལ་དཔྱོད། གསར་རྙེད་ཀྱི་ཐོབ་ཐང་དང་རང་དབང་དུ་ནར་སོན་པའི་ཐོབ་ཐང་། སྤྲོ་དགའི་ངང་འཚོ་བ་སྐྱེལ་བའི་ཐོབ་ཐང་བཅས་ཡོད་པ་དེ་རེད། འོན་ཀྱང་ང་ཚོ་དར་མ་རྣམས་དང་ལྷག་པར་དུ་སློབ་གསོའི་ལས་ཀ་གཉེར་མཁན་གྱིས་ཀྱང་ཁོ་ཚོའི་ཐོབ་ཐང་དེ་དག་སྣང་མེད་དུ་བསྐྱུར་ཡོད་པ་རེད།
གཉིས་པ། ལང་ཚོའི་གཟི་ཉམས་སྐྱེད་སྲིང་།
ཧྥ་རན་སིའི་རྩོམ་པ་པོ་ཞི་ཧའེ་ཏི་ཡིས་ན་གཞོན་གྱི་དུས་སྐབས་སུ་མི་མང་པོ་ཞིག་ལ་སེང་གེ་ལྟ་བུའི་དཔའ་སེམས་ཡོད་ཀྱང་། བསམ་ཤེས་ཆགས་རྗེས་ཚང་མས་བྱི་བ་ལྟར་འཚོ་བ་སྐྱེལ་བཞིན་ཡོད། ན་གཞོན་གྱི་དུས་སུ་ངོ་རྒོལ་གྱི་སེམས་ཁམས་དང་ཚོར་ཤེས་སྐྱེན་པ་མིའི་གཤིས་སུ་གྲུབ་ཡོད་ཀྱང་། ནར་སོན་རྗེས་ལྡོག་སྟེ་གཉའ་ཆག་གཤིས་དུལ་དུ་འགྱུར་བ་རེད། དེའི་རྐྱེན་གྱིས་ན་གཞོན་དང་ལང་ཚོ་ལ་གོང་བཀུར་བྱེད་དགོས་པའི་ལྟ་ཚུལ་འདོན་དགོས་ཤིང་། ལང་ཚོ་དེ་ཉིད་ལ་རིན་ཐང་རིགས་ཤིག་ལྡན་པ་ཁས་ལེན་བྱེད་དགོས། དེར་མ་ཟད། རིན་ཐང་དེ་ནི་རྟག་བརྟན་གྱི་རིན་ཐང་ཞིག་ཡིན་པ་ཡང་ཤེས་དགོས།
ལང་ཚོའི་གཟི་ཉམས་ནི་ཅི་ཞིག་རེད། དེ་ནི་བདེན་དགེ་མཛེས་གསུམ་གྱི་འཚོལ་སྙེག་ཅིག་རེད། དེ་ནི་ལས་དོན་ཡོད་ཚད་ལ་དགའ་ཞེན་མཆིས་ཤིང་རང་བྱུང་འཇིག་རྟེན་ལ་སེམས་ཁུར་མངའ་བ། གསང་བ་ཡོད་ཚད་ལ་མཚར་སྣང་འཛིན་པའི་སྐྱེས་སྟོབས་ཀྱི་དཔལ་རྫོགས་པ་ཞིག་ཡིན་མཆི། དེ་ལ་ཞུམ་པ་མེད་པའི་སྙིང་སྟོབས་དང་ཉམས་པ་མེད་པའི་བློ་གྲོས་ལྡན་དགོས་ལ། ནམ་ཡང་དངོས་ཡོད་ལ་ཚིམ་མདོག་གིས་མགོ་མི་སྒུར་བར་དགག་སྒྲུབ་དང་གསར་གཏོད་ཀྱི་བློ་མིག་གིས་བལྟ་བའི་སྙིང་སྟོབས་དགོས། གོ་སླ་མོའི་སྒོ་ནས་བཤད་ན། སྒེར་ཚུགས། རང་དབང་། དགག་སྒྲུབ། གསར་གཏོད། འདི་དག་ནི་ལང་ཚོའི་གཟི་ཉམས་དང་ཁྱད་ཆོས་ཡིན། དེ་ལྟ་ན། དགེ་རྒན་གྱི་འགན་ནུས་ནི་གཅིག་ཏུ་བྱིས་པའི་དྭངས་གཤིས་ལ་སྲུང་འགེབས་བྱེད་པ་དང་། གཉིས་སུ་ལང་ཚོའི་གཟི་ཉམས་སྐྱེད་སྲིང་བྱེད་རྒྱུ་དེ་རེད།
གསུམ་པ། རིག་གནས་ཀྱི་འཇུག་སྒོར་འཁྲིད་པ།
མི་ཡི་འཚོ་བ་ལ་རིགས་གཉིས་ཡོད་དེ། ཐུན་མོང་གི་འཚོ་བ་དང་ཐུན་མིན་གྱི་འཚོ་བའོ།། ཐུན་མོང་གི་འཚོ་བ་ནི་རྒྱུན་ལྡན་གྱི་འཚོ་བ་སྟེ་རྒྱུན་ལྡན་གྱི་འགྲོ་འདུག་ཉལ་འཆག་གི་གོ་རིམ་ཞིག་དང་། ཐུན་མིན་གྱི་འཚོ་བ་ནི་དེ་དག་ལས་བརྒལ་བའི་ནང་བསམ་པའི་འཚོ་བ་རེད། ཕུན་སུམ་ཚོགས་པའི་ཐུན་མིན་འཚོ་བ་ཞིག་སྐྲུན་པར་བྱེད་པའི་ཐབས་ལམ་གཙོ་བོ་ནི་སློབ་མར་དཔེ་ཆ་ཀློག་ཏུ་འཇུག་རྒྱུ་དེའོ།། དགེ་རྒན་གྱི་འགན་འཁྲི་ནི། སློབ་མ་ཚོའི་ལག་པར་འཇུས་ནས་རླབས་ཆེན་གྱི་མི་བོ་ཆེ་དག་གི་ཉེ་སར་འཁྲིད་དེ། ཁོ་ཚོར་ལོ་རྒྱུས་གསར་གཏོད་བྱེད་མཁན་གྱི་མི་དང་མ་འོངས་གསར་སྐྲུན་བྱེད་མཁན་གྱི་མི་དང་གླེང་མོལ་བྱེད་དུ་འཇུག་པ་དེ་རེད། གོང་དུ་གླེང་བའི་མདོ་རྩ་ནི། མིའི་རིགས་ཀྱི་བསམ་པའི་འཇིག་རྟེན་ཞིག་བསྐྲུན་རྒྱུ་ནི་གལ་ཆེ་ལ། སློབ་འབྲིང་དགེ་རྒན་ནི་ཏག་ཏག་བསམ་པའི་འཇིག་རྟེན་དེའི་བཟོ་སྐྲུན་མཁན་ཡིན་པར་མ་ཟད་དེའི་མཚོན་བྱེད་ཀྱང་ཡིན་པ་དེའོ།།
གཉིས། ཞིང་གྲོང་གི་སློབ་གསོ།
ང་ཚོའི་ཞིང་གྲོང་སློབ་གསོ་ཡང“གྲོང་ཁྱེར་དཀྱིལ་སྙིང་ཡིན”པའི་རྗེས་སུ་སྙེག་གིན་འདུག “རིམ་འཕར་སློབ་གསོ”ནི་ད་ལྟའི་སློབ་གསོའི་དཔེ་མཚོན་དུ་གྱུར་ཡོད་ཅིང་། དེའི་དམིགས་འབེན་ཉག་གཅིག་ནི་སློབ་རིམ་འཕར་བ་དེ་ཡིན་པས་འཚོ་བ་ལ་བར་ཐག་རིང་བ་དང་ན་ཆུང་དག་གཉོམ་ལག་རྒྱས་པ་ལ་ཡང་ཁ་ཐག་གྱེས་ཡོད་པས། དེ་ནི་ཞིང་གྲོང་གི་འཚོ་བར་འབྲེལ་བ་ཅི་ཡང་མེད་པར་མ་ཟད་ཀྲུང་གོའི་ཞིང་གྲོང་གི་དངོས་ཡོད་དང་ཡང་འབྲེལ་ཐག་ཆད་འདུག ཐ་ན་ཚད་ངེས་ཅན་ཞིག་གི་སྟེང་ནས་ཀྲུང་གོའི་གནས་ཚུལ་སྤྱི་དང་ཡང་བར་གྱིས་ཆོད་འདུག ཡང་གཅིག་བཤད་ན་དེ་ནི་ཞིང་སྡེའི་བཅོས་སྒྱུར་དང་འཛུགས་སྐྲུན་ལ་བསམ་བློ་མ་བཏང་བའི་མཇུག་འབྲས་རེད། གྲོང་ཁྱེར་ཅན་ལ་ཕྱོགས་པའི་སློབ་གསོ་དེས་ནི་ཏག་ཏག་ཞིང་སྡེའི་སློབ་གསོ་ཕྱོགས་ཡོངས་ནས་དཀའ་ཁག་ལ་གཏད་ཡོད། ཞིང་གྲོང་སློབ་གསོ་ལ་འགན་ཁུར་སྣ་སྒོ་གསུམ་དང་ཡང་ན་གསོ་སྐྱོང་གི་དམིགས་ཡུལ་སྣ་གསུམ་ཡོད་འོས། དང་པོ། མཐོ་རིམ་སློབ་གྲྭར་འཇོན་མི་སྐྱེལ་རྒྱུ། དེ་ནི་མཐོ་རིམ་སློབ་གསོ་འཕེལ་རྒྱས་ཀྱི་དགོས་མཁོ་ཡིན་ལ། ཞིང་གྲོང་གི་ན་ཆུང་རྣམས་ཀྱི་ཐོབ་ཐང་ཡང་ཡིན། གཉིས་པ། གྲོང་ཁྱེར་འཛུགས་སྐྲུན་ལ་འཇོན་མི་སྐྱེལ་རྒྱུ། དེང་ཕྱིན་གྱི་དུས་སྐབས་ངེས་ཅན་ཞིག་གི་ནང་དུ། གྲོང་ཁྱེར་འཛུགས་སྐྲུན་ལ་ཞིང་གྲོང་གི་ངལ་རྩོལ་པ་མཁོ་ལ། ཞིང་གྲོང་གི་རྣམ་པ་ཡང་གྲོང་རྡལ་ཅན་དང་གྲོང་ཁྱེར་ཅན་ལ་ཁ་ཕྱོགས་དགོས་པས། རིག་གནས་ཡོད་པའི་གྲོང་ཁྱེར་གྱི་ངལ་རྩོལ་པ་སྐྱེད་སྲིང་བྱ་རྒྱུ་ནི་ཞིང་གྲོང་སློབ་གསོ་ཡི་ཟློག་ཏུ་མེད་པའི་འོས་འགན་གལ་ཆེན་ཞིག་ཏུ་གྱུར་ཡོད། གསུམ་པ། སྤྱི་ཚོགས་རིང་ལུགས་ཀྱི་ཞིང་སྡེ་གསར་པ་འཛུགས་སྐྲུན་ལ་དམིགས་རྒྱུ། ཞིང་སྡེའི་སློབ་གསོས་ཞིང་སྡེའི་འཛུགས་སྐྲུན་དང་བཅོས་སྒྱུར་ལ་མཁོ་བའི་འཇོན་མི་སྐྱེད་སྲིང་བྱ་རྒྱུའི་འགན་དང་དུ་ལེན་དགོས་པར་མ་ཟད། དུས་ཡུན་ངེས་ཅན་ཞིག་གི་རིང་དུ། ཞིང་སྡེའི་འཛུགས་སྐྲུན་ལ་མཁོ་བའི་འཇོན་མི་སྐྱེད་སྲིང་བྱེད་རྒྱུ་དེ་ད་དུང་རང་ས་རང་ཡུལ་གྱི་སློབ་གྲྭའི་གསོ་སྐྱོང་ལ་བརྟེན་དགོས། གོང་གི་ཞིང་སྡེའི་སློབ་གསོའི་དམིགས་འབེན་དེ་གསུམ་གར་གཞིགས་ཏེ། ཞིང་སྡེའི་སློབ་གསོའི་སྒྲིག་གཞི་གསར་པ་ངེས་པར་དུ་འཛུགས་དགོས། དེ་ཡང་སློབ་འབྲིང་གི་རྗེས་ནས་སློབ་གསོ་སྣ་སྒོ་གཉིས་མཉམ་གཅིག་ཏུ་སྤེལ་དགོས་ཏེ། གཅིག་ནི་ལས་རིགས་སློབ་གསོ་ཡིན་ཅིང་། དེས་གྲོང་ཁྱེར་འཛུགས་སྐྲུན་དང་ཞིང་སྡེ་འཛུགས་སྐྲུན་ལ་མཁོ་བའི་ལག་རྩལ་ཤེས་ལྡན་པ་གསོ་སྐྱོང་བྱ་བའམ་ཁོ་ཚོར་རྨང་གཞིའི་ལག་རྩལ་གྱི་འོས་སྦྱོང་སྤྲོད་དགོས། ཅིག་ཤོས་ནི་མཐོ་འབྲིང་སློབ་གསོ་ཡིན་ཅིང་། དེས་མཐོ་རིམ་སློབ་གྲྭར་འཇོན་མི་སྐྱེལ་དགོས་ལ། དུས་མཚུངས་སུ་ལག་རྩལ་པ་འོས་འཚམ་རེ་ཡང་སྐྱེད་སྲིང་བྱེད་དགོས།
གཞན་ཡང་ཞིང་སྡེ་ལ་མཚོན་ན་མ་གཞི་ནས་རང་བྱུང་བབ་ཆགས་ཀྱི་འཚོ་བ་ཞིག་དང་དྭངས་གཙང་ལྷད་མེད་ཀྱི་ཁོར་ཡུག་ཅིག་བདོག་པས། བྱིས་པ་དག་ནར་སོན་པའི་གོ་རིམ་ཁྲོད་དུ་དེ་ལྟ་བུའི་ཁོར་ཡུག་ཅིག་དང་འཚོ་བ་ཞིག་གི་ནང་རིམ་དུ་སིམ་པའི་རིག་གནས་ཤིག་གི་ཤན་ཤུགས་ཀྱང་མི་ཐེབས་ཅི་ལ་སྲིད། ཡང་གཅིག་བཤད་ན་མི་དང་རང་བྱུང་གི་འབྲེལ་ཐག་ཉེ་བའི་འཚོ་གནས་ཀྱི་རྣམ་པ་དེ་ནི་ཏག་ཏག་ཆེས་གཞི་རྩར་གྱུར་པའི་སློབ་གསོའི་གནད་ཀ་ཞིག་ཡིན་ཏེ། ས་གཞིའི་ཕང་བ་ནས་ཨ་སྔོན་གྱི་མཐོངས་དབྱིངས་ཚོར་བའི་ཁོར་ཡུག་དེས་མིའི་སེམས་སུ་མཚར་སྣང་སྐྱེ་བར་ནུས་པ་བླ་ལྷག་ཅིག་ཐོན་སྲིད། དེར་མ་ཟད་མི་དང་མིའི་བར་གྱི་འབྲེལ་བའི་ཕྱོགས་ནས་ཀྱང་དཔེར་ན། ཁྱིམ་མི་ཚང་མ་ལྷན་དུ་སྡོད་པ་དང་ཉེ་དུའི་བར་ལ་འགྲོ་འོང་མང་བ་སོགས་བརྩེ་མདངས་ཀྱིས་ཕྱུག་པའི་ཁོར་ཡུག་ཅིག་མཆིས་ལ། དེས་བྱིས་པའི་བདེ་ཐང་གི་འཚར་སྐྱེ་ལ་ཐེབས་པའི་ཤུགས་རྐྱེན་ནི་ཤ་རུས་ཀྱི་གསེང་ལ་སིམས་པ་ལྟ་བུ་ཞིག་ཡིན། དེ་ཡང་འབྱུང་སྤུས་སློབ་གསོ་ལ་གཙིགས་མཐོང་བྱ་བའི་དེང་སྐབས་སུ། ཞིང་སྡེའི་སློབ་གསོའི་ཁྱད་ཆོས་དང་ལེགས་ཆ་དེ་དག་ལ་རིན་ཐང་གཞལ་དུ་མེད་པ་ཞིག་མཆིས་ལ། གྲོང་ཁྱེར་གྱི་སློབ་གསོ་ལ་ཡང་དཔེ་སྟོན་གྱི་དོན་སྙིང་བླ་ལྷག་ཅིག་ལྡན་ཡང་། ཡིད་སྐྱོ་བ་ཞིག་ལ་ང་ཚོས་རིན་ཐང་དེ་དག་སྔར་ནས་བོར་ཚར་འདུག་པས། ངོ་མ་རྒྱ་མཚོ་གམ་ནས་བསྐྱུར་ཏེ་ཀོ་གྱོང་མཆིལ་མས་སྦང་བའི་དཔེ་ཟླར་སོང་འདུག
གསུམ། དཔེ་ཀློག་ཇི་ལྟར་བྱེད་དགོས།
དཔེ་ཀློག་གི་སྐོར་ནས་ལུའུ་ཞུན་གྱིས“དཔེ་ཆ་ཀློག་པ་ནི་རྒྱལ་འཇོག་པ་དང་འདྲ”ཟེར། དེ་ཡང་སྦག་རྩེར་སྤྲོ་མཁན་ཞིག་ལ་མཚོན་ན་ཉིན་མཚན་བར་མེད་དུ་སྦག་རྩེ་ངེས་ལ། མཚམས་ལན་རེར་སྤྱི་བདེ་མི་སྣས་འཛིན་བཟུང་བྱས་ནའང་གློད་བཀྲོལ་བཏང་རྗེས་མུ་མཐུད་དུ་རྩེ་བ་རེད། རྩེ་མོ་དེའི་ཆེས་ཁྱད་དུ་མཚར་བའི་གནས་ནི་ཏག་ཏག་ལག་སྣེའི་ཤོ་མིག་རེ་རེ་ལ་བསམ་ཡུལ་ལས་འདས་པའི་འགྱུར་ལྡོག་སྣ་ཚོགས་པ་ཞིག་འབྱུང་རྒྱུ་ཡོད་པ་དེ་ཡིན། དཔེ་ཆ་ཀློག་པ་ཡང་དེ་བཞིན་དུ་ཤོག་ངོས་རེ་རེས་ཁྱོད་ལ་ཤེས་རིག་གི་མཛེས་ལྗོངས་ཅི་རིགས་བསྐྲུན་ངེས་པའི་གནད་ཀ་དེ་ནི་གཙོ་བོ་རེད། དོན་གྱིས་སྦག་རྩེ་མཁན་ཞིག་ཡིན་ཕྱིན་རྒྱལ་ཕམ་ལ་དེ་འདྲའི་དོ་སྣང་མི་བྱ་བར་གཙོ་བོ་ནི་སྦག་གི་རྩེ་མོའི་ཁྲོད་ཀྱི་སྤྲོ་སྣང་ཉམས་སུ་མྱོང་རྒྱུ་དེ་རེད། གལ་ཏེ་རྒྱན་ལས་རྒྱལ་བའི་ཆེད་དུ་སྦག་རྩེ་བ་ཡིན་ན་དེ་ནི་རྒྱན་པོའི་ཁྲོད་ཀྱི་ཐ་ཤལ་ལ་བརྩི་བ་རེད། དཔེ་ཀློག་ལ་མཚོན་ན་ཡང་ཤེས་རིག་གི་གཏིང་མཐའ་བྲལ་བའི་མཇིངས་ལས་གནས་ལུགས་ཀྱི་མཐིལ་རྟོགས་པའི་སྤྲོ་སྣང་དང་མྱོང་གྲུབ་དེ་གཙོ་བ་ལས། དཔེ་ཀློག་ལ་བརྟེན་ནས་རང་ཉིད་ལ་ཁེ་ཕན་ཅི་ཞིག་བསྐྲུན་རྒྱུའི་འདུན་པ་བཅངས་པ་དེ་དཔེ་ཀློག་གི་མཐར་ཐུག་གི་དམིགས་ཡུལ་དང་དོན་སྙིང་མིན། ཀྲོའུ་ཙུའོ་རེན་གྱིས་ཀྱང་དཔེ་འདི་འདྲ་ཞིག་བཀོད་ཡོད་དེ། “དཔེ་ཆ་ཀློག་པ་ནི་དུ་རྐྱལ་ཞིག་གིས་དུ་བ་འཐེན་པ་དང་འདྲ”ཟེར། ངོ་མ་རེད་དེ་དུ་རྐྱལ་ཞིག་ལ་མཚོན་ན་དུ་བ་འཐེན་པ་ནི་དུ་བ་འཐེན་པ་ཙམ་མིན་པར་དུ་སྨིག་གི་ཀློང་ནས་བསམ་ཡན་གྱི་གཤོག་པ་རྐྱོང་བའི་སྣང་ཡུལ་གྱི་ལོངས་སྤྱོད་ཅིག་རེད། ཡིན་ན་ཡང་། ང་ཚོའི་སློབ་གསོ་དང་ཁྱད་པར་དུ་སློབ་འབྲིང་སློབ་གསོའི་ཆེས་ཆེ་བའི་ཕམ་ཁ་ནི་དེ་ལྟ་བུའི་སྤྲོ་སྣང་གིས་ཕྱུག་པའི་ལོངས་སྤྱོད་ཅིག ཁེ་ཕན་རྩོད་སྟངས་ཤིག་དང་འགན་ཁུར་ལྕི་མོ་ཞིག་ཏུ་བསྒྱུར་དང་སྒྱུར་བཞིན་པ་དེ་རེད་ལ། སློབ་མ་ཚོ་དཔེ་ཀློག་གི་ལས་ལ་ཐང་ཆད་ཅིང་སྐྲག་སྣང་སྐྱེས་སུ་བཅུག་པ་དེ་རེད་ཨང་།
འོ་ན་དཔེ་ཆ་ཅི་ཞིག་བཀླག་དགོས་སམ། དེ་ཡང་སྐུ་ཞབས་ལུའུ་ཞུན་གྱིས་གསུངས་པ་ཇི་བཞིན། ན་གཞོན་ཕལ་ཆེ་བས་སྐར་འབྲས་ལེན་བྱེད་ཀྱི་དཔེ་ཆ་དང་སློབ་དེབ་ལས་གཞན་པའི་དཔེ་ཆར་བལྟས་ཆོག དེ་ཡང་ཨེན་ཀེ་སི་ཡིས་རིག་རྩལ་བསྐྱར་དར་སྐབས་ཀྱི་ཤེས་ཡོན་ཅན་ལ་གདེང་འཇོག་འདི་ལྟར་བྱས་མྱོང་སྟེ། ༼འདི་ནི་དཔྱོད་ལྡན་གྱི་མི་བོ་ཆེ་བྱུང་བའི་དུས་རབས་ཤིག་རེད༽ཟེར། དེས་ན་མཁྱེན་དཔྱོད་ལྡན་པའི་མི་བོ་ཆེ་དག་ནི་ཤེས་བྱ་སྣ་མང་ལ་མཁས་ཤིང་མཛངས་པ་ཅན་དེའི་རིགས་ཡིན་པ་རེད། ད་ལྟའི་ཡོན་ཏན་པ་ཁ་ཤས་བློ་རྒྱ་དང་སྙིང་སྟོབས། མི་གཞི་སོགས་གང་གི་ཐད་ནས་ཀྱང་སྔ་རབས་པ་དག་དང་བར་ཁྱད་ཡོད་པ་དེ་གནས་སྐབས་ཙམ་གྱི་དཔེ་ཀློག་ལ་བརྟེན་ནས་གསབ་ཐུབ་པ་ཞིག་མིན་པར། ཤེས་བྱའི་སྒྲིག་གཞི་མི་འདྲ་བ་དང་རིག་ཚན་མང་པོ་དོན་གཉེར་བྱས་ཚད་ལ་རག་ལས་ཡོད་པས། དཔེ་ཆ་ཅི་ཞིག་ཀློག་པའི་གནད་དོན་དེ་ནི་དོན་དུ་རང་ཉིད་ཀྱི་ཤེས་བྱའི་སྒྲིག་གཞི་ཇི་ལྟར་འཛུགས་རྒྱུའི་གནད་དོན་ཞིག་རེད། དེ་ཡང་མདོར་ན་རང་གིས་རང་ངོ་ཟིན་པར་བྱེད་པའི་གནད་ཀ་དེ་ལ་དམིགས་ནས་རང་ཉིད་ཀྱི་ཤེས་བྱའི་སྒྲིག་གཞི་འཛུགས་རྒྱུ་དེ་གཙོ་བོར་མཐོང་སྟེ། ཀྲོའུ་ཙུའོ་རེན་གྱིས་སྣ་སྒོ་ལྔ་ནས་དཔེ་ཀློག་བྱེད་དགོས་པར་བསྟན་ཡོད།
དང་པོ། མི་ཞིག་ཡིན་ན་མི་རང་གི་ལུས་སེམས་ལ་རྒྱུས་ལོན་བྱེད་དགོས་པས། སྐྱེ་ཁམས་རིག་པ། (ཐོག་མར་འཁྲིག་སྤྱོད་ཀྱི་ཤེས་བྱ་ལ་སློབ་སྦྱོང་བྱེད་དགོས) སེམས་ཁམས་རིག་པ། གསོ་རིག་གི་ཤེས་བྱ་སོགས་ལ་སློབ་སྦྱོང་བྱེད་དགོས།
གཉིས་པ། འགྲོ་བ་མིའི་རིགས་ཤེས་རྟོགས་འབྱུང་དགོས་ན་སྐྱེ་དངོས་རིག་པ་དང་། སྤྱི་ཚོགས་རིག་པ། དམངས་སྲོལ་རིག་པ་དང་ལོ་རྒྱུས་སོགས་ལ་སློབ་སྦྱོང་བྱེད་དགོས།
གསུམ་པ། མི་དང་རང་བྱུང་ཁམས་བར་གྱི་འབྲེལ་བ་ངོས་ཟིན་དགོས་པས། གནམ་དཔྱད། ས་ཁམས། དངོས་ལུགས། རྫས་འགྱུར་གྱི་ཤེས་བྱ་སོགས་ལ་སློབ་སྦྱོང་བྱེད་དགོས།
བཞི་པ། ཚན་རིག་གི་རྨང་གཞིའི་སྐོར་ནས་རྩིས་རིག་དང་མཚན་ཉིད་རིག་པ་ལ་སློབ་སྦྱོང་བྱེད་དགོས།
ལྔ་པ། སྒྱུ་རྩལ་གྱི་སྐོར་ནས་ལྷ་སྒྲུང་རིག་པ་དང་། བྱིས་སྒྲུང་། རྩོམ་རིག སྒྱུ་རྩལ་དང་སྒྱུ་རྩལ་གྱི་བྱུང་བ་སོགས་ལ་སློབ་སྦྱོང་བྱེད་དགོས། དཔེ་ཀློག་དང་སློབ་སྦྱོང་བྱེད་པ་ལ་བློས་གཏོང་གི་སྙིང་སྟོབས་དགོས། ཁོ་བས་རབ་འབྱམས་པའི་བསླབ་བྱ་དོན་གཉེར་བྱེད་དུས། བདག་གི་དགེ་རྒན་ཝང་ཡའོ་ལགས་ཀྱིས“ཆན་ལི་ཆུན། ཉིན་གཅིག་ལ་དུས་ཚོད་ཉེར་བཞི་ཡོད་པས། དུས་ཚོད་ཉེར་བཞི་བོ་དེ་ཁྱེད་ཀྱིས་ཇི་ལྟར་བཀོད་སྒྲིག་བྱེད་འཆར་ཡོད། དཔེ་ཀློག་གི་ཕྱོགས་ལ་དུས་ཚོད་བཀོལ་བ་མང་དྲགས་ན་ཕྱོགས་གཞན་ཞིག་ནས་གྱོང་རག་སྲིད། འོན་ཀྱང་། ཐོབ་པ་ཡོད་ན་ཤོར་བའང་ཡོད་པས་ཇི་ལྟར་བྱ”ཟེར། ཁོང་གིས་བཤད་འདོད་པ་ཡང་སློབ་སྦྱོང་གི་ཆེད་དུ་ཅི་ཞིག་བློས་གཏོང་ཐུབ་དགོས་པའི་སྙིང་སྟོབས་དེ་ག་རེད། རེད་དེ། བློས་གཏོང་གི་སྙིང་སྟོབས་ཤིག་གི་སྔོན་འགྲོའི་འོག་དཔེ་ཀློག་དང་སློབ་སྦྱོང་ལ་ད་དུང༼སིམ་འཛུལ༽བྱེད་དགོས། ཆེས་གཏིང་རིམ་དུ་སིམ་འཛུལ་བྱེད་པ་སྟེ། ཚེ་སྲོག་གི་ཆེས་གཏིང་རིམ་མམ་ལོ་རྒྱུས་ཀྱི་ཆེས་གཏིང་རིམ། རིག་གཞུང་གི་ཆེས་གཏིང་རིམ་ལ་སིམ་འཛུལ་བྱ་དགོས་པར་མ་ཟད། དུས་ཡུན་རིང་པོ་ཞིག་ལ་སིམ་འཛུལ་བྱ་དགོས། སྐབས་འཕྲལ་གྱི་བསླུ་བྲིད་ཡོད་ཚད་དོར་ནས་རྒྱང་རིང་གི་ཕུགས་འདུན་ལ་རྩེ་གཅིག་ཏུ་གཞོལ་དགོས། དེ་ལྟར་བྱས་ཚེ་ད་གཟོད་རང་ཉིད་ལ་རྨང་གཞི་འཇོག་ཐུབ། ད་གཟོད་འགྱུར་བ་སྐྱེན་པའི་སྤྱི་ཚོགས་ཀྱི་ཁྲོད་ནས་ཀྲོང་ངེར་འགྲེང་ཐུབ་པ་རེད། དེ་མིན་ཡུན་རིང་ལ༼སིམ་འཛུལ༽བྱེད་དགོས་ཞེས་པར་ནང་དོན་གཞན་ཞིག་ཀྱང་ཡོད་དེ། དེ་ནི་སློབ་སྦྱོང་གི་གོ་རིམ་ཁྲོད་ནས་གནད་དོན་ཁ་ཤས་ལ་མཉམ་འཇོག་དགོས་པ་དེ་ཡིན། ལྷག་པར་དུ་སྔོན་གྱི་བསྟན་བཅོས་དག་ཀློག་སྐབས་དཀའ་ཁག་གཉིས་ལ་འཕྲད་སྲིད། དང་པོ་ནི་བསྟན་བཅོས་གང་དེའི་དོན་གྱི་སྙིང་པོ་མི་ལོན་པ་དང་། གཉིས་པ་ནི་དོན་གྱི་སྙིང་པོ་ལོན་རྗེས་དེའི་དབང་དུ་སོང་ནས་ཕྱིར་འབུད་མི་ཐུབ་དེའོ།། གཏན་ཚིགས་ནི་ཤར་ནུབ་རིག་གནས་གང་ཞིག་ཡིན་ཀྱང་རྒྱ་ཆེ་གཏིང་ཟབ་ཅེས་པའི་ཡིག་འབྲུ་བཞིས་མཚོན་ཆོག་པས། ཁྱོད་ཀྱིས་གོ་བ་གསལ་པོ་ལོན་མེད་པའི་སྐབས་སུ་དེ་ལ་དགག་སྒྲུབ་ཅི་རིགས་བྱེད་སྲིད་ཀྱང་དོན་གྱི་སྙིང་པོ་ལོན་དུས་དེ་ལ་གོང་བཀུར་བྱེད་ངེས་ལ། ཐ་ན་ཁྱོད་རང་བསྟན་བཅོས་དེ་དག་གི་བྲན་གཡོག་ཏུ་འགྱུར་ཡང་སྲིད་པས་དེའི་རྒྱ་ལས་ཐར་མི་ཐུབ་པར་མ་ཟད། བདག་ཉིད་ཀྱི་རིན་ཐང་ཡང་འབོར་སྲིད། ངས་བལྟས་ན་དེ་འདྲར་འགྱུར་བ་ལས་མ་གཞི་ནས་དེའི་དོན་མ་གོ་ཡང་དྲག་སྙམ།
བཞི། སློབ་གསོའི་དགོངས་དོན།
༼འགན་འཁྲི་དང་སྒེར་ཚུགས། རང་དབང་དང་གསར་གཏོད༽བཅས་ནི་ང་ཚོས་འཚོལ་སྙེག་བྱེད་ཀྱིན་པའི་སྙིང་སྟོབས་ངོ་མ་ཞིག་ཡིན་ལ། ཤེས་ཡོན་ཅན་ངོ་མ་ཞིག་གི་སྙིང་སྟོབས་ཀྱང་དེ་རེད། མི་ཇི་ལྟ་བུ་ཞིག་བྱེད་རྒྱུ་དང་དོན་ཅི་ཞིག་སྒྲུབ་པ་ཚང་མ་ལ་འགན་འཁྲི་ཞིག་ཡོད་དགོས། འགན་འཁྲི་ལ་གོ་དོན་གསུམ་ཡོད་དེ། གཅིག་ནི་རྒྱལ་ཁབ་དང་མི་རིགས་དང་མིའི་རིགས། ལོ་རྒྱུས་དང་དུས་རབས། སྤྱི་ཚོགས། མང་ཚོགས་བཅས་ལ་འགན་འཁུར་བ་དང་། རང་ཉིད་ཀྱི་ཚེ་སྲོག་ལ་འགན་འཁུར་བ། རིག་གཞུང་ལ་འགན་འཁུར་བ་བཅས་དང་། འགན་འཁྲི་དེའི་རིགས་ནི་མི་རིགས་ཉེན་ཁ་ཆེན་པོ་ལ་འཕྲད་པའི་དུས་དང་། སྤྱི་ཚོགས་ཀྱི་ཀུན་སྤྱོད་ལོག་ལམ་དུ་གོལ་བའི་སྐབས་སུ་ཧ་ཅང་གལ་ཆེའོ།། ད་དུང་སེམས་ལ་འཛིན་དགོས་པ་ཞིག་ལ། རང་ཉིད་ལ་འགན་ཁུར་ནས་བདག་ཉིད་ཀྱི་ཚེ་སྲོག་གི་རིན་ཐང་དང་དོན་སྙིང་མངོན་དུ་འགྱུར་བར་བརྩོན་དགོས། རང་ཉིད་ཀྱི་ཚེ་སྲོག་ལ་འགན་འཁུར་དགོས་ཟེར་བ་ཡང་དོན་དུ་དེ་འདྲར་གོ་བ་རེད། སློབ་མར་འགན་འཁུར་བའི་དགེ་རྒན་ཞིག་ཡིན་ན་རིག་གཞུང་ལ་རང་གི་སྲོག་ལྟར་གཅེས་ངེས་ལ། དེ་ལྟ་བུའི་འགན་འཁྲི་ཡོད་པའི་ཤེས་ཡོན་ཅན་དང་དགེ་རྒན་ལ་ཏག་ཏག་སྒེར་ཚུགས་ཀྱི་སྙིང་སྟོབས་དང་རང་དབང་གི་སྙིང་སྟོབས། གསར་གཏོད་ཀྱི་སྙིང་སྟོབས་ལྡན་པ་རེད།
༡༩༤༤ལོར། ལོ་རྒྱུས་རིག་པ་མཁན་གྲགས་ཅན་ཧྥུ་སི་ཉན་གྱིས་སྲིད་འཛིན་ཁང་གི་སྲིད་གཙོ་ཁུང་ཞང་ཞི་ཡིས་གཞུང་རྒྱུ་ལྐོག་ཟ་བྱས་པའི་མཚང་བརྟོལ་བ་རེད། ཚོགས་འདུ་གྲོལ་རྗེས་ཅང་ཅེ་ཧྲི་ཡིས་ཁུང་ཞང་ཞི་ཡི་དོན་དུ་ཁོ་མགྲོན་དུ་བོས། ཅང་ཅེ་ཧྲི་ཡིས་འདྲི་རྒྱུར། ཁྱོད་ང་ལ་ཡིད་ཆེས་སམ། ཧྥུ་སི་ཉན་གྱིས་ངས་ཁྱེད་ལ་ཡིད་ཆེས་བྱེད་ལོས་ཐུབ་ཅེས་ལན་བཏབ་པར། ཅང་ཅེ་ཧྲི་ཡིས་ཡང་བསྐྱར་བཤད་རྒྱུར། ཁྱེད་རང་དངོས་གནས་ང་ལ་ཡིད་ཆེས་ཡོད་ན་ངའི་ལག་འོག་གི་མི་ལ་ཡང་ཡིད་ཆེས་ན་འགྲིག ཧྥུ་སི་ཉན་གྱིས་འཕྲལ་མར་བཤད་རྒྱུར། ཨུ་ཡོན་ཀྲང་ལ་ང་རང་ཡིད་རྟོན་ཡོད་མོད། ཁྱེད་ལ་ཡིད་རྟོན་ཡོད་པ་རྒྱུ་མཚན་དུ་བྱས་ནས་ཁྱེད་ཀྱི་ལག་འོག་གི་མི་མཐའ་དག་ལ་ཡིད་ཆེས་ཡོད་དགོས་ཟེར་ན་ངའི་མགོ་བོ་གཅོད་དགོས་ཀྱང་དེ་ལྟར་སྨྲ་མི་ཕོད་ཟེར། གཏམ་རྒྱུད་ཐུང་ཐུང་འདི་ལས་སྙིང་སྟོབས་ཤིག་མཐོང་ཐུབ། སྙིང་སྟོབས་དེ་ནི་སྒེར་ཚུགས་ཀྱི་མི་གཞི་དང་ལ་རྒྱ། ད་དུང་དཔའ་ཉམས་བཅས་རེད་ཨང་།
ལུའུ་ཞུན་གྱིས་བཤད་རྒྱུར། ༼མཐའ་མེད་པའི་རྒྱང་རིང་གྲངས་མེད་པའི་མི་མང་ཡོད་ཚད་ང་དང་འབྲེལ་བ་ཟབ༽ཅེས་པ་ལྟར། མི་བུ་དེ་དག་གི་སེམས་ནང་དུ། མི་རིགས་ཧྲིལ་པོ་དང་མིའི་རིགས་ཡོད་ཚད། ཐ་ན་འཇིག་རྟེན་གྱི་ཚེ་སྲོག་ཐམས་ཅད་ཀྱང་རང་ཉིད་ཀྱི་ཚེ་སྲོག་དང་འབྲེལ་བ་ཟབ་པར་འདོད་པས། རྒྱལ་ཁབ་དང་མི་རིགས། མིའི་རིགས་དང་འཇིག་རྟེན་ལས་ཚེ་སྲོག་གཅིག་ཙམ་གྱི་རང་དབང་ཤོར་བས་ཀྱང་། ཁོ་ཚོ་རང་ཉིད་ཀྱི་རང་དབང་ཤོར་བའི་གདུང་སེམས་སྐྱེ་བ་རེད། ཁ་ཅིག་ན་རེ། དོན་དམ་གྱི་སྙན་ངག་པ་ཞིག་ཡིན་ན། དག་ཞིང་གི་བདེ་བ་དང་དམྱལ་ཁམས་ཀྱི་སྡུག་བསྔལ་མངོན་སུམ་མྱོང་ཐུབ་ལ། མི་གཞན་དག་དམར་གསོད་བྱེད་པ་མཐོང་ན་རང་ཉིད་དམར་གསོད་ལྟ་བུར་སྡུག་བསྔལ་ལོ་ཟེར།
མི་ཡི་གསར་གཏོད་ཀྱི་ནུས་པའི་ཚད་དེ་དོན་དུ་ཅི་ཙམ་ཡོད་དམ། དངོས་གནས་དཔོག་དཀའ་བ་ཞིག་རེད་ཨང་། ཡིན་ཀྱང་། རྒན་རབས་དག་གི་མདུན་དུ་ང་ཚོ་རང་གི་ནུས་པ་དམན་པར་བསམ་ནས་ངོ་གནོང་མི་དགོས་ཏེ། རྒྱུ་མཚན་ནི་ང་ཚོའི་རིགས་རྒྱུད་ཀྱི་ཁོང་གསེང་ན་གསར་གཏོད་ཀྱི་ནུས་པ་མེད་པ་ལར་ནས་མིན་པས། ང་ཚོ་ལའང་སྔ་རབས་པ་དག་གིས་སྒྲུབ་ནུས་པ་དག་སྒྲུབ་ཐུབ་པའི་ཕུགས་འདུན་དང་བློ་སྤོབས་ཡོད་ཆོག་ཆོག་ཡིན་ནོ།།
ང་ཚོའི་ཞིང་གྲོང་སློབ་གསོ་ཡང“གྲོང་ཁྱེར་དཀྱིལ་སྙིང་ཡིན”པའི་རྗེས་སུ་སྙེག་གིན་འདུག “རིམ་འཕར་སློབ་གསོ”ནི་ད་ལྟའི་སློབ་གསོའི་དཔེ་མཚོན་དུ་གྱུར་ཡོད་ཅིང་། དེའི་དམིགས་འབེན་ཉག་གཅིག་ནི་སློབ་རིམ་འཕར་བ་དེ་ཡིན་པས་འཚོ་བ་ལ་བར་ཐག་རིང་བ་དང་ན་ཆུང་དག་གཉོམ་ལག་རྒྱས་པ་ལ་ཡང་ཁ་ཐག་གྱེས་ཡོད་པས། དེ་ནི་ཞིང་གྲོང་གི་འཚོ་བར་འབྲེལ་བ་ཅི་ཡང་མེད་པར་མ་ཟད་ཀྲུང་གོའི་ཞིང་གྲོང་གི་དངོས་ཡོད་དང་ཡང་འབྲེལ་ཐག་ཆད་འདུག ཐ་ན་ཚད་ངེས་ཅན་ཞིག་གི་སྟེང་ནས་ཀྲུང་གོའི་གནས་ཚུལ་སྤྱི་དང་ཡང་བར་གྱིས་ཆོད་འདུག ཡང་གཅིག་བཤད་ན་དེ་ནི་ཞིང་སྡེའི་བཅོས་སྒྱུར་དང་འཛུགས་སྐྲུན་ལ་བསམ་བློ་མ་བཏང་བའི་མཇུག་འབྲས་རེད། གྲོང་ཁྱེར་ཅན་ལ་ཕྱོགས་པའི་སློབ་གསོ་དེས་ནི་ཏག་ཏག་ཞིང་སྡེའི་སློབ་གསོ་ཕྱོགས་ཡོངས་ནས་དཀའ་ཁག་ལ་གཏད་ཡོད། ཞིང་གྲོང་སློབ་གསོ་ལ་འགན་ཁུར་སྣ་སྒོ་གསུམ་དང་ཡང་ན་གསོ་སྐྱོང་གི་དམིགས་ཡུལ་སྣ་གསུམ་ཡོད་འོས། དང་པོ། མཐོ་རིམ་སློབ་གྲྭར་འཇོན་མི་སྐྱེལ་རྒྱུ། དེ་ནི་མཐོ་རིམ་སློབ་གསོ་འཕེལ་རྒྱས་ཀྱི་དགོས་མཁོ་ཡིན་ལ། ཞིང་གྲོང་གི་ན་ཆུང་རྣམས་ཀྱི་ཐོབ་ཐང་ཡང་ཡིན། གཉིས་པ། གྲོང་ཁྱེར་འཛུགས་སྐྲུན་ལ་འཇོན་མི་སྐྱེལ་རྒྱུ། དེང་ཕྱིན་གྱི་དུས་སྐབས་ངེས་ཅན་ཞིག་གི་ནང་དུ། གྲོང་ཁྱེར་འཛུགས་སྐྲུན་ལ་ཞིང་གྲོང་གི་ངལ་རྩོལ་པ་མཁོ་ལ། ཞིང་གྲོང་གི་རྣམ་པ་ཡང་གྲོང་རྡལ་ཅན་དང་གྲོང་ཁྱེར་ཅན་ལ་ཁ་ཕྱོགས་དགོས་པས། རིག་གནས་ཡོད་པའི་གྲོང་ཁྱེར་གྱི་ངལ་རྩོལ་པ་སྐྱེད་སྲིང་བྱ་རྒྱུ་ནི་ཞིང་གྲོང་སློབ་གསོ་ཡི་ཟློག་ཏུ་མེད་པའི་འོས་འགན་གལ་ཆེན་ཞིག་ཏུ་གྱུར་ཡོད། གསུམ་པ། སྤྱི་ཚོགས་རིང་ལུགས་ཀྱི་ཞིང་སྡེ་གསར་པ་འཛུགས་སྐྲུན་ལ་དམིགས་རྒྱུ། ཞིང་སྡེའི་སློབ་གསོས་ཞིང་སྡེའི་འཛུགས་སྐྲུན་དང་བཅོས་སྒྱུར་ལ་མཁོ་བའི་འཇོན་མི་སྐྱེད་སྲིང་བྱ་རྒྱུའི་འགན་དང་དུ་ལེན་དགོས་པར་མ་ཟད། དུས་ཡུན་ངེས་ཅན་ཞིག་གི་རིང་དུ། ཞིང་སྡེའི་འཛུགས་སྐྲུན་ལ་མཁོ་བའི་འཇོན་མི་སྐྱེད་སྲིང་བྱེད་རྒྱུ་དེ་ད་དུང་རང་ས་རང་ཡུལ་གྱི་སློབ་གྲྭའི་གསོ་སྐྱོང་ལ་བརྟེན་དགོས། གོང་གི་ཞིང་སྡེའི་སློབ་གསོའི་དམིགས་འབེན་དེ་གསུམ་གར་གཞིགས་ཏེ། ཞིང་སྡེའི་སློབ་གསོའི་སྒྲིག་གཞི་གསར་པ་ངེས་པར་དུ་འཛུགས་དགོས། དེ་ཡང་སློབ་འབྲིང་གི་རྗེས་ནས་སློབ་གསོ་སྣ་སྒོ་གཉིས་མཉམ་གཅིག་ཏུ་སྤེལ་དགོས་ཏེ། གཅིག་ནི་ལས་རིགས་སློབ་གསོ་ཡིན་ཅིང་། དེས་གྲོང་ཁྱེར་འཛུགས་སྐྲུན་དང་ཞིང་སྡེ་འཛུགས་སྐྲུན་ལ་མཁོ་བའི་ལག་རྩལ་ཤེས་ལྡན་པ་གསོ་སྐྱོང་བྱ་བའམ་ཁོ་ཚོར་རྨང་གཞིའི་ལག་རྩལ་གྱི་འོས་སྦྱོང་སྤྲོད་དགོས། ཅིག་ཤོས་ནི་མཐོ་འབྲིང་སློབ་གསོ་ཡིན་ཅིང་། དེས་མཐོ་རིམ་སློབ་གྲྭར་འཇོན་མི་སྐྱེལ་དགོས་ལ། དུས་མཚུངས་སུ་ལག་རྩལ་པ་འོས་འཚམ་རེ་ཡང་སྐྱེད་སྲིང་བྱེད་དགོས།
གཞན་ཡང་ཞིང་སྡེ་ལ་མཚོན་ན་མ་གཞི་ནས་རང་བྱུང་བབ་ཆགས་ཀྱི་འཚོ་བ་ཞིག་དང་དྭངས་གཙང་ལྷད་མེད་ཀྱི་ཁོར་ཡུག་ཅིག་བདོག་པས། བྱིས་པ་དག་ནར་སོན་པའི་གོ་རིམ་ཁྲོད་དུ་དེ་ལྟ་བུའི་ཁོར་ཡུག་ཅིག་དང་འཚོ་བ་ཞིག་གི་ནང་རིམ་དུ་སིམ་པའི་རིག་གནས་ཤིག་གི་ཤན་ཤུགས་ཀྱང་མི་ཐེབས་ཅི་ལ་སྲིད། ཡང་གཅིག་བཤད་ན་མི་དང་རང་བྱུང་གི་འབྲེལ་ཐག་ཉེ་བའི་འཚོ་གནས་ཀྱི་རྣམ་པ་དེ་ནི་ཏག་ཏག་ཆེས་གཞི་རྩར་གྱུར་པའི་སློབ་གསོའི་གནད་ཀ་ཞིག་ཡིན་ཏེ། ས་གཞིའི་ཕང་བ་ནས་ཨ་སྔོན་གྱི་མཐོངས་དབྱིངས་ཚོར་བའི་ཁོར་ཡུག་དེས་མིའི་སེམས་སུ་མཚར་སྣང་སྐྱེ་བར་ནུས་པ་བླ་ལྷག་ཅིག་ཐོན་སྲིད། དེར་མ་ཟད་མི་དང་མིའི་བར་གྱི་འབྲེལ་བའི་ཕྱོགས་ནས་ཀྱང་དཔེར་ན། ཁྱིམ་མི་ཚང་མ་ལྷན་དུ་སྡོད་པ་དང་ཉེ་དུའི་བར་ལ་འགྲོ་འོང་མང་བ་སོགས་བརྩེ་མདངས་ཀྱིས་ཕྱུག་པའི་ཁོར་ཡུག་ཅིག་མཆིས་ལ། དེས་བྱིས་པའི་བདེ་ཐང་གི་འཚར་སྐྱེ་ལ་ཐེབས་པའི་ཤུགས་རྐྱེན་ནི་ཤ་རུས་ཀྱི་གསེང་ལ་སིམས་པ་ལྟ་བུ་ཞིག་ཡིན། དེ་ཡང་འབྱུང་སྤུས་སློབ་གསོ་ལ་གཙིགས་མཐོང་བྱ་བའི་དེང་སྐབས་སུ། ཞིང་སྡེའི་སློབ་གསོའི་ཁྱད་ཆོས་དང་ལེགས་ཆ་དེ་དག་ལ་རིན་ཐང་གཞལ་དུ་མེད་པ་ཞིག་མཆིས་ལ། གྲོང་ཁྱེར་གྱི་སློབ་གསོ་ལ་ཡང་དཔེ་སྟོན་གྱི་དོན་སྙིང་བླ་ལྷག་ཅིག་ལྡན་ཡང་། ཡིད་སྐྱོ་བ་ཞིག་ལ་ང་ཚོས་རིན་ཐང་དེ་དག་སྔར་ནས་བོར་ཚར་འདུག་པས། ངོ་མ་རྒྱ་མཚོ་གམ་ནས་བསྐྱུར་ཏེ་ཀོ་གྱོང་མཆིལ་མས་སྦང་བའི་དཔེ་ཟླར་སོང་འདུག
གསུམ། དཔེ་ཀློག་ཇི་ལྟར་བྱེད་དགོས།
དཔེ་ཀློག་གི་སྐོར་ནས་ལུའུ་ཞུན་གྱིས“དཔེ་ཆ་ཀློག་པ་ནི་རྒྱལ་འཇོག་པ་དང་འདྲ”ཟེར། དེ་ཡང་སྦག་རྩེར་སྤྲོ་མཁན་ཞིག་ལ་མཚོན་ན་ཉིན་མཚན་བར་མེད་དུ་སྦག་རྩེ་ངེས་ལ། མཚམས་ལན་རེར་སྤྱི་བདེ་མི་སྣས་འཛིན་བཟུང་བྱས་ནའང་གློད་བཀྲོལ་བཏང་རྗེས་མུ་མཐུད་དུ་རྩེ་བ་རེད། རྩེ་མོ་དེའི་ཆེས་ཁྱད་དུ་མཚར་བའི་གནས་ནི་ཏག་ཏག་ལག་སྣེའི་ཤོ་མིག་རེ་རེ་ལ་བསམ་ཡུལ་ལས་འདས་པའི་འགྱུར་ལྡོག་སྣ་ཚོགས་པ་ཞིག་འབྱུང་རྒྱུ་ཡོད་པ་དེ་ཡིན། དཔེ་ཆ་ཀློག་པ་ཡང་དེ་བཞིན་དུ་ཤོག་ངོས་རེ་རེས་ཁྱོད་ལ་ཤེས་རིག་གི་མཛེས་ལྗོངས་ཅི་རིགས་བསྐྲུན་ངེས་པའི་གནད་ཀ་དེ་ནི་གཙོ་བོ་རེད། དོན་གྱིས་སྦག་རྩེ་མཁན་ཞིག་ཡིན་ཕྱིན་རྒྱལ་ཕམ་ལ་དེ་འདྲའི་དོ་སྣང་མི་བྱ་བར་གཙོ་བོ་ནི་སྦག་གི་རྩེ་མོའི་ཁྲོད་ཀྱི་སྤྲོ་སྣང་ཉམས་སུ་མྱོང་རྒྱུ་དེ་རེད། གལ་ཏེ་རྒྱན་ལས་རྒྱལ་བའི་ཆེད་དུ་སྦག་རྩེ་བ་ཡིན་ན་དེ་ནི་རྒྱན་པོའི་ཁྲོད་ཀྱི་ཐ་ཤལ་ལ་བརྩི་བ་རེད། དཔེ་ཀློག་ལ་མཚོན་ན་ཡང་ཤེས་རིག་གི་གཏིང་མཐའ་བྲལ་བའི་མཇིངས་ལས་གནས་ལུགས་ཀྱི་མཐིལ་རྟོགས་པའི་སྤྲོ་སྣང་དང་མྱོང་གྲུབ་དེ་གཙོ་བ་ལས། དཔེ་ཀློག་ལ་བརྟེན་ནས་རང་ཉིད་ལ་ཁེ་ཕན་ཅི་ཞིག་བསྐྲུན་རྒྱུའི་འདུན་པ་བཅངས་པ་དེ་དཔེ་ཀློག་གི་མཐར་ཐུག་གི་དམིགས་ཡུལ་དང་དོན་སྙིང་མིན། ཀྲོའུ་ཙུའོ་རེན་གྱིས་ཀྱང་དཔེ་འདི་འདྲ་ཞིག་བཀོད་ཡོད་དེ། “དཔེ་ཆ་ཀློག་པ་ནི་དུ་རྐྱལ་ཞིག་གིས་དུ་བ་འཐེན་པ་དང་འདྲ”ཟེར། ངོ་མ་རེད་དེ་དུ་རྐྱལ་ཞིག་ལ་མཚོན་ན་དུ་བ་འཐེན་པ་ནི་དུ་བ་འཐེན་པ་ཙམ་མིན་པར་དུ་སྨིག་གི་ཀློང་ནས་བསམ་ཡན་གྱི་གཤོག་པ་རྐྱོང་བའི་སྣང་ཡུལ་གྱི་ལོངས་སྤྱོད་ཅིག་རེད། ཡིན་ན་ཡང་། ང་ཚོའི་སློབ་གསོ་དང་ཁྱད་པར་དུ་སློབ་འབྲིང་སློབ་གསོའི་ཆེས་ཆེ་བའི་ཕམ་ཁ་ནི་དེ་ལྟ་བུའི་སྤྲོ་སྣང་གིས་ཕྱུག་པའི་ལོངས་སྤྱོད་ཅིག ཁེ་ཕན་རྩོད་སྟངས་ཤིག་དང་འགན་ཁུར་ལྕི་མོ་ཞིག་ཏུ་བསྒྱུར་དང་སྒྱུར་བཞིན་པ་དེ་རེད་ལ། སློབ་མ་ཚོ་དཔེ་ཀློག་གི་ལས་ལ་ཐང་ཆད་ཅིང་སྐྲག་སྣང་སྐྱེས་སུ་བཅུག་པ་དེ་རེད་ཨང་།
འོ་ན་དཔེ་ཆ་ཅི་ཞིག་བཀླག་དགོས་སམ། དེ་ཡང་སྐུ་ཞབས་ལུའུ་ཞུན་གྱིས་གསུངས་པ་ཇི་བཞིན། ན་གཞོན་ཕལ་ཆེ་བས་སྐར་འབྲས་ལེན་བྱེད་ཀྱི་དཔེ་ཆ་དང་སློབ་དེབ་ལས་གཞན་པའི་དཔེ་ཆར་བལྟས་ཆོག དེ་ཡང་ཨེན་ཀེ་སི་ཡིས་རིག་རྩལ་བསྐྱར་དར་སྐབས་ཀྱི་ཤེས་ཡོན་ཅན་ལ་གདེང་འཇོག་འདི་ལྟར་བྱས་མྱོང་སྟེ། ༼འདི་ནི་དཔྱོད་ལྡན་གྱི་མི་བོ་ཆེ་བྱུང་བའི་དུས་རབས་ཤིག་རེད༽ཟེར། དེས་ན་མཁྱེན་དཔྱོད་ལྡན་པའི་མི་བོ་ཆེ་དག་ནི་ཤེས་བྱ་སྣ་མང་ལ་མཁས་ཤིང་མཛངས་པ་ཅན་དེའི་རིགས་ཡིན་པ་རེད། ད་ལྟའི་ཡོན་ཏན་པ་ཁ་ཤས་བློ་རྒྱ་དང་སྙིང་སྟོབས། མི་གཞི་སོགས་གང་གི་ཐད་ནས་ཀྱང་སྔ་རབས་པ་དག་དང་བར་ཁྱད་ཡོད་པ་དེ་གནས་སྐབས་ཙམ་གྱི་དཔེ་ཀློག་ལ་བརྟེན་ནས་གསབ་ཐུབ་པ་ཞིག་མིན་པར། ཤེས་བྱའི་སྒྲིག་གཞི་མི་འདྲ་བ་དང་རིག་ཚན་མང་པོ་དོན་གཉེར་བྱས་ཚད་ལ་རག་ལས་ཡོད་པས། དཔེ་ཆ་ཅི་ཞིག་ཀློག་པའི་གནད་དོན་དེ་ནི་དོན་དུ་རང་ཉིད་ཀྱི་ཤེས་བྱའི་སྒྲིག་གཞི་ཇི་ལྟར་འཛུགས་རྒྱུའི་གནད་དོན་ཞིག་རེད། དེ་ཡང་མདོར་ན་རང་གིས་རང་ངོ་ཟིན་པར་བྱེད་པའི་གནད་ཀ་དེ་ལ་དམིགས་ནས་རང་ཉིད་ཀྱི་ཤེས་བྱའི་སྒྲིག་གཞི་འཛུགས་རྒྱུ་དེ་གཙོ་བོར་མཐོང་སྟེ། ཀྲོའུ་ཙུའོ་རེན་གྱིས་སྣ་སྒོ་ལྔ་ནས་དཔེ་ཀློག་བྱེད་དགོས་པར་བསྟན་ཡོད།
དང་པོ། མི་ཞིག་ཡིན་ན་མི་རང་གི་ལུས་སེམས་ལ་རྒྱུས་ལོན་བྱེད་དགོས་པས། སྐྱེ་ཁམས་རིག་པ། (ཐོག་མར་འཁྲིག་སྤྱོད་ཀྱི་ཤེས་བྱ་ལ་སློབ་སྦྱོང་བྱེད་དགོས) སེམས་ཁམས་རིག་པ། གསོ་རིག་གི་ཤེས་བྱ་སོགས་ལ་སློབ་སྦྱོང་བྱེད་དགོས།
གཉིས་པ། འགྲོ་བ་མིའི་རིགས་ཤེས་རྟོགས་འབྱུང་དགོས་ན་སྐྱེ་དངོས་རིག་པ་དང་། སྤྱི་ཚོགས་རིག་པ། དམངས་སྲོལ་རིག་པ་དང་ལོ་རྒྱུས་སོགས་ལ་སློབ་སྦྱོང་བྱེད་དགོས།
གསུམ་པ། མི་དང་རང་བྱུང་ཁམས་བར་གྱི་འབྲེལ་བ་ངོས་ཟིན་དགོས་པས། གནམ་དཔྱད། ས་ཁམས། དངོས་ལུགས། རྫས་འགྱུར་གྱི་ཤེས་བྱ་སོགས་ལ་སློབ་སྦྱོང་བྱེད་དགོས།
བཞི་པ། ཚན་རིག་གི་རྨང་གཞིའི་སྐོར་ནས་རྩིས་རིག་དང་མཚན་ཉིད་རིག་པ་ལ་སློབ་སྦྱོང་བྱེད་དགོས།
ལྔ་པ། སྒྱུ་རྩལ་གྱི་སྐོར་ནས་ལྷ་སྒྲུང་རིག་པ་དང་། བྱིས་སྒྲུང་། རྩོམ་རིག སྒྱུ་རྩལ་དང་སྒྱུ་རྩལ་གྱི་བྱུང་བ་སོགས་ལ་སློབ་སྦྱོང་བྱེད་དགོས། དཔེ་ཀློག་དང་སློབ་སྦྱོང་བྱེད་པ་ལ་བློས་གཏོང་གི་སྙིང་སྟོབས་དགོས། ཁོ་བས་རབ་འབྱམས་པའི་བསླབ་བྱ་དོན་གཉེར་བྱེད་དུས། བདག་གི་དགེ་རྒན་ཝང་ཡའོ་ལགས་ཀྱིས“ཆན་ལི་ཆུན། ཉིན་གཅིག་ལ་དུས་ཚོད་ཉེར་བཞི་ཡོད་པས། དུས་ཚོད་ཉེར་བཞི་བོ་དེ་ཁྱེད་ཀྱིས་ཇི་ལྟར་བཀོད་སྒྲིག་བྱེད་འཆར་ཡོད། དཔེ་ཀློག་གི་ཕྱོགས་ལ་དུས་ཚོད་བཀོལ་བ་མང་དྲགས་ན་ཕྱོགས་གཞན་ཞིག་ནས་གྱོང་རག་སྲིད། འོན་ཀྱང་། ཐོབ་པ་ཡོད་ན་ཤོར་བའང་ཡོད་པས་ཇི་ལྟར་བྱ”ཟེར། ཁོང་གིས་བཤད་འདོད་པ་ཡང་སློབ་སྦྱོང་གི་ཆེད་དུ་ཅི་ཞིག་བློས་གཏོང་ཐུབ་དགོས་པའི་སྙིང་སྟོབས་དེ་ག་རེད། རེད་དེ། བློས་གཏོང་གི་སྙིང་སྟོབས་ཤིག་གི་སྔོན་འགྲོའི་འོག་དཔེ་ཀློག་དང་སློབ་སྦྱོང་ལ་ད་དུང༼སིམ་འཛུལ༽བྱེད་དགོས། ཆེས་གཏིང་རིམ་དུ་སིམ་འཛུལ་བྱེད་པ་སྟེ། ཚེ་སྲོག་གི་ཆེས་གཏིང་རིམ་མམ་ལོ་རྒྱུས་ཀྱི་ཆེས་གཏིང་རིམ། རིག་གཞུང་གི་ཆེས་གཏིང་རིམ་ལ་སིམ་འཛུལ་བྱ་དགོས་པར་མ་ཟད། དུས་ཡུན་རིང་པོ་ཞིག་ལ་སིམ་འཛུལ་བྱ་དགོས། སྐབས་འཕྲལ་གྱི་བསླུ་བྲིད་ཡོད་ཚད་དོར་ནས་རྒྱང་རིང་གི་ཕུགས་འདུན་ལ་རྩེ་གཅིག་ཏུ་གཞོལ་དགོས། དེ་ལྟར་བྱས་ཚེ་ད་གཟོད་རང་ཉིད་ལ་རྨང་གཞི་འཇོག་ཐུབ། ད་གཟོད་འགྱུར་བ་སྐྱེན་པའི་སྤྱི་ཚོགས་ཀྱི་ཁྲོད་ནས་ཀྲོང་ངེར་འགྲེང་ཐུབ་པ་རེད། དེ་མིན་ཡུན་རིང་ལ༼སིམ་འཛུལ༽བྱེད་དགོས་ཞེས་པར་ནང་དོན་གཞན་ཞིག་ཀྱང་ཡོད་དེ། དེ་ནི་སློབ་སྦྱོང་གི་གོ་རིམ་ཁྲོད་ནས་གནད་དོན་ཁ་ཤས་ལ་མཉམ་འཇོག་དགོས་པ་དེ་ཡིན། ལྷག་པར་དུ་སྔོན་གྱི་བསྟན་བཅོས་དག་ཀློག་སྐབས་དཀའ་ཁག་གཉིས་ལ་འཕྲད་སྲིད། དང་པོ་ནི་བསྟན་བཅོས་གང་དེའི་དོན་གྱི་སྙིང་པོ་མི་ལོན་པ་དང་། གཉིས་པ་ནི་དོན་གྱི་སྙིང་པོ་ལོན་རྗེས་དེའི་དབང་དུ་སོང་ནས་ཕྱིར་འབུད་མི་ཐུབ་དེའོ།། གཏན་ཚིགས་ནི་ཤར་ནུབ་རིག་གནས་གང་ཞིག་ཡིན་ཀྱང་རྒྱ་ཆེ་གཏིང་ཟབ་ཅེས་པའི་ཡིག་འབྲུ་བཞིས་མཚོན་ཆོག་པས། ཁྱོད་ཀྱིས་གོ་བ་གསལ་པོ་ལོན་མེད་པའི་སྐབས་སུ་དེ་ལ་དགག་སྒྲུབ་ཅི་རིགས་བྱེད་སྲིད་ཀྱང་དོན་གྱི་སྙིང་པོ་ལོན་དུས་དེ་ལ་གོང་བཀུར་བྱེད་ངེས་ལ། ཐ་ན་ཁྱོད་རང་བསྟན་བཅོས་དེ་དག་གི་བྲན་གཡོག་ཏུ་འགྱུར་ཡང་སྲིད་པས་དེའི་རྒྱ་ལས་ཐར་མི་ཐུབ་པར་མ་ཟད། བདག་ཉིད་ཀྱི་རིན་ཐང་ཡང་འབོར་སྲིད། ངས་བལྟས་ན་དེ་འདྲར་འགྱུར་བ་ལས་མ་གཞི་ནས་དེའི་དོན་མ་གོ་ཡང་དྲག་སྙམ།
བཞི། སློབ་གསོའི་དགོངས་དོན།
༼འགན་འཁྲི་དང་སྒེར་ཚུགས། རང་དབང་དང་གསར་གཏོད༽བཅས་ནི་ང་ཚོས་འཚོལ་སྙེག་བྱེད་ཀྱིན་པའི་སྙིང་སྟོབས་ངོ་མ་ཞིག་ཡིན་ལ། ཤེས་ཡོན་ཅན་ངོ་མ་ཞིག་གི་སྙིང་སྟོབས་ཀྱང་དེ་རེད། མི་ཇི་ལྟ་བུ་ཞིག་བྱེད་རྒྱུ་དང་དོན་ཅི་ཞིག་སྒྲུབ་པ་ཚང་མ་ལ་འགན་འཁྲི་ཞིག་ཡོད་དགོས། འགན་འཁྲི་ལ་གོ་དོན་གསུམ་ཡོད་དེ། གཅིག་ནི་རྒྱལ་ཁབ་དང་མི་རིགས་དང་མིའི་རིགས། ལོ་རྒྱུས་དང་དུས་རབས། སྤྱི་ཚོགས། མང་ཚོགས་བཅས་ལ་འགན་འཁུར་བ་དང་། རང་ཉིད་ཀྱི་ཚེ་སྲོག་ལ་འགན་འཁུར་བ། རིག་གཞུང་ལ་འགན་འཁུར་བ་བཅས་དང་། འགན་འཁྲི་དེའི་རིགས་ནི་མི་རིགས་ཉེན་ཁ་ཆེན་པོ་ལ་འཕྲད་པའི་དུས་དང་། སྤྱི་ཚོགས་ཀྱི་ཀུན་སྤྱོད་ལོག་ལམ་དུ་གོལ་བའི་སྐབས་སུ་ཧ་ཅང་གལ་ཆེའོ།། ད་དུང་སེམས་ལ་འཛིན་དགོས་པ་ཞིག་ལ། རང་ཉིད་ལ་འགན་ཁུར་ནས་བདག་ཉིད་ཀྱི་ཚེ་སྲོག་གི་རིན་ཐང་དང་དོན་སྙིང་མངོན་དུ་འགྱུར་བར་བརྩོན་དགོས། རང་ཉིད་ཀྱི་ཚེ་སྲོག་ལ་འགན་འཁུར་དགོས་ཟེར་བ་ཡང་དོན་དུ་དེ་འདྲར་གོ་བ་རེད། སློབ་མར་འགན་འཁུར་བའི་དགེ་རྒན་ཞིག་ཡིན་ན་རིག་གཞུང་ལ་རང་གི་སྲོག་ལྟར་གཅེས་ངེས་ལ། དེ་ལྟ་བུའི་འགན་འཁྲི་ཡོད་པའི་ཤེས་ཡོན་ཅན་དང་དགེ་རྒན་ལ་ཏག་ཏག་སྒེར་ཚུགས་ཀྱི་སྙིང་སྟོབས་དང་རང་དབང་གི་སྙིང་སྟོབས། གསར་གཏོད་ཀྱི་སྙིང་སྟོབས་ལྡན་པ་རེད།
༡༩༤༤ལོར། ལོ་རྒྱུས་རིག་པ་མཁན་གྲགས་ཅན་ཧྥུ་སི་ཉན་གྱིས་སྲིད་འཛིན་ཁང་གི་སྲིད་གཙོ་ཁུང་ཞང་ཞི་ཡིས་གཞུང་རྒྱུ་ལྐོག་ཟ་བྱས་པའི་མཚང་བརྟོལ་བ་རེད། ཚོགས་འདུ་གྲོལ་རྗེས་ཅང་ཅེ་ཧྲི་ཡིས་ཁུང་ཞང་ཞི་ཡི་དོན་དུ་ཁོ་མགྲོན་དུ་བོས། ཅང་ཅེ་ཧྲི་ཡིས་འདྲི་རྒྱུར། ཁྱོད་ང་ལ་ཡིད་ཆེས་སམ། ཧྥུ་སི་ཉན་གྱིས་ངས་ཁྱེད་ལ་ཡིད་ཆེས་བྱེད་ལོས་ཐུབ་ཅེས་ལན་བཏབ་པར། ཅང་ཅེ་ཧྲི་ཡིས་ཡང་བསྐྱར་བཤད་རྒྱུར། ཁྱེད་རང་དངོས་གནས་ང་ལ་ཡིད་ཆེས་ཡོད་ན་ངའི་ལག་འོག་གི་མི་ལ་ཡང་ཡིད་ཆེས་ན་འགྲིག ཧྥུ་སི་ཉན་གྱིས་འཕྲལ་མར་བཤད་རྒྱུར། ཨུ་ཡོན་ཀྲང་ལ་ང་རང་ཡིད་རྟོན་ཡོད་མོད། ཁྱེད་ལ་ཡིད་རྟོན་ཡོད་པ་རྒྱུ་མཚན་དུ་བྱས་ནས་ཁྱེད་ཀྱི་ལག་འོག་གི་མི་མཐའ་དག་ལ་ཡིད་ཆེས་ཡོད་དགོས་ཟེར་ན་ངའི་མགོ་བོ་གཅོད་དགོས་ཀྱང་དེ་ལྟར་སྨྲ་མི་ཕོད་ཟེར། གཏམ་རྒྱུད་ཐུང་ཐུང་འདི་ལས་སྙིང་སྟོབས་ཤིག་མཐོང་ཐུབ། སྙིང་སྟོབས་དེ་ནི་སྒེར་ཚུགས་ཀྱི་མི་གཞི་དང་ལ་རྒྱ། ད་དུང་དཔའ་ཉམས་བཅས་རེད་ཨང་།
ལུའུ་ཞུན་གྱིས་བཤད་རྒྱུར། ༼མཐའ་མེད་པའི་རྒྱང་རིང་གྲངས་མེད་པའི་མི་མང་ཡོད་ཚད་ང་དང་འབྲེལ་བ་ཟབ༽ཅེས་པ་ལྟར། མི་བུ་དེ་དག་གི་སེམས་ནང་དུ། མི་རིགས་ཧྲིལ་པོ་དང་མིའི་རིགས་ཡོད་ཚད། ཐ་ན་འཇིག་རྟེན་གྱི་ཚེ་སྲོག་ཐམས་ཅད་ཀྱང་རང་ཉིད་ཀྱི་ཚེ་སྲོག་དང་འབྲེལ་བ་ཟབ་པར་འདོད་པས། རྒྱལ་ཁབ་དང་མི་རིགས། མིའི་རིགས་དང་འཇིག་རྟེན་ལས་ཚེ་སྲོག་གཅིག་ཙམ་གྱི་རང་དབང་ཤོར་བས་ཀྱང་། ཁོ་ཚོ་རང་ཉིད་ཀྱི་རང་དབང་ཤོར་བའི་གདུང་སེམས་སྐྱེ་བ་རེད། ཁ་ཅིག་ན་རེ། དོན་དམ་གྱི་སྙན་ངག་པ་ཞིག་ཡིན་ན། དག་ཞིང་གི་བདེ་བ་དང་དམྱལ་ཁམས་ཀྱི་སྡུག་བསྔལ་མངོན་སུམ་མྱོང་ཐུབ་ལ། མི་གཞན་དག་དམར་གསོད་བྱེད་པ་མཐོང་ན་རང་ཉིད་དམར་གསོད་ལྟ་བུར་སྡུག་བསྔལ་ལོ་ཟེར།
མི་ཡི་གསར་གཏོད་ཀྱི་ནུས་པའི་ཚད་དེ་དོན་དུ་ཅི་ཙམ་ཡོད་དམ། དངོས་གནས་དཔོག་དཀའ་བ་ཞིག་རེད་ཨང་། ཡིན་ཀྱང་། རྒན་རབས་དག་གི་མདུན་དུ་ང་ཚོ་རང་གི་ནུས་པ་དམན་པར་བསམ་ནས་ངོ་གནོང་མི་དགོས་ཏེ། རྒྱུ་མཚན་ནི་ང་ཚོའི་རིགས་རྒྱུད་ཀྱི་ཁོང་གསེང་ན་གསར་གཏོད་ཀྱི་ནུས་པ་མེད་པ་ལར་ནས་མིན་པས། ང་ཚོ་ལའང་སྔ་རབས་པ་དག་གིས་སྒྲུབ་ནུས་པ་དག་སྒྲུབ་ཐུབ་པའི་ཕུགས་འདུན་དང་བློ་སྤོབས་ཡོད་ཆོག་ཆོག་ཡིན་ནོ།།
Subscribe to:
Comments (Atom)